Opposition MPs Suspended: ଲୋକସଭାରୁ ଆଉ ୩ ସାଂସଦଙ୍କୁ ନିଲମ୍ବିତ କରାଯାଇଛି । ଲୋକସଭା ବାଚସ୍ପତି ଗୃହକୁ ଅବମାନନା କରିବାପାଇଁ ଚଳିତ ଶୀତକାଳୀନ ଅଧିବେଶନରୁ କଂଗ୍ରେସ ସାଂସଦ ନକୁଲ ନାଥ, ଡି.କେ ସୁରେଶ ଓ ଦୀପକ ବାଇଜଙ୍କୁ ନିଲମ୍ବିତ କରିଛନ୍ତି । ଏହା ସହିତ ନିଲମ୍ବିତ ସାଂସଦଙ୍କ ସଂଖ୍ୟା ୧୪୬ କୁ ବୃଦ୍ଧି ପାଇଛି ।


COMMERCIAL BREAK
SCROLL TO CONTINUE READING

ସାଂସଦଙ୍କ ନିଲମ୍ବନ ପ୍ରକ୍ରିୟା ୧୪ ଡିସେମ୍ବରରୁ ଆରମ୍ଭ ହୋଇଥିଲା, ଯେତେବେଳେ ବିରୋଧୀ ସାଂସଦମାନେ ଗୃହମନ୍ତ୍ରୀ ଅମିତ ଶାହାଙ୍କ ସଂସଦର ସୁରକ୍ଷା ଉଲ୍ଲଂଘନ ସମ୍ପର୍କରେ ବୟାନ ମାଗିଥିଲେ । ୧୩ ଡିସେମ୍ବର ଅପରାହ୍ନରେ ସଂସଦର ସୁରକ୍ଷା କ୍ଷେତ୍ରରେ ସେତେବେଳେ ଏକ ବଡ଼ ଧରଣର ତ୍ରୁଟି ସାମ୍ନାକୁ ଆସିଥିଲା, ଯେତେବେଳେ ଲୋକସଭାର ଦୁଇଜଣ ଯୁବକ ଦର୍ଶକ ଗ୍ୟାଲେରୀରୁ ଗୃହକୁ ଡେଇଁଥିଲେ ଓ ଏକ କ୍ୟାନ୍ ମାଧ୍ୟମରେ ଧୂଆଁ ବିସ୍ତାର କରିଥିଲେ । ଏହି ମାମଲାରେ ଏପର୍ଯ୍ୟନ୍ତ ୭ ଜଣଙ୍କୁ ଗିରଫ କରାଯାଇଛି ।



କ’ଣ କହିଛନ୍ତି ଓମ୍ ବିର୍ଲା?
ବାଚସ୍ପତି ସ୍ଲୋଗାନ ଦେଉଥିବା ବିରୋଧୀ ସଦସ୍ୟଙ୍କୁ କହିଛନ୍ତି, “ମୁଁ କୌଣସି କାରଣ ବିନା କୌଣସି ସଦସ୍ୟଙ୍କୁ ନିଲମ୍ବନ କରିବାକୁ ଚାହେଁ ନାହିଁ । ଜନସାଧାରଣ ଆପଣଙ୍କୁ ମନୋନୀତ କରିଛନ୍ତି । ଏଠାରେ ଆଲୋଚନା କରିବା ଓ ଆପଣଙ୍କ ମତାମତ ପ୍ରକାଶ କରିବାର ଅଧିକାର ତୁମର ଅଛି । ଆପଣମାନେ ନିଜ ଆସନକୁ ଯାଆନ୍ତୁ, ମୁଁ ଶୂନ କାଳ ମଧ୍ୟରେ ଆପଣଙ୍କ ମତାମତ ଉପସ୍ଥାପନ କରିବାକୁ ଏକ ସୁଯୋଗ ଦେବି ।"


ସାଂସଦଙ୍କ ନିଲମ୍ବନ ପ୍ରକ୍ରିୟା ଡିସେମ୍ବର ୧୪ ରେ ଆରମ୍ଭ ହୋଇଥିଲା, ଯେତେବେଳେ ବିରୋଧୀ ସାଂସଦମାନେ ଗୃହମନ୍ତ୍ରୀ ଅମିତ ଶାହାଙ୍କ ସଂସଦର ସୁରକ୍ଷା ଉଲ୍ଲଂଘନ ସମ୍ପର୍କରେ ବୟାନ ମାଗିଥିଲେ । ୧୩ ଡିସେମ୍ବର ଅପରାହ୍ନରେ ସଂସଦର ସୁରକ୍ଷା କ୍ଷେତ୍ରରେ ସେତେବେଳେ ଏକ ବଡ଼ ଧରଣର ତ୍ରୁଟି ସାମ୍ନାକୁ ଆସିଥିଲା, ଯେତେବେଳେ ଲୋକସଭାର ଦୁଇଜଣ ଯୁବକ ଦର୍ଶକ ଗ୍ୟାଲେରୀରୁ ଗୃହକୁ ଡେଇଁଥିଲେ ଓ ଏକ କ୍ୟାନ୍ ମାଧ୍ୟମରେ ଧୂଆଁ ବିସ୍ତାର କରିଥିଲେ । ଏହି ମାମଲାରେ ଏପର୍ଯ୍ୟନ୍ତ ୭ ଜଣଙ୍କୁ ଗିରଫ କରାଯାଇଛି ।


ନିର୍ଦ୍ଧାରିତ ତାରିଖ ଅନୁଯାୟୀ ସଂସଦର ଶୀତ ଅଧିବେଶନର ଶେଷ କାର୍ଯ୍ୟ ଦିବସ ଶୁକ୍ରବାର (୨୨ ଡିସେମ୍ବର) ଅଟେ । ସୂତ୍ରରୁ ପ୍ରକାଶ ଯେ ଆଜି (ଗୁରୁବାର) ଗୃହର ପ୍ରକ୍ରିୟା ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯାଇପାରେ ।