ମହେଶ ବାବୁଙ୍କୁ କଡ଼ା ଜବାବ ଦେଲେ ସୁନୀଲ ସେଟ୍ଟୀ , କହିଲେ `ବାପ୍ ହମେଶା ବାପ୍ ରହେଗା `

ସାରା ଦୁନିଆରେ ସାଉଥର କିଛି ଫିଲ୍ମ ହିଟ୍ ସାବ୍ୟସ୍ତ ହେବାପରେ , ସାଉଥ ଫିଲ୍ମ ଇଣ୍ଡଷ୍ଟ୍ରୀର କିଛି ଅଭିନେତା ବଲିଉଡକୁ ନେଇ ବୟାନବାଜି କରିବା ଆରମ୍ଭ କରିଦେଇଛନ୍ତି । ନିଜକୁ ସମସ୍ତଙ୍କ ଠାରୁ ଭଲ ସାବ୍ୟସ୍ତ କରିବାରେ ଲାଗିପଡ଼ିଛନ୍ତି ସାଉଥ ଫିଲ୍ମ ଇଣ୍ଡଷ୍ଟ୍ରୀ ଅଭିନେତା । ବଲିଉଡକୁ ନେଇ ବିବାଦୀୟ ବୟାନ ଦେଇଥିବା ମହେଶ ବାବୁଙ୍କୁ କଡ଼ା ଜବାବ ଦେଇଛନ୍ତି ବଲିଉଡ ଅଭିନେତା ସୁନୀଲ ସେଟ୍ଟୀ ।

ନୂଆଦିଲ୍ଲୀ: ବଲିଉଡ ଅଭିନେତା ସୁନୀଲ ସେଟ୍ଟୀSuniel Shettyଙ୍କୁ କିଏ ବା ନଜାଣେ , ସେ ଦର୍ଶକଙ୍କୁ ଅନେକ ହିଟ୍ ଫିଲ୍ମ ଭେଟି ଦେଇଛନ୍ତି । ନିକଟରେ ତାଙ୍କୁ ସାଉଥ ଇଣ୍ଡଷ୍ଟ୍ରୀ ଏବଂ ବଲିଉଡ ଇଣ୍ଡଷ୍ଟ୍ରୀକୁ ନେଇ ଚାଲିଥିବା ବିବାଦ ପ୍ରସଙ୍ଗରେ ପ୍ରଶ୍ନ ପଚରାଯାଇଥିଲା । ଏହି ପ୍ରଶ୍ନର ଉତ୍ତର ଦେଇ ଅଭିନେତା ସୁନୀଲ ସେଟ୍ଟୀ କହିଛନ୍ତି ଯେ 'ବାପ ତୋ ହମେଶା ବାପ୍ ହି ରହେଗା ' । ଅପକମିଂ ଫିଲ୍ମ ମେଜର (Major) ର ଟ୍ରେଲର ଲଞ୍ଚ୍ ସମୟରେ ସାଉଥ ସୁପରଷ୍ଟାର ମହେଶ ବାବୁ (Mahesh Babu)ଙ୍କୁ ବଲିଉଡ ଡେବ୍ୟୁ ନେଇ ପ୍ରଶ୍ନ ପଚରାଯାଇଥିଲା । ଯାହା ଉତ୍ତରରେ ମହେଶ ବାବୁ କହିଥିଲେ ଯେ ତାଙ୍କୁ ବଲିଉଡ ଟଙ୍କା ଦେଇ ପାରିବ ନାହିଁ । ଏହି  ବିବାଦୀୟ ମନ୍ତବ୍ୟ ଏବେ ଚର୍ଚ୍ଚାର ବିଷୟ ପାଲଟିଛି । ମହେଶ ବାବୁଙ୍କ ଏହି ମନ୍ତବ୍ୟକୁ ନେଇ ଅନେକ ବିତର୍କ ସୋସିଆଲ ମିଡିଆରେ ଦେଖିବାକୁ ମିଳିଛି ।  

ମହେଶ ବାବୁ  (Mahesh Babu) ବଲିଉଡ (Bollywood)କୁ ନେଇ ଦେଇଥିବା ବିବାଦୀୟ ବୟାନ ଉପରେ ଅନେକ ସେଲିବ୍ରିଟି ନିଜ ନିଜର ମତାମତ ଦେଇଛନ୍ତି । ମହେଶ ବାବୁ ବଲିଉଡରେ ଡେବ୍ୟୁ ନେଇ କହିଥିଲେ ଯେ ସେ ନିଜ ସମୟ ବରବାଦ କରିବାକୁ ଚାହୁଁନାହାନ୍ତି । ବଲିଉଡ ତାଙ୍କୁ ଟଙ୍କା ଦେଇପାରିବ ନାହିଁ ।  ଆପଣଙ୍କର ମନେଥିବ ଏହା ପୂର୍ବରୁ  ଅଭିନେତା କିଚ୍ଚା ସୁଦୀପ (Kiccha Sudeep) ଆଉ ଅଜୟ ଦେବଗନ (Ajay Devgan)ଙ୍କ ଭିତରେ ସୋସିଆଲ ମିଡିଆ ଜରିଆରେ ହିନ୍ଦୀ ଭାଷାକୁ ନେଇ  ବୟାନବାଜି ହୋଇଥିଲା । କେବଳ ଏତିକି ନୁହେଁ ଏହି ବିବାଦରେ ଫିଲ୍ମ ନିର୍ଦ୍ଦେଶକ ରାମ ଗୋପାଲ ବର୍ମା (Ram Gopal Verma) , ଅଭିନେତା ସୋନୁ ସୁଦ୍ (Sonu Sood) ଏବଂ ସିଙ୍ଗର ସୋନୁ ନିଗମ (Sonu Nigam)ଙ୍କ ସହିତ ଆହୁରି ଅନେକ ସେଲିବ୍ରିଟି ନିଜ ନିଜ ମତ ଦେଇଥିଲେ ।

ବର୍ତ୍ତମାନ ସମୟରେ ସାଉଥର କିଛି ଫିଲ୍ମ ସାରା ଦୁନିଆରେ ହିଟ୍ ସାବ୍ୟସ୍ତ ହେବା ପରେ ସାଉଥ ଅଭିନେତା ବଲିଉଡକୁ ନେଇ ବୟାନବାଜି କରିବା ଆରମ୍ଭ କରିଦେଇଛନ୍ତି ଆଉ ନିଜକୁ ସବୁଠୁ ଭଲ ସାବ୍ୟସ୍ତ କରିବାରେ ଲାଗିଛନ୍ତି । ବଲିଉଡ ଅଭିନେତା ସୁନୀଲ ସେଟ୍ଟୀ ଏକ ସାକ୍ଷାତକାରରେ ଏହି ପ୍ରସଙ୍ଗ ଉପରେ ନିଜ ବୟାନ ଦେଇଛନ୍ତି । ସୁନୀଲ ସେଟ୍ଟୀ କହିଛନ୍ତି ଯେ , 'ବାପ୍ , ବାପ୍ ହୋତା ହୈ । ମୋତେ ଲାଗୁଛି ବଲିଉଡ ଭର୍ସେସ ସାଉଥ ଇଣ୍ଡଷ୍ଟ୍ରୀର ସିନ୍ ସୋସିଆଲ ମିଡିଆରେ କ୍ରିଏଟ୍ କରାଯାଇଛି । ଆମେ ଭାରତୀୟ , ଆଉ ଯଦି ଓଟିଟି ପ୍ଲାଟଫର୍ମ କଥା କହିବା ସେଠାରେ ଭାଷାର ଗୁରୁତ୍ୱ ନାହିଁ  । କେବଳ କଣ୍ଟେଟର ପ୍ରାଧାନ୍ୟ ରହିଥାଏ । ମୁଁ ମଧ୍ୟ ସାଉଥରୁ ଆସିଛି , ହେଲେ ମୋର କର୍ମଭୂମି ମୁମ୍ବାଇ ' ।

ସେ ଆହୁରି କହିଛନ୍ତି ' ଦର୍ଶକ ନିଷ୍ପତ୍ତି ନେଉଛନ୍ତି କେଉଁ ଫିଲ୍ମ ତାଙ୍କୁ ଦେଖିବା ଦରକାର ଆଉ କେଉଁ ଫିଲ୍ମ ଦେଖିବା ଉଚିତ୍ ନୁହେଁ । ଆମ ସମସ୍ୟା ହେଲା ଆମେ ଦର୍ଶକଙ୍କୁ ଭୁଲି ସାରିଛୁ । ସିନେମା ହେଉ ବା ଓଟିଟି , ବାପା ସବୁବେଳେ ବାପା ହିଁ ରହିବେ , ବାକି ଫ୍ୟାମିଲ ମେମ୍ବର୍ସ , ଫ୍ୟାମିଲି ମେମ୍ବର୍ସ ହିଁ ରହିବେ । ବଲିଉଡ ସବୁବେଳେ ବଲିଉଡ ରହିବ । ଆମକୁ ଭାବିବା ଦରକାର , କାହିଁକି ନା ଆଜିର ସମୟରେ କଣ୍ଟେଣ୍ଟ ହିଁ ରାଜା' ।