Rishi Panchami 2024: ହିନ୍ଦୁ ପଞ୍ଚାଙ୍ଗ ଅନୁଯାୟୀ ଭାଦ୍ରବ ମାସ ଶୁକ୍ଳପକ୍ଷ ପଞ୍ଚମ ଦିନ ଋଷି ପଞ୍ଚମୀ ବ୍ରତ ପାଳନ କରାଯାଏ, ଯାହା ସାଧାରଣତଃ ହରତାଳିକା ତିଜର ଦୁଇ ଦିନ ପରେ ଏବଂ ଗଣେଶ ଚତୁର୍ଥୀର ଗୋଟିଏ ଦିନ ପରେ ପାଳନ କରାଯାଏ । ୨୦୨୪ ମସିହାରେ ଏହି ବ୍ରତ ସେପ୍ଟେମ୍ବର ୮ ତାରିଖ ରବିବାର ପଡ଼ୁଛି। ଆସନ୍ତୁ ଜାଣିବା, ଋଷି ପଞ୍ଚମୀ ବ୍ରତର ମହତ୍ତ୍ୱ ଓ ପୂଜାର ଶୁଭ ସମୟ କ'ଣ। ଏହା ସହ ଆପଣ ଜାଣିବେ ଯେ, କେଉଁ ୩ଟି ରାଶିରେ ଶୁଭ ଯୋଗ ଓ ଏହି ଦିନଯୋଗର ଶୁଭ ପ୍ରଭାବ ଅଧିକ ରହିଥାଏ ?
ଋଷି ପଞ୍ଚମୀର ମହତ୍ତ୍ୱ
ଋଷି ପଞ୍ଚମୀ କୌଣସି ପର୍ବ କିମ୍ବା ପର୍ବାଣୀ ନୁହେଁ, ବରଂ ହିନ୍ଦୁ ସଂସ୍କୃତିର ସାତ ଜଣ ଋଷିଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ମହିଳାମାନେ ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବ୍ରତ କରିଥାନ୍ତି । ବିଶ୍ୱାସ ରହିଛି ଯେ ଏହି ବ୍ରତ ରଖିବା ଦ୍ୱାରା ମହିଳାମାନଙ୍କୁ ଋତୁସ୍ରାବ ସମସ୍ୟାରୁ ମୁକ୍ତି ମିଳିଥାଏ ।
ଋଷି ପଞ୍ଚମୀ ୨୦୨୪ର ଶୁଭ ପୂଜା ମୁହୂର୍ତ୍ତ
ଭାଦ୍ରବ ମାସରେ ଶୁକ୍ଳ ପକ୍ଷର ପଞ୍ଚମୀ ତିଥି ସେପ୍ଟେମ୍ବର ୭ ତାରିଖ ସନ୍ଧ୍ୟା ୫ଟା ୩୭ରୁ ଆରମ୍ଭ ହୋଇ ପରଦିନ ସେପ୍ଟେମ୍ବର ୮ ତାରିଖ ସନ୍ଧ୍ୟା ୭ଟା ୫୮ରେ ଶେଷ ହେବ। ଋଷି ପଞ୍ଚମୀ ୨୦୨୪ ପାଇଁ ପୂଜାର ଶୁଭ ସମୟ ବିଷୟରେ କହିବାକୁ ଗଲେ ଏହା ସକାଳ ୧୧.୩ରୁ ଅପରାହ୍ନ ୧.୩୪ ପର୍ଯ୍ୟନ୍ତ ରହିଛି ।
ରାଶି ଉପରେ ଋଷି ପଞ୍ଚମୀର ପ୍ରଭାବ
ଋଷି ପଞ୍ଚମୀ ୨୦୨୪ ଅର୍ଥାତ୍ ସେପ୍ଟେମ୍ବର ୮ ର ପଞ୍ଚାଙ୍ଗ ଅନୁଯାୟୀ ଏହା ଏକ ଅତ୍ୟନ୍ତ ଶୁଭ ଦିନ ଅଟେ । ଗଣେଶ ଚତୁର୍ଥୀ ପୂଜାର ଦ୍ୱିତୀୟ ଦିନରେ ଏହି ପଞ୍ଚମୀ ପାଳନ କରାଯାଏ । ଏହି ଦିନ ଇନ୍ଦ୍ରଯୋଗ ସ୍ୱାତୀ ଏବଂ ବିଶାଖା ନକ୍ଷତ୍ରର ଶୁଭ ମିଶ୍ରଣ ରହୁଛି, ଯାହା ଅଧିକାଂଶ ରାଶିର ବ୍ୟକ୍ତିଙ୍କ ଉପରେ ସକାରାତ୍ମକ ପ୍ରଭାବ ପକାଇବ, କିନ୍ତୁ ଯେଉଁ ୩ଟି ରାଶି ଉପରେ ଏହା ସର୍ବାଧିକ ରହିବ ସେହି ରାଶି ଗୁଡ଼ିକ ହେଲା ମେଷ, ସିଂହ ଓ ଧନୁ ରାଶି:
ମେଷ ରାଶି
ଋଷି ପଞ୍ଚମୀରେ ହେବାକୁ ଯାଉଥିବା ଯୋଗ ବା ମିଶ୍ରଣ ମେଷ ରାଶିର ବ୍ୟକ୍ତିଙ୍କ ଜୀବନ ଉପରେ ବହୁତ ସକାରାତ୍ମକ ପ୍ରଭାବ ପକାଇବ । ବିଦ୍ୟାର୍ଥୀଙ୍କ ପ୍ରତିଭାର ପ୍ରଶଂସା ହେବ। ଆପଣଙ୍କ କାମର ପ୍ରଶଂସା ହେବ। ବାଣିଜ୍ୟ ପାଇଁ ଆପଣାଯାଇଥିବା ନୂତନ ପଦ୍ଧତି ଦ୍ୱାରା ଲାଭାନ୍ୱିତ ହେବେ । ଚାକିରି କରୁଥିବା ଲୋକଙ୍କୁ ରୋଜଗାରର ନୂଆ ଉପାୟ ମିଳିବ। ଆୟ ବୃଦ୍ଧି ପାଇଲେ ପୁରୁଣା ଋଣରୁ ମୁକ୍ତି ମିଳିବ। ସ୍ୱାସ୍ଥ୍ୟ ଭଲ ରହିବ।
ସିଂହ ରାଶି
ସିଂହ ରାଶିର ବ୍ୟକ୍ତିଙ୍କ ପାଇଁ ଏହି ସମୟ ଭାଗ୍ୟଶାଳୀ ସାବ୍ୟସ୍ତ ହୋଇପାରେ। ଆପଣଙ୍କ ଉପଯୁକ୍ତ ପ୍ରୟାସ ଦ୍ୱାରା ରୋଜଗାରର ନୂଆ ଉତ୍ସ ସୃଷ୍ଟି ହେବ। ଆପଣଙ୍କୁ ଆପଣଙ୍କ ବିବେକ ଅନୁଯାୟୀ ଏକ ଉପଯୁକ୍ତ ଉତ୍ସ ସ୍ଥିର କରି ଆଗକୁ ବଢ଼ିବାକୁ ପଡିବ । ଚାକିରି କରୁଥିବା ବ୍ୟକ୍ତିଙ୍କ ପରିବାରରେ କିଛି ଶୁଭ କାର୍ଯ୍ୟ ହୋଇପାରେ। ଆପଣଙ୍କ ଆୟରେ ଅପ୍ରତ୍ୟାଶିତ ବୃଦ୍ଧି ହେବାର ସମ୍ଭାବନା ରହିଛି। ଜୀବନଶୈଳୀରେ ପରିବର୍ତ୍ତନ ଆସିବ।
ଧନୁ ରାଶି
ଋଷି ପଞ୍ଚମୀରେ କରାଯାଇଥିବା ଯୋଗ ରାଶି ଧନୁ ରାଶିର ଲୋକଙ୍କ ପାଇଁ ଲାଭଦାୟକ ସାବ୍ୟସ୍ତ ହେବ। ଧର୍ମ ଓ ଆଧ୍ୟାତ୍ମିକତା ପ୍ରତି ଆଗ୍ରହ ବଢ଼ିବ। ଶିକ୍ଷା ସହ ଜଡ଼ିତ ବ୍ୟକ୍ତିଙ୍କୁ ହଠାତ୍ ଧନପ୍ରାପ୍ତି ହେବାର ସମ୍ଭାବନା ରହିଛି। ଷ୍ଟକ ବଜାରରେ ନିବେଶ କରିବା ପାଇଁ ଏହା ହେଉଛି ସର୍ବୋତ୍ତମ ସମୟ । ବ୍ୟବସାୟରେ କରାଯାଇଥିବା ନୂତନ ନିବେଶର ସକାରାତ୍ମକ ଫଳ ମିଳିବ। ପରିବାରରେ ସୁଖ ଶାନ୍ତି ବୃଦ୍ଧି ପାଇବ।
(Disclaimer: ଏହି ଖବର କେବଳ ସୂଚନା ପ୍ରଦାନ ପାଇଁ। ଏହି ସୂଚନାକୁ ନେଇ ଜୀ ଓଡ଼ିଶା ନ୍ୟୁଜ ପୁଷ୍ଟି କରେନାହିଁ। ଯଦି କୌଣସି ଟିପ୍ସକୁ ଆପଣାଉଛନ୍ତି ତେବେ ଏହା ପୂର୍ବରୁ କୌଣସି ଜ୍ୟୋତିଷଙ୍କ ପରାମର୍ଶ ନିଅନ୍ତୁ।)
5
 "Rishi Panchami 2024: ଋଷି ପଞ୍ଚମୀରୁ ଦୁର୍ଲଭ ଇନ୍ଦ୍ରଯୋଗ, ଏହି ୩ ରାଶିର ଚମକିବାକୁ ଯାଉଛି ଭାଗ୍ୟ !")
