ଚିତ ରଂଜନ ନାୟକ, କନ୍ଧମାଳ: ବାଲିଗୁଡ଼ା ଥାନା ଅନ୍ତର୍ଗତ କଟପଡି ଗ୍ରାମଠାରେ ମର୍ମନ୍ତୁଦ ଦୁର୍ଘଟଣା। ଗତକାଲି ରାତି ପ୍ରାୟ ୧୦ଟା ସମୟରେ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା ହୋଇଛି। ଏଥିରେ ତିନି ଜଣଙ୍କ ମୃତ୍ୟୁ ଘଟିଛି।। 


COMMERCIAL BREAK
SCROLL TO CONTINUE READING

ମିଳିଥିବା ସୂଚନାନୁସାରେ, ଶୁକ୍ରବାର ରାତିରେ ଟ୍ରାକ୍ଟର ଏବଂ ଦ୍ରୁତ ବେଗରେ ଆସୁଥିବା ବାଇକ, କଟପଡି ଗ୍ରାମଠାରେ ମୁହାଁମୁହିଁ ଧକ୍କା ହୋଇଥିଲେ। ଏହି ଦୁର୍ଘଟଣା (Accident) ରେ ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିଲା। ଅନ୍ୟ ଜଣେ ଚିକିତ୍ସାଧିନ ଅବସ୍ଥାରେ ଫୁଲବାଣୀ ହସ୍ପିଟାଲ (Phulbani Hospital) ରେ ଆଖି ବୁଜିଛନ୍ତି।   


Also Read: ତିରିଶି ହଜାର ଭୁଲିଗଲା ସବୁ ପ୍ରେମ: ଟଙ୍କା ପାଇଁ ଝରାଫୁଲର ଜୀବନ ନେଲା ପ୍ରେମିକ


ଦୁର୍ଘଟଣା ବିଷୟରେ ଗ୍ରାମବାସୀଙ୍କ ଠାରୁ ଖବର ପାଇ ବାଲିଗୁଡ଼ା ଥାନାଧିକାରୀ ପ୍ରଶାନ୍ତ ବେହେରା ସଙ୍ଗେସଙ୍ଗେ SI ରବିନ୍ଦ୍ର ମୁଣ୍ଡାରୀ ଓ କୈଳାସ ନାଥ ରାଉତ ସହ ଘଟଣାସ୍ଥଳରେ ପହଞ୍ଚିଥିଲେ। ଅଗ୍ନିଶମ ବାହିନୀଙ୍କ ସହାୟତାରେ ଉଦ୍ଧାର କାର୍ଯ୍ୟ କରାଯାଇ ୧୦୮ ଆମ୍ବୁଲାନ୍ସରେ ଗୁରୁତର ବ୍ୟକ୍ତିଙ୍କୁ ବାଲିଗୁଡ଼ା ଉପଖଣ୍ଡ ସ୍ବାସ୍ଥ୍ୟ କେନ୍ଦ୍ର ବାଲିଗୁଡ଼ା ନିଆଯାଇଥିଲା। ସେପଟେ ବାଲିଗୁଡା ପୋଲିସ (Baliguda Police) ଏହାର ଏକ ମାମଲାର ରୁଜୁ କରି ତଦନ୍ତ ଚଳାଇଛି।