Surya Gochar horoscope: ନକ୍ଷତ୍ର ବଦଳାଇଲେ ସୂର୍ଯ୍ୟଦେବ, ୨୦୨୫ ବର୍ଷ ଆରମ୍ଭରୁ ଚମକିବେ ଏହି ୩ ରାଶି
Surya Gochar horoscope:ବୈଦିକ ଜ୍ୟୋତିଷ ଶାସ୍ତ୍ରରେ, ଗ୍ରହମାନଙ୍କର ପ୍ରଭୁ ତଥା ରାଜା ଭାବରେ ବିବେଚିତ ସୂର୍ଯ୍ୟଦେବ ୨୯ ଡିସେମ୍ବର ୨୦୨୪ରେ ପୁର୍ବାଶା ନକ୍ଷତ୍ରରେ ପ୍ରବେଶ କରିସାରିଛନ୍ତି। ଶୁକ୍ରଙ୍କୁ ପୁର୍ବାଶା ନକ୍ଷତ୍ରର ସ୍ୱାମୀ ଭାବେ ବିବେଚନା କରାଯାଏ। ଯେଉଁଥିପାଇଁ ଏହି ଗ୍ରହର ଏହି ନକ୍ଷତ୍ର ଉପରେ ଅନେକ ପ୍ରଭାବ ପଡିଥାଏ। ଆହୁରି ମଧ୍ୟ ଏହି ନକ୍ଷତ୍ର ଧନୁ ରାଶିରେ ଅବସ୍ଥିତ। ଏହି ନକ୍ଷତ୍ର ବୃହସ୍ପତି ଦ୍ୱାରା ମଧ୍ୟ ପ୍ରଭାବିତ ହୁଏ। ତେଣୁ ଏହା ଏକ ଗୁରୁତ୍ୱପୂର୍ଣ୍ଣ ଜ୍ୟୋତିଷ ଘଟଣା। ଯାହାର ବିଭିନ୍ନ ରାଶି ଉପରେ ଭିନ୍ନ ପ୍ରଭାବ ପଡିଥାଏ। ମୁଖ୍ୟତଃ ୩ ସୂର୍ଯ୍ୟଙ୍କ ଏହି ଚଳନ ଦ୍ୱାରା ୩ଟି ରାଶିର ଲୋକ ବହୁତ ଉପକୃତ ହେବେ। ଏହି ରାଶିର ବ୍ୟକ୍ତିମାନେ ଚାକିରିରେ ପଦୋନ୍ନତି, ବ୍ୟବସାୟରେ ବୃଦ୍ଧି ଏବଂ ପ୍ରେମ ସମ୍ପର୍କକୁ ମଜବୁତ କରିବାର ସମ୍ଭାବନା ଥାଏ। ତେବେ ସୂର୍ଯ୍ୟଙ୍କ ଚଳନ ଏହି ସବୁ ରାଶିଙ୍କୁ ମାଲାମାଲ କରିବେ।
ସିଂହ ରାଶି ସିଂହ ରାଶିର ସ୍ୱାମୀ ହେଉଛନ୍ତି ସୂର୍ଯ୍ୟଦେବ। ସୂର୍ଯ୍ୟଦେବଙ୍କ ଗୋଚର ଏହି ରାଶିର ବ୍ୟକ୍ତିବିଶେଷଙ୍କ ଉପରେ ପ୍ରଭାବ ରହିବ। ସୂର୍ଯ୍ୟଙ୍କ ଚଳନ ଫଳରେ ସିଂହ ରାଶିର ବ୍ୟକ୍ତିବିଶେଷଙ୍କ ଆତ୍ମବିଶ୍ୱାସ ପ୍ରବଳ ମାତ୍ରାରେ ବୃଦ୍ଧି ପାଇବ। ସଫଳତାର ଶୀର୍ଷରେ ପହଞ୍ଚିବେ। ସୂର୍ଯ୍ୟଙ୍କ ଏହି ଗୋଚରର ପ୍ରଭାବ ବ୍ୟକ୍ତିତ୍ୱରେ ମଧ୍ୟ ଉନ୍ନତି ହେବ। ଅଧିକ ଆତ୍ମବିଶ୍ୱାସୀ ନଜର ଆସିବେ। କର୍ମକ୍ଷେତ୍ରରେ ମଧ୍ୟ ଆପଣଙ୍କ ପରିଶ୍ରମର ଫଳ ମିଳିବ। ନେତୃତ୍ୱ ନେବାର କ୍ଷମତା ମଧ୍ୟ ବୃଦ୍ଧି ପାଇବ। ପଦୋନ୍ନତି ସହିତ ଦରମା ବୃଦ୍ଧିର ଯୋଗ ରହିଛି। ସମାଜରେ ଆପଣଙ୍କର ମାନ ସମ୍ମାନ ବୃଦ୍ଧି ପାଇବ। ଆପଣଙ୍କ ପରାମର୍ଶକୁ ଗୁରୁତ୍ତ୍ୱ ଦିଆଯିବ। ପରିବାରରେ ଶାନ୍ତି ଓ ପ୍ରସନ୍ନତା ବୃଦ୍ଧି ପାଇବ।
Also Read: January Graha Gochar: ଜାନୁଆରୀରେ ୨ ଗ୍ରହଙ୍କ ଶୁଭ ଚଳନ, ବଦଳାଇବ ୫ ରାଶିଙ୍କ ଭାଗ୍ୟ
ତୁଳା ରାଶି ତୁଳା ରାଶିର ସ୍ୱାମୀ ଗ୍ରହ ହେଉଛନ୍ତି ଶୁକ୍ର। ଏହି ଗୋଚର ପ୍ରଭାବରେ ତୁଳା ରାଶିର ବ୍ୟକ୍ତିବିଶେଷଙ୍କ ଜୀବନରେ ସକରାତ୍ମକ ପରିବର୍ତ୍ତନ ହେବ। କର୍ମକ୍ଷେତ୍ରରେ ପଦୋନ୍ନତି ସହିତ ଦରମା ବୃଦ୍ଧିର ଯୋଗ ରହିଛି। ଆପଣଙ୍କ ପାଇଁ ଆର୍ଥିକ ଓ ବ୍ୟକ୍ତିଗତ ସ୍ତରରେ ମଧ୍ୟ ବୃଦ୍ଧି ଘଟିବ। ଏହି ସମୟ ମଧ୍ୟରେ ଧାର୍ମିକ ଯାତ୍ରା, ପୂଜାପାଠ ଧ୍ୟାନ ଦେବେ। ଆଧ୍ୟାତ୍ମିକ କାର୍ଯ୍ୟ ପ୍ରତି ମଧ୍ୟ ରୁଚି ବଢିବ। ଅଟକିଥିବା ଧନରାଶି ଫେରି ପାଇବେ। ନିବେଶରୁ ମୋଟା ଅଙ୍କର ଲାଭ ମିଳିବ। ଆପଣଙ୍କ ଆର୍ଥିକ ସ୍ଥିତି ମଧ୍ୟ ମଜବୁତ ହେବ। କର୍ମକ୍ଷେତ୍ରରେ ପରିବର୍ତ୍ତନ କରିବାକୁ ଚାହୁଁଥିଲେ ଏହି ସମୟ ବେଶ ଅନୁକୂଳ ରହିଛି। ବ୍ୟବସାୟରେ ମଧ୍ୟ ଉନ୍ନତି ଆସିବ। ଉପରିସ୍ଥ ଅଧିକାରୀ ମଧ୍ୟ ଆପଣଙ୍କ କାମରେ ପ୍ରଶଂସା କରିବେ। ପ୍ରତିଯୋଗିତାମୂଳକ ପରୀକ୍ଷାରେ ବିଦ୍ୟାର୍ଥିମାନେ ସଫଳତା ହାସଲ କରିବେ।
ଧନୁ ରାଶି ଧନୁ ରାଶିର ଲୋକମାନଙ୍କ ପାଇଁ ପୁର୍ବାଶା ନକ୍ଷତ୍ରରେ ସୂର୍ଯ୍ୟଙ୍କ ଚଳନ ସୃଜନଶୀଳତା ଏବଂ ସମୃଦ୍ଧତା ଆଣିବ। ତୁମର କାର୍ଯ୍ୟ କ୍ଷେତ୍ରରେ ନୂତନ ଉଚ୍ଚତାରେ ପହଞ୍ଚିବା ପାଇଁ ଅନୁପ୍ରାଣିତ ହେବ। ସୃଜନଶୀଳତା ଏହି ସମୟରେ ଶିଖରରେ ରହିବ। କଳା, ସଙ୍ଗୀତ, ଲେଖା କିମ୍ବା ଡିଜାଇନ୍ ପରି କ୍ଷେତ୍ରରେ କାର୍ଯ୍ୟ କରୁଥିବା ଲୋକଙ୍କ ପାଇଁ ଏହି ସମୟ ଅତ୍ୟନ୍ତ ଅନୁକୂଳ ଅଟେ। ହଠାତ୍ ଆର୍ଥିକ ଲାଭ ହେବାର ସମ୍ଭାବନା ଅଛି। ଅତୀତରେ କରାଯାଇଥିବା ଯେକୌଣସି ବିନିଯୋଗ ବର୍ତ୍ତମାନ ଭଲ ଲାଭ ଦେବ। ଘରେ କିଛି ଶୁଭ କାର୍ଯ୍ୟ ସଂଗଠିତ ହୋଇପାରେ। ସମ୍ପର୍କରେ ମଧୁରତା ବୃଦ୍ଧି ପାଇବ ଏବଂ ଆପଣ ନିଜ ପରିବାର ସହିତ ଅଧିକ ସମୟ ଅତିବାହିତ କରିବେ। ଏହି ସମୟ ଛାତ୍ରମାନଙ୍କ ପାଇଁ ମଧ୍ୟ ଶୁଭ ଅଟେ। ଆପଣ ନୂତନ ଜିନିଷ ଶିଖିବାକୁ ଉତ୍ସାହିତ ହେବେ ଏବଂ ଶିକ୍ଷା କ୍ଷେତ୍ରରେ ଉତ୍କର୍ଷ ହେବେ।
ତଥ୍ୟ- ଜ୍ୟୋତିର୍ବିଦ ଆଚାର୍ଯ୍ୟ ସତ୍ୟବ୍ରତ ପାଢୀ,ପ୍ଲଟ ନମ୍ୱର ଏଚଆଇଜି, ୧/୧୨ ବିଡିଏ କଲୋନୀ ଏଲଏନ, ଚନ୍ଦ୍ରଶେଖରପୁର, ଭୁବନେଶ୍ୱର ୭୫୧୦୧୬
Disclamer:ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।