ସମ୍ବଲପୁର: ବୁର୍ଲା ଥାନା ଅଞ୍ଚଳରେ ଜଣେ ଟ୍ରକ ଡ୍ରାଇଭରଙ୍କୁ ଅପହରଣ ଓ ଡକାୟତି ମାମଲାରେ ପୋଲିସକୁ ମିଳିଛି ସଫଳତା। ଅପହୃତ ଟ୍ରକ ଡ୍ରାଇଭରକୁ ସୁରକ୍ଷିତ ଭାବେ ଉଦ୍ଧାର କରାଯିବା ସହ ଟ୍ରକକୁ ମଧ୍ୟ ପୋଲିସ ଉଦ୍ଧାର କରିଛି। 
ଏନେଇ ସମ୍ବଲପୁର ଏସପି ବାତୁଲା ଗଙ୍ଗାଧର ସୂଚନା ଦେଇଛନ୍ତି।


COMMERCIAL BREAK
SCROLL TO CONTINUE READING

ଗତ ୧୦ ତାରିଖରେ ବୁର୍ଲା ଥାନା (Burla Police) ଅଞ୍ଚଳରୁ ଅଜିତ କୁମାର ସାହୁ ନାମକ ଜଣେ ଡ୍ରାଇଭର ନିଖୋଜ (Driver Missing) ହୋଯାଇଥିଲେ। ୫ ଜଣ ଦୁର୍ବୃତ୍ତ ଏକ ଅଲ୍ଟୋ କାରରେ ଆସି ତାଙ୍କୁ ଅପହରଣ କରିବା ସହ ଟ୍ରକକୁ ମଧ୍ୟ ନେଇ ଯାଇଥିବା ଅଭିଯୋଗ ହୋଇଥିଲା। ଏହି ଅଭିଯୋଗ ମିଳିବା ପରେ ସମ୍ବଲପୁର ଏସପି (Sambalpur SP) ଙ୍କ ନେତୃତ୍ବରେ ୨ଟି ସ୍ପେଶାଲ ଟିମ୍ ଗଠନ କରି ତଦନ୍ତ କରାଯାଉଥିଲା।


Also Read: ବିବାହ ଓ ଜନ ସମାବେଶ ଉପରେ ଲାଗିଲା କଟକଣା


ସେହି ଅପହରଣ (Kidnapping) ଓ ଡକାୟତି (Loot Case) ମାମଲାରେ ପୋଲିସକୁ ଏକ ବଡ ସଫଳତା ମିଳିଛି। ଚୋରି ହୋଇଥିବା ଟ୍ରକ ଓ ଡ୍ରାଇଭର ଅଜିତ କୁମାର ସାହୁଙ୍କୁ ସୁନ୍ଦରଗଡ (Sundergarghଜିଲ୍ଲାରୁ ଉଦ୍ଧାର କରାଯାଇଥିଲା। ତେବେ ଅପହରଣକର୍ତ୍ତାମାନେ ଫେରାର ଥିବା ବେଳେ ପୋଲିସ ସେମାନଙ୍କୁ ଧରିବାକୁ ଉଦ୍ୟମ ଜାରି ରଖିଥିବା ସମ୍ବଲପୁର ଏସପି ସୂଚନା ଦେଇଛନ୍ତି।