ଚୀନର କାର୍ଯ୍ୟକଳାପକୁ ନେଇ ନିରାଶ WHO

ନୂଆଦିଲ୍ଲୀ: ସମଗ୍ର ବିଶ୍ୱରେ କୋରୋନା ଭୂତାଣୁ ସଙ୍କଟ (Coronavirus Crisis)  ଜାରି ରହିଛି । ପ୍ରାୟ ଦିନ ହଜାର ହଜାର ଲଲୋକ ମୃତ୍ୟୁ ବରଣ କରୁଛନ୍ତି । ଏହା ମଧ୍ୟରେ ବର୍ତ୍ତମାନ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଏହି ଭୂତାଣୁର ଉତ୍ପତ୍ତି ବିଷୟରେ ଯାଞ୍ଚ କରିବା ପାଇଁ ଚୀନକୁ ଏକ ଟିମ୍ ପଠାଇବ । ଅନ୍ୟପକ୍ଷେ ଚୀନ ଏହି ଟିମକୁ ଯାଞ୍ଚ ପାଇଁ ଅନୁମତି ଦେବାରେ ବିଲମ୍ୱ କରୁଛି । ଯାହାକୁ ନେଇ WHO ପ୍ରମୁଖ ନିରାଶ ଅଛନ୍ତି ।

ଅଧିକ ପଢ଼ନ୍ତୁ:-କିଏ ଜିତିବେ ପଶ୍ଚିମବଙ୍ଗ, 'ଦିଦି' ନା ବିଜେପି?

WHO କହିଛି ଯେ ଚୀନରୁ କୋରୋନା ଭୂତାଣୁ (Coronavirus) ର ଉତ୍ପତ୍ତିର ଅନୁସନ୍ଧାନ କରୁଥିବା ଦଳକୁ ଅନୁମତି ଦେବାରେ ବିଳମ୍ବ ହେଉଛି । ଚୀନର ଏହି ମନୋଭାବକୁ ନେଇ WHO ମୁଖ୍ୟ ନିରାଶ ହୋଇଛନ୍ତି ବୋଲି ସଂଗଠନ କହିଛି । WHO କହିଛି ଯେ ଏହା ଅତ୍ୟନ୍ତ ନିରାଶ କାରଣ ଚୀନ୍ କର୍ତ୍ତୃପକ୍ଷ ଏପର୍ଯ୍ୟନ୍ତ ବିଶେଷଜ୍ଞ ଦଳକୁ କୋଭିଡ-19 (COVID-19) ର ଉତ୍ପତ୍ତି ଅନୁସନ୍ଧାନ କରିବାକୁ ଚୀନ୍ ଆସିବାକୁ ଅନୁମତି ଦେଇ ନାହାଁନ୍ତି ।

ଅଧିକ ପଢ଼ନ୍ତୁ:-ମମତା ବାନାର୍ଜୀଙ୍କୁ ଲାଗିଲା ବଡ଼ ଝଟକା, ଇସ୍ତଫା ଦେଲେ ଆଉ ଜଣେ ମନ୍ତ୍ରୀ

ଏପି ନ୍ୟୁଜ୍ ଅନୁଯାୟୀ ଜେନେଭାରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି WHO ମୁଖ୍ୟ ଟେଡ୍ରୋସ୍ ଆଡନୋମ୍ ଗ୍ରେବେସିୟସ୍ (Tedros Adhanom Ghebreyesus) କହିଛନ୍ତି ଯେ ଆମକୁ ସୂଚନା ମିଳିଛି ଯେ ଚୀନ୍ କର୍ତ୍ତୃପକ୍ଷ ବର୍ତ୍ତମାନ ଯାଏ ଟିମକୁ ଚୀନ୍‌ରେ ପହଞ୍ଚିବା ପାଇଁ ଆବଶ୍ୟକ ଅନୁମତି ଚୂଡ଼ାନ୍ତ କରିନାହାଁନ୍ତି । ଏହି ଖବରକୁ ନେଇ ମୁଁ ବହୁତ ନିରାଶ ହୋଇଛି । ଦଳର ଦୁଇଜଣ ସଦସ୍ୟ ଯାତ୍ରା ପାଇଁ ଯାଇ ସାରିଛନ୍ତି ବୋଲି WHO ମୁଖ୍ୟ କହିଛନ୍ତି ।

ଅଧିକ ପଢ଼ନ୍ତୁ:-ପଶ୍ଚିମବଙ୍ଗରେ ବିଜେପିକୁ ମିଳିବ କେତେ ଆସନ? ସେନେଇ କରାଯାଇଛି 'ଆଭ୍ୟନ୍ତରୀଣ ସର୍ଭେ'

ଜାତିସଂଘ ସ୍ୱାସ୍ଥ୍ୟ ଏଜେନ୍ସି ପାଇଁ ଏହି ମିଶନ ପ୍ରାଥମିକତା ବୋଲି ସେ ସ୍ପଷ୍ଟ କରିଛନ୍ତି । ଏହା ପରେ ଚୀନ୍ କହିଛି ଯେ ଏହାର ପ୍ରକ୍ରିୟା ଯଥାଶୀଘ୍ର ଶେଷ କରିବ । ଟେଡ୍ରୋସ୍ କହିଛନ୍ତି ଯେ ଆମେ ମିଶନକୁ ଯଥାଶୀଘ୍ର ସମାପ୍ତ କରିବାକୁ ଆଗ୍ରହୀ ଅଟୁ ।  WHO କୋରୋନା ଭୂତାଣୁର ଉତ୍ପତ୍ତି ଜାଣିବା ପାଇଁ ବୈଜ୍ଞାନିକମାନଙ୍କର ଏକ ଦଳ ଗଠନ କରିଛି । ଏହି ଦଳ ଚୀନ୍‌ର ୱୁହାନ ଗସ୍ତ କରିବ । କାରଣ ଏହି ସହରରୁ କୋରୋନା ଭୂତାଣୁର ପ୍ରଥମ ମାମଲା ସାମ୍ନାକୁ ଆସିଥିଲା ।