Shocking News: ସ୍ୱାମୀ ନା ସୈତାନ !୭୨ ଅଜଣା ଲୋକଙ୍କ ଦ୍ୱାରା ସ୍ତ୍ରୀକୁ କରାଇଲା ଦୁଷ୍କର୍ମ
Shocking News: ସେମାନଙ୍କ ମଧ୍ୟରୁ କିଛି ବିବାହିତ, କେହି ଅବିବାହିତ ଏବଂ କିଛି ଛାଡ଼ପତ୍ର ଲୋକ ମଧ୍ୟ ଅଛନ୍ତି । କିଛି ଲୋକ ପାରିବାରିକ ବ୍ୟକ୍ତି ମଧ୍ୟ ଅଟନ୍ତି । ସ୍ୱାମୀଙ୍କ ଅନ୍ଧାର ସତ ଓ ନିଜ ସହ ହୋଇଥିବା ଦୁଷ୍କର୍ମ ବିଷୟରେ ଜାଣିବା ପରେ ମଧ୍ୟ ଗିସେଲ ନିଜ ନାମ ଗୋପନ ରଖିବାର ଆଇନଗତ ଅଧିକାର ତ୍ୟାଗ କରି ଖୋଲାଖୋଲି ସାମ୍ନାକୁ ଆସିଥିଲେ ।
Shocking News: ନିକଟରେ ଫ୍ରାନ୍ସରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି । ଜଣେ ୭୧ ବର୍ଷୀୟ ବୃଦ୍ଧ ନିଜ ୭୨ ବର୍ଷୀୟା ପତ୍ନୀଙ୍କୁ ୭୨ ଜଣ ଅଜଣା ବ୍ୟକ୍ତିଙ୍କ ସହ ୧୦ ବର୍ଷ ଧରି ଦୁଷ୍କର୍ମ କରାଇଥିବା ଅଭିଯୋଗ ହୋଇଛି। ୧୦ ବର୍ଷ ମଧ୍ୟରେ ମହିଳାଙ୍କୁ ଲଗାତାର ନିଶା ଦେଇ ସମୁଦାୟ ୯୨ ଥର ଦୁଷ୍କର୍ମ କରାଯାଇଥିଲା। ଡୋମିନିକ୍ ପି ନାମକ ଏହି ଅଭିଯୁକ୍ତ ଜଣକ ଅନଲାଇନରେ ଅଜଣା ବ୍ୟକ୍ତିଙ୍କ ସହ ଯୋଗାଯୋଗ କରି ସେମାନଙ୍କୁ ନିଜ ଘରକୁ ଡାକି ତାଙ୍କ ପତ୍ନୀଙ୍କୁ ଦୁଷ୍କର୍ମ କରାଉଥିଲେ। ଏହା ୨୦୧୧ ମସିହାରୁ ଚାଲିଆସୁଛି ଏବଂ ଏକ ଦଶନ୍ଧିରୁ ଅଧିକ ସମୟ ଧରି ଜାରି ରହିଛି ।
ପତ୍ନୀ ଗିସେଲ ପେଲିକୋଟଙ୍କୁ ଦୁଷ୍କର୍ମ କରିବା ପାଇଁ ସୁଯୋଗ ଦେଇଥିବା ପୁରୁଷମାନଙ୍କ ପାଇଁ ଡୋମିନିକ ନିୟମ ତିଆରି କରିଥିଲେ। ଉଦାହରଣ ସ୍ୱରୂପ, ସେମାନେ ଗିସେଲଙ୍କୁ ନିଶା ଦ୍ରବ୍ୟ ଦେଇଥିବା ଅବସ୍ଥାରେ ନିଶାରୁ ଜାଗ୍ରତ କରିବେ ନାହିଁ, ନା ଆଫ୍ଟରସେଭ୍ କରନ୍ତି କିମ୍ବା ସିଗାରେଟ୍ ପିଅନ୍ତି । ନିୟମ ଥିଲା ଯେ ସେମାନେ ନଖ କାଟି ତାଙ୍କ ଘରକୁ ଆସିବେ । ବଳାତ୍କାରୀ ମାନେ ଘରେ ଯେମିତି କୌଣସି ପୋଷାକ ନ ଛାଡ଼ିବେ ସେଥିପାଇଁ ସେ ଘରୁ ଦୂରରେ କାର ପାର୍କିଂ କରିବା ସହ ରୋଷେଇ ଘରେ ପୋଷାକ ଓହ୍ଲାଇବାକୁ ନିର୍ଦ୍ଦେଶ ଦେଇଥିଲେ। ମହିଳାଙ୍କୁ ଶାରୀରିକ ନିର୍ଯାତନା ଦେଇଥିବା ଏହି ୭୨ ଜଣ ପୁରୁଷଙ୍କ ବୟସ ୨୬ରୁ ୭୪ ବର୍ଷ ମଧ୍ୟରେ ଥିଲା।
କେମିତି ପଦାକୁ ଆସିଲା ସ୍ୱାମୀଙ୍କ ନିର୍ଯାତନାର କଳା ରହସ୍ୟ ?
ମହିଳାଙ୍କୁ ଯୌନ ନିର୍ଯାତନା ୨୦୧୧ ମସିହାରୁ ଆରମ୍ଭ ହୋଇ ପାଖାପାଖି ୧୦ ବର୍ଷ ଧରି ଚାଲିଥିଲା। କିନ୍ତୁ ୨୦୨୦ରେ ଏହା ସାମ୍ନାକୁ ଆସିଥିଲା ଯେତେବେଳେ ପୋଲିସ ସ୍କର୍ଟ ତଳେ ଥିବା ମହିଳାଙ୍କ ଭିଡିଓ ସୁଟିଂ କରିବା ଅଭିଯୋଗରେ ଡୋମିନିକଙ୍କୁ ଗିରଫ କରିଥିଲା । ଏହି ମାମଲାର ତଦନ୍ତ ବେଳେ ଅଧିକାରୀମାନେ ତାଙ୍କ ଘରୁ ଏଭଳି ପ୍ରମାଣ ପାଇ ଆଶ୍ଚର୍ଯ୍ୟ ହୋଇଯାଇଥିଲେ। ଏହାପରେ ତାଙ୍କ ପତ୍ନୀ ନିଜ ସହ ଦୁଷ୍କର୍ମ ଘଟଣା ବିଷୟରେ ଜାଣିବାକୁ ପାଇଲେ, ଯାହାକୁ ସେ ନ ଜାଣି ବର୍ଷ ବର୍ଷ ଧରି ଯନ୍ତ୍ରଣା ଭୋଗୁଥିଲେ।
ଦୁଷ୍କର୍ମ ଅଭିଯୋଗରେ ୫୧ ଅଭିଯୁକ୍ତଙ୍କୁ ଚିହ୍ନଟ କରାଯାଇଛି
ଡୋମିନିକଙ୍କ ବ୍ୟତୀତ ଗୁରୁତର ଦୁଷ୍କର୍ମ ଅଭିଯୋଗରେ ଅଭିଯୁକ୍ତ ହୋଇଥିବା ୭୨ ଜଣଙ୍କ ମଧ୍ୟରୁ ୫୧ ଜଣଙ୍କୁ ଚିହ୍ନଟ କରାଯାଇଛି। ଓକିଲଙ୍କ କହିବା ନୁସାରେ, ସ୍ୱାମୀ ମଧ୍ୟ ଦୁଷ୍କର୍ମକାରୀଙ୍କ ମଧ୍ୟରୁ ଜଣେ ଥିଲେ ଏବଂ ପୁରୁଷମାନଙ୍କୁ ନିଜ ପତ୍ନୀଙ୍କୁ ଦୁଷ୍କର୍ମ କରିବାକୁ ପ୍ରୋତ୍ସାହିତ କରୁଥିଲେ। ସେ ତାଙ୍କ କଳା କାରନାମାର ଅନେକ ଭିଡିଓ ମଧ୍ୟ ତିଆରି କରିଥିଲେ। ବିବିସି ରିପୋର୍ଟ ଅନୁଯାୟୀ, ମହିଳାଙ୍କ ଓକିଲ କହିଛନ୍ତି ଯେ ମହିଳାଙ୍କୁ ଏପରି ଅଚେତ ଅବସ୍ଥାରେ ରଖାଯାଇଥିଲା ଯେ ସେ ବାରମ୍ବାର ନିର୍ଯାତନା ବିଷୟରେ ଜାଣିପାରିବେ ନାହିଁ। ଏହି ଘଟଣା ଫ୍ରାନ୍ସକୁ ଦୋହଲାଇ ଦେଇଛି।
'ଦୁଷ୍କର୍ମକାରୀ' ମାନେ ବିଭିନ୍ନ ବୟସ ବର୍ଗ, ବୃତ୍ତିରେ ରହିଛନ୍ତି। ଏମାନଙ୍କ ମଧ୍ୟରେ କମ୍ପାନୀର ଜଣେ ମାଲିକ, ଜଣେ ସାମ୍ବାଦିକ, ଜଣେ ଅଗ୍ନିଶମ ଅଧିକାରୀ ଓ ଜଣେ ଫୋର୍କଲିଫ୍ଟ ଡ୍ରାଇଭର ରହିଛନ୍ତି। ସେମାନଙ୍କ ମଧ୍ୟରୁ କିଛି ବିବାହିତ, କେହି ଅବିବାହିତ ଏବଂ କିଛି ଛାଡ଼ପତ୍ର ଲୋକ ମଧ୍ୟ ଅଛନ୍ତି । କିଛି ଲୋକ ପାରିବାରିକ ବ୍ୟକ୍ତି ମଧ୍ୟ ଅଟନ୍ତି । ସ୍ୱାମୀଙ୍କ ଅନ୍ଧାର ସତ ଓ ନିଜ ସହ ହୋଇଥିବା ଦୁଷ୍କର୍ମ ବିଷୟରେ ଜାଣିବା ପରେ ମଧ୍ୟ ଗିସେଲ ନିଜ ନାମ ଗୋପନ ରଖିବାର ଆଇନଗତ ଅଧିକାର ତ୍ୟାଗ କରି ଖୋଲାଖୋଲି ସାମ୍ନାକୁ ଆସିଥିଲେ ।