ବଲିଉଡକୁ ବାଏ ବାଏ ! ଏଥର ତେଲୁଗୁ ଫିଲ୍ମ ଇଣ୍ଡଷ୍ଟ୍ରୀରେ ଧୁମ୍ ମଚାଇବେ ଭାଇଜାନ
ଟ୍ୱିଟ୍ କରି ଚିରଞ୍ଜିବୀ ଲେଖିଛନ୍ତି `` ୱେଲକମ୍ ଆବ୍ରୋଡ୍ ଗଡଫାଦର , ଭାଇ ସଲମାନ ଖାନ , ଆପଣଙ୍କ ଏଣ୍ଟ୍ରି ସମସ୍ତଙ୍କୁ ଏନର୍ଜି ଦେଇଛି , ସମସ୍ତଙ୍କ ଏକ୍ସାଇଟମେଣ୍ଟ ନେକ୍ସଟ ଲେଭଲରେ ପହଞ୍ଚିଛି ।
ନୂଆଦିଲ୍ଲୀ: ସଲମାନ ଖାନଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର। ବଲିଉଡରେ ଭାଇଜାନ ନିଜର ଜଲୱା ଜାରି ରଖିଥିବା ବେଳେ ଏବେ ସେ ତେଲୁଗୁ ଫିଲ୍ମ ଇଣ୍ଡଷ୍ଟ୍ରୀରେ ବି ନିଜର ଜଲୱା ଦେଖାଇବା ପାଇଁ ଯାଉଛନ୍ତି । ଏହି ଖବର ନେଇ ତେଲୁଗୁ ସୁପରଷ୍ଟାର ଚିରଞ୍ଜିବୀ ସୂଚନା ଦେଇଛନ୍ତି।
ଚିରଞ୍ଜିବୀଙ୍କ ଅପକମିଂ ଫିଲ୍ମରେ ନଜର ଆସିବେ ସଲମାନ ।ତାଙ୍କର ଅପକମିଂ ଫିଲ୍ମ ଗଡ୍ ଫାଦର (God father ) ପାଇଁ ସାଇନ୍ କରିଛନ୍ତି ସଲମାନ ଖାନ।ଏନେଇ ଅଭିନେତା ଏକ ଫଟୋ ସେୟାର କରିଛନ୍ତି। ଏହି ଫଟୋରେ ଚିରଞ୍ଜିବୀ ଆଉ ସଲମାନ ଗୋଟେ ଫୁଲ ବୁକେ ଧରିଥିବାର ନଜର ଆସିଛନ୍ତି। ଟ୍ୱିଟ୍ କରି ଚିରଞ୍ଜିବୀ ଲେଖିଛନ୍ତି '' ୱେଲକମ୍ ଆବ୍ରୋଡ୍ ଗଡଫାଦର , ଭାଇ ସଲମାନ ଖାନ , ଆପଣଙ୍କ ଏଣ୍ଟ୍ରି ସମସ୍ତଙ୍କୁ ଏନର୍ଜି ଦେଇଛି , ସମସ୍ତଙ୍କ ଏକ୍ସାଇଟମେଣ୍ଟ ନେକ୍ସଟ ଲେଭଲରେ ପହଞ୍ଚିଛି । ଆପଣଙ୍କ ସହ ସ୍କ୍ରିନ୍ ସେୟାର କରିବା ବହୁତ ଆନନ୍ଦଦାୟକ , ଆପଣଙ୍କ ଉପସ୍ଥିତି ସତରେ ଅଡିଏନ୍ସଙ୍କୁ ମ୍ୟାଜିକାଲ 'କିକ୍ ' ଦେବ ନିଶ୍ଚିତ'।
Also Read: ଇଦରେ ଧମାଲ କରିବେ ଟାଇଗର, ନୱାଜଉଦ୍ଦିନଙ୍କ ଭିନ୍ନ ଅବତାର
ଚିରଞ୍ଜିବୀ(Chiranjeevi) ଙ୍କ ଗଡ୍ ଫାଦର (God Father) ଫିଲ୍ମ ,ଅଭିନେତା ପୃଥ୍ୱୀରାଜ ସୁକୁମାରନଙ୍କ ମଲୟାଲମରେ ନିର୍ଦ୍ଦେଶିତ ଲୁସିଫରର ରିମେକ୍। ଏହି ଫିଲ୍ମରେ ନୟନତାରା , ସତ୍ୟଦେବ୍ କଞ୍ଚରଣା ନଜର ଆସିବେ। ଏହି ଫିଲ୍ମ କୋନିଡେଲା ପ୍ରଡକ୍ସନ କମ୍ପାନୀ ଏବଂ ସୁପର ଗୁଡ୍ ଫିଲ୍ମ ମିଳିତ ଭାବେ ପ୍ରସ୍ତୁତ କରୁଛନ୍ତି । ନିକଟରେ ସଲମାନ ଖାନ ନିଜର ଅୱେଟେଡ୍ ଫିଲ୍ମ ଟାଇଗର ୩ର ଟିଜର ସେୟାର କରିଥିଲେ ।
Also Read: Airtel, Vodafone Idea ଏବଂ Jio: ପ୍ରତିଦିନ ୨ ଜିବି ଡାଟାର ବେଷ୍ଟ ପ୍ଲାନ
ଏହି ଫିଲ୍ମ ଆସନ୍ତା ବର୍ଷ ଏପ୍ରିଲ ୨୧ରେ ରିଲିଜ ହେବ । ଫିଲ୍ମ ନେଇ ସଲମାନ ଖାନ ସୋସିଆଲ ମିଡିଆରେ ପୋଷ୍ଟ ସେୟାର କରିଥିଲେ । ଟାଇଗର-୩ ୨୦୨୩ ଇଦରେ ରିଲିଜ ହେବ, ଏହି ଫିଲ୍ମ ହିନ୍ଦୀ, ତାମିଲ , ତେଲୁଗୁ (Telegu) ଭାଷାରେ ରିଲିଜ ହେବ।