ଇବ୍ ନଦୀରେ ବୁ଼ଡି ନାବାଳକ ମୃତ

ଅଗ୍ନିଶମ ବିଭାଗ ଏବଂ ପୋଲିସ ପ୍ରାୟ ଏକ ଘଣ୍ଟାରୁ ଉର୍ଦ୍ଧ୍ୱ ସମୟ ଧରି ଖୋଜାଖୋଜି କରିବା ପରେ ପାଣିରୁ ଉଦ୍ଧାର ହୋଇଥିଲେ ମୃତକ ନାବାଳକ।

ଝାରସୁଗୁଡ଼ା: ଜିଲ୍ଲାର ବ୍ରଜରାଜନଗର ଥାନା ଅନ୍ତର୍ଗତ ଓରିଏଣ୍ଟ ପେପର ମିଲ ନିକଟସ୍ଥ ଇବ୍ ନଦୀ ଘାଟରେ ବୁଡି ଜଣେ ୧୪ ବର୍ଷୀୟ ନାବାଳକ ରୀଣ୍ଟୁ ପାଇରାଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ଲମଟିବାହାଲ ଅଞ୍ଚଳର ରିଣ୍ଟୁ ଶନିବାର ସକାଳ ପ୍ରାୟ ସାଢ଼େ ୬ଟା ସମୟରେ ନିଜ ସାଙ୍ଗଙ୍କ ସହିତ ପାଣିରେ ଖେଳୁଥିବା ବେଳେ ହଠାତ ବୁଡି ଯାଇଥିଲେ। ବ୍ରଜରାଜନଗର ପୋଲିସକୁ ଏନେଇ ସୂଚନା ଦିଆଯାଇଥିଲା। 

ପରେ ଅଗ୍ନିଶମ ବିଭାଗ ଏବଂ ପୋଲିସ ପ୍ରାୟ ଏକ ଘଣ୍ଟାରୁ ଉର୍ଦ୍ଧ୍ୱ ସମୟ ଧରି ଖୋଜାଖୋଜି କରିବା ପରେ ପାଣିରୁ ଉଦ୍ଧାର ହୋଇଥିଲା ରୀଣ୍ଟୁ। ତାଙ୍କୁ ଗୁରୁତର ଅବସ୍ଥାରେ କେନ୍ଦ୍ରୀୟ ହସ୍ପିଟାଲକୁ ନିଆଯାଇଥିଲା। ହେଲେ ହସ୍ପିଟାଲରେ ନାବାଳକକୁ ମୃତ ଘୋଷଣା କରିଥିଲେ ହସ୍ପିଟାଲ କର୍ତ୍ତୃପକ୍ଷ।