Entertainment News: ପୁଣି ଲୁହରେ ଭିଜିଲା କଳା ଜଗତ, ଆଉ ନାହାଁନ୍ତି ଏହି ଭେଟେରାନ୍ ଫିଲ୍ମ ନିର୍ମାତା

Entertainment News: ପୁଣି କଳା ଜଗତରୁ ଆସିଲା ଦୁଃଖଦ ଖବର। ଲୁହରେ ଭିଜିଲା ବଲିଉଡ ଇଣ୍ତଷ୍ଟ୍ରି। ପଢନ୍ତୁ ପୂରା ଖବର...

Filmmaker Raaj Grover Passes Away: ପୁଣି କଳା ଜଗତରୁ ଆସିଲା ଦୁଃଖଦ ଖବର। ଲୁହରେ ଭିଜିଲା ବଲିଉଡ ଇଣ୍ତଷ୍ଟ୍ରି। ଆଉ ନାହାଁନ୍ତି ଫିଲ୍ମ ନିର୍ମାତା ରାଜ୍ ଗ୍ରୋଭର। ୮୭ ବର୍ଷ ବୟସରେ ତାଙ୍କର ପରଲୋକ ଘଟିଛି। ଯାହାକୁ ନେଇ ପୂରା ସିନେମା ଜଗତରେ ଦୁଃଖର ଲହରି ଖେଳି ଯାଇଛି। ଗଣମାଧ୍ୟମ ରିପୋର୍ଟ ଅନୁସାରେ, ରାଜ୍ ଗ୍ରୋଭର  ଜୁନ୍ ୪( ମଙ୍ଗଳବାର) ଦିନ ଆମେରିକାରେ ମୃତ୍ୟୁ ବରଣ କରିଥିଲେ। ତେବେ, ରାଜ୍ ଦିର୍ଘ ବର୍ଷ ହେବ ଭାରତ ଛାଡି ଆମେରିକାକୁ ଚାଲିଯାଇଥିଲେ।  ତେବେ ,ଏହି ନିର୍ମାତା ୮୦ ରୁ ୯୦ ଦଶକ ମଧ୍ୟରେ ଏକାଧିକ ହିଟ୍ ଫିଲ୍ମ ନିର୍ମାଣ କରିଛନ୍ତି। ରାଜ୍ ଗ୍ରୋଭର ଧର୍ମେନ୍ଦ୍ର, ବିନୋଦ ଖାନ୍ନା, ପରବେନ୍ ବାବି(Parveen Bobby)ଙ୍କ ସହ ଏକାଧିକ ଫିଲ୍ମରେ କାମ କରିଛନ୍ତି। 

ସୂଚନା ଯୋଗ୍ୟ, କିଭଳି ପରିସ୍ଥିତିରେ ରାଜ୍ ଙ୍କ ମୃତ୍ୟୁ ଘଟିଲା ସେନେଇ ତାଙ୍କ ପରିବାର ବର୍ଗ ପକ୍ଷରୁ କୌଣସି ସୂଚନା ମିଳି ନାହିଁ। ରାଜ୍ ଗ୍ରୋଭର ତାଙ୍କ ସମୟରେ ବଲିଉଡ଼କୁ ଏକାଧିକ ହିଟ୍ ଫିଲ୍ମ ଦେଇଛନ୍ତି । ଠିକାନା (Thikana),ତାକତ୍ (Takkat) ଭଳି ହିଟ୍ ଫିଲ୍ମ ରହିଛି।  ସେ  ଅନୀଲ୍ କପୁର, ସ୍ମିତା ପାଟିଲ୍ ଓ ଅମ୍ରିତା ସିଂଙ୍କ ସହ ଏକାଧିକ ଫିଲ୍ମରେ କାମ କରିଛନ୍ତି।  ରାଜ୍ କେବଳ ଜଣେ ଫିଲ୍ମ ନିର୍ମାତା ନୁହଁନ୍ତି । ସେ ଏକାଧାରରେ ଜଣେ ପ୍ରସିଦ୍ଧ ଲେଖକ । ସେ ‘କିମ୍ବଦନ୍ତୀ ବଲିଉଡ’ ନାମକ ଏକ ପୁସ୍ତକ ଲେଖିଥିଲେ। ତାଙ୍କର ଦେହାନ୍ତ ଫିଲ୍ମ ଇଣ୍ଡଷ୍ଟ୍ରି ପାଇଁ ଏକ ବଡ କ୍ଷତି କହିଲେ ଅତ୍ୟୁକ୍ତି ହେବ ନାହିଁ।