ବୁଲେଟ ଧକ୍କାରେ ମଇଁଷି ମୃତ, ଚାଳକ ଗୁରୁତର

ଆଜି ସନ୍ଧ୍ୟା ସମୟରେ ବୁଲେଟ (Bullet) ରେ ଦୁଇଜଣ ବ୍ୟକ୍ତି ପ୍ରସନ୍ନ ପଣ୍ଡା ଛକରୁ ବମ୍ବେ ଛକ ପଟକୁ ଆସୁଥିବା ବେଳେ ବିଟିଏମ ଛକ ନିକଟରେ ଦୁଇଟି ମଇଁଷି କୁ ଧକ୍କା (Accident) ଦେଇଥିଲା। ଦୁର୍ଘଟଣା ପରେ ବୁଲେଟରେ ଥିବା ଜଣେ ବ୍ୟକ୍ତି ଅଚେତ ହୋଇଯାଇଥିଲେ।

ଝାରସୁଗୁଡ଼ା: ଜିଲ୍ଲା ସଦର ଥାନା ଅନ୍ତର୍ଗତ ବିଟିଏମ ଛକ ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଶନିବାର ସନ୍ଧ୍ୟାରେ ଦୁଇଟି ମଇଁଷିକୁ ଧକ୍କା ଦେଇ ବୁଲେଟ ଚାଳକ ଗୁରୁତର ହୋଇଛନ୍ତି। ଦୁର୍ଘଟଣା ହେବା କ୍ଷଣି ଗୋଟିଏ ମଇଁଷି ଘଟଣାସ୍ଥଳରେ ହିଁ ମୃତ ଆଉ ଗୋଟେଏ ମଇଁଷିର ଅବସ୍ଥା ଶୋଚନୀୟ ଅଛି। 

ଆଜି ସନ୍ଧ୍ୟା ସମୟରେ ବୁଲେଟ (Bullet) ରେ ଦୁଇଜଣ ବ୍ୟକ୍ତି ପ୍ରସନ୍ନ ପଣ୍ଡା ଛକରୁ ବମ୍ବେ ଛକ ପଟକୁ ଆସୁଥିବା ବେଳେ ବିଟିଏମ ଛକ ନିକଟରେ ଦୁଇଟି ମଇଁଷି କୁ ଧକ୍କା (Accident) ଦେଇଥିଲା। ଦୁର୍ଘଟଣା ପରେ ବୁଲେଟରେ ଥିବା ଜଣେ ବ୍ୟକ୍ତି ଅଚେତ ହୋଇଯାଇଥିବା ବେଳେ ଅନ୍ୟ ଜଣେ ପରିଚୟ କହି ପାରୁନଥିବା ସଦର ଥାନା ଅଧିକାରୀ ସୂଚନା ଦେଇଛନ୍ତି। ବୁଲେଟ ଗାଡିଟି ଦ୍ରୁତ ଗତିରେ ଥିବା ପୋଲିସର ପ୍ରାଥମିତ ତଦନ୍ତରୁ ଜଣା ପଡିଛି।

ଆହତ ଦୁଇଜଣଙ୍କୁ ସ୍ଥାନୀୟ ଲୋକଙ୍କ ସାହାଯ୍ୟରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଛି। ସେପଟେ ଦୁର୍ଘଟଣାର ଶିକାର ହୋଇଥିବା ଗୋଟିଏ ମଇଁଷି ଘଟଣା ସ୍ଥଳରେ ପ୍ରାଣ ହରାଇଥିବା ବେଳେ ଅନ୍ୟ ମଇଁଷି ବି ଗୁରୁତର ଅଛି। ବୁଲା ଗାଈଗୋରୁଙ୍କ ପାଇଁ ନିୟମିତ ଦୁର୍ଘଟଣା ଘଟୁଛି। ଏଥିପାଇଁ ଉଭୟ ଗାଈଗୋରୁଙ୍କ ମାଲିକ ଓ ବେପରୁଆ ଗାଡିଚାଳକ ଦାୟୀ ବୋଲି ସ୍ଥାନୀୟ ବାସିନ୍ଦା କହିଛନ୍ତି।