ଅଟୋରିକ୍ସା ଡ୍ରାଇଭର ସହ ଫେରାର ହେଲେ କୋଟିପତି ମାଲିକାଣି; ସାଥିରେ ନେଇଗଲେ ଏତେଟଙ୍କା
ବର୍ତ୍ତମାନ ପର୍ଯ୍ୟନ୍ତ ଫେରାର ହୋଇଯାଇଥିବା ମହିଳା କିମ୍ବା ଅଟୋ ଡ୍ରାଇଭର ବାବଦରେ କୌଣସି ଖବର ମିଳିନାହିଁ।
ଭୋପାଳ: ମଧ୍ୟ ପ୍ରଦେଶର ଇନ୍ଦୋରରେ ଘଟିଯାଇଛି ଏକ ଚାଞ୍ଚଲ୍ୟକର ଘଟଣା। ଏଠାକାର ଜଣେ କୋଟିପତି ବ୍ୟକ୍ତିଙ୍କ ପତ୍ନୀ ନିଜ ବୟସରୁ ୧୩ ବର୍ଷ ସାନ ଜଣେ ଅଟୋରିକ୍ସା ଡ୍ରାଇଭର ସହ ୪୭ ଲକ୍ଷ ଟଙ୍କା ନେଇ ଫେରାର ହୋଇଯାଇଛନ୍ତି।
ଇନ୍ଦୋରର (Indore) ଖଜରାନା ଅଞ୍ଚଳରେ ଏହି ଘଟଣା ଘଟିଥିବା ଜଣାପଡି଼ଛି। ଏ ମାମଲାରେ ଫେରାର ହୋଇଯାଇଥିବା ମହିଳାଙ୍କ ସ୍ୱାମୀ ନିଜ ପତ୍ନୀ ନିଖୋଜ ହୋଇଯିବା ଏବଂ ଘରୁ ୪୭ ଲକ୍ଷ ଟଙ୍କା ଚୋରି ହୋଇଥିବା ନେଇ ଥାନାରେ ଅଭିଯୋଗ କରିଛନ୍ତି। ଏନେଇ ଅଭିଯୋଗ ପାଇବା ପରେ ପୋଲିସ (Madhya Pradesh Police) ଏଭଳି ଚାଞ୍ଚଲ୍ୟ ସୃଷ୍ଟିକାରୀ ଘଟଣାରେ ତଦନ୍ତ ଆରମ୍ଭ କରିଛି।
ଘରୁ ୪୭ ଲକ୍ଷ ଟଙ୍କା ନେଇ ଅଟୋରିକ୍ସା ଡ୍ରାଇଭର (Autorickshaw Driver) ସହ ଫେରାର ହୋଇଯାଇଥିବା କୋଟିପତି ବ୍ୟକ୍ତିଙ୍କ ପତ୍ନୀଙ୍କୁ ଖୋଜି ବାହାର କରିବା ପାଇଁ ପ୍ରୟାସ ଜାରି ରଖିଛି ପୋଲିସ। ଗତ ଅକ୍ଟୋବର ୧୩ ତାରିଖରୁ ଏହି ମହିଳା ଫେରାାର ହୋଇଯାଇଥିବା ଜଣାପଡି଼ଛି। ବର୍ତ୍ତମାନ ପର୍ଯ୍ୟନ୍ତ ଏହି ମହିଳାଙ୍କ ବାବଦରେ କୌଣସି ଖବର ମିଳିନାହିଁ। ଫେରାର ହୋଇଯାଇଥିବା ମହିଳାଙ୍କ ସ୍ୱାମୀ କୋଟି କୋଟି ଟଙ୍କା ମୂଲ୍ୟ ବିଶିଷ୍ଟ ଜମି ମାଲିକ ଅଟନ୍ତି।
Also Read: ଯାହାକୁ ଭାବିଥିଲେ କନ୍ୟା ସେ ବାହାରିଲା...
ସେ ତାଙ୍କ ଘରେ ୪୭ ଲକ୍ଷ ଟଙ୍କା ରଖିଥିଲେ। ଏହାକୁ ନେଇ ତାଙ୍କ ପତ୍ନୀ ଘରୁ ଫେରାର ହୋଇଯାଇଥିଲେ। ଏହି ମହିଳାଙ୍କ ସହ ଚମ୍ପଟ ମାରିଥିବା ଅଟୋରିକ୍ସା ଚାଳକଙ୍କ ପରିଚୟ ମିଳିଛି। ସେ ହେଉଛନ୍ତି ୩୨ ବର୍ଷୀୟ ଇମରାନ। ପୋଲିସ ଏ ଘଟଣାରେ ଫେରାର ଅଟୋ ଡ୍ରାଇଭରର ଜଣେ ସାଙ୍ଗ ଘରୁ ୩୩ ଲକ୍ଷ ଟଙ୍କା ଜବତ କରିଛି। ହେଲେ ବର୍ତ୍ତମାନ ପର୍ଯ୍ୟନ୍ତ ଫେରାର ହୋଇଯାଇଥିବା ମହିଳା କିମ୍ବା ଅଟୋ ଡ୍ରାଇଭର ବାବଦରେ କୌଣସି ଖବର ମିଳିନାହିଁ।
ସେମାନଙ୍କୁ ଧରିବା ପାଇଁ ପୋଲିସ କ୍ରମାଗତ ଭାବେ ଖଣ୍ଡୱା, ଜାବରା, ଉଜ୍ୱୈନନ, ରତଲାମ ପ୍ରଭୃତି ସ୍ଥାନରେ ଚଢାଉ କରୁଛି। ଏହି ଚାରୋଟି ସହରରେ ସେମାନଙ୍କ ଉପସ୍ଥିତି ବାବଦରେ ଖବର ମିଳିଛି। ପୋଲିସ ଉଭୟଙ୍କ ମୋବାଇଲ ଲୋକସନ (Mobile Location) ଉପରେ ଅନୁସନ୍ଧାନ କରୁଛି।