Road Accident: ବର କାର୍ କୁ ଧକ୍କା ଦେଲା ଟ୍ରକ୍, ଘଟଣାସ୍ଥଳରେ ବର ସହ ଜଳିଗଲେ ୪ ସମ୍ପର୍କୀୟ

Road Accident: ବର ସହ କିଛି ଜଣ ସମ୍ପର୍କୀୟ କାର୍ ଭିତରେ ଫସି ରହିଯାଇଥିଲେ। କେହି ବି ବାହାରକୁ ବାହାରି ପାରିନଥିଲେ। ହେଲେ କଷ୍ଟେ ମଷ୍ଟେ ୨ଜଣ ବାହାରି ଆସିଥିଲେ ମଧ୍ୟ ଘଟଣାସ୍ଥଳରେ ୪ ଜଣ ଜୀଅନ୍ତା ଜଳିଯାଇଥିଲେ।

Road Accident:  ଶୁକ୍ରବାର ବିଳମ୍ବିତ ରାତିରେ, ଝାନସୀ-କାନପୁର ରାଜପଥରେ ଥିବା ପୋଲିସ ଷ୍ଟେସନ ବାରାଗାଓଁ ବ୍ରିଜ ଉପରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ବର ଗାଡିକୁ ପଛପଟୁ ଧକ୍କା ଦେଇଥିଲା କାଳରୂପୀ ଟ୍ରକ୍ । ଟ୍ରକ୍ ଟି ଧକ୍କା ମାରିବା ଫଳରେ ଦେଖୁ ଦେଖୁ ସମ୍ପର୍କୀୟଙ୍କ ଆଖି ଆଗରେ ବର୍ ଥିବା କାର୍ ରେ ନିଆଁ ଲାଗିଯାଇଥିଲା। ଫଳରେ କାର୍ ରେ ଥିବା ବର, ସାତ ବର୍ଷର ନୀରିହ ପୁତୁରା ସହ ଅନ୍ୟ ୨ ଜଣଙ୍କ ସମେତ ମୋଟ୍ ୪ ଜଣଙ୍କ ମୃତ୍ୟୁ ଘଟିଛି। ଏହାସହ କାର୍ ରେ ଥିବା ଅନ୍ୟ ୨ ଜଣ ଏହି ବଡ଼ ବିପଦରୁ ରକ୍ଷା ପାଇଯାଇଥିଲେ। ସେମାନଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି। ଏହି ଖବର ଜଣାପଡ଼ିବା ପରେ ବର ଘରେ ଶୋକର ଛାୟା ଖେଳିଯାଇଛି। 

ଏରଚ୍ ପୋଲିସ୍ ଷ୍ଟେସନର ବିଲାଟି ଗାଁର ବାସିନ୍ଦା ଆକାଶ (ବୟସ ୨୩) ବିବାହ ଶୋଭାଯାତ୍ରା ସହିତ ବାଡା ଗ୍ରାମ ପୋଲିସ୍ ଷ୍ଟେସନର ଚାପର୍ ଗ୍ରାମକୁ ଯାଉଥିଲେ। ତାଙ୍କ କାରରେ ଆକାଶ, ତାଙ୍କ ଭଣଜା ଇଶୁ (ବୟସ ୭ ) ଏବଂ ଆଶିଷ (ବୟସ ୨୦) ଏବଂ ପରିବାରର ଅନ୍ୟ ସଦସ୍ୟମାନେ ଯାତ୍ରା କରୁଥିଲେ। ଶୁକ୍ରବାର ବିଳମ୍ବିତ ରାତି ପ୍ରାୟ ୧୨ ଟା ସମୟରେ ତାଙ୍କ କାର ପରିଛା ଓଭର ବ୍ରିଜ୍ ନିକଟରେ ପହଞ୍ଚିବା ମାତ୍ରେ ପଛରୁ ଆସୁଥିବା ଏକ ଡିସିଏମ୍ ଟ୍ରକ୍ କାରକୁ ଧକ୍କା (Road Accident) ଦେଇଥିଲା। ଧକ୍କା ହେବା ପରେ କାରରେ ସାଙ୍ଗେ ସାଙ୍ଗେ ନିଆଁ ଲାଗିଯାଇ ଥିଲା। ବର ସହ କିଛି ଜଣ ସମ୍ପର୍କୀୟ କାର୍ ଭିତରେ ଫସି  ରହିଯାଇଥିଲେ। କେହି ବି ବାହାରକୁ ବାହାରି ପାରିନଥିଲେ। ହେଲେ କଷ୍ଟେ ମଷ୍ଟେ ୨ଜଣ ବାହାରି ଆସିଥିଲେ ମଧ୍ୟ ଘଟଣାସ୍ଥଳରେ ୪ ଜଣ ଜୀଅନ୍ତା ଜଳିଯାଇଥିଲେ। 

ପରିବାରର ଅନ୍ୟ ସଦସ୍ୟମାନେ ମଧ୍ୟ ବରର କାରଠାରୁ କିଛି ଦୂରରେ ଥିଲେ। ସେମାନେ ପହଞ୍ଚିବା ବେଳକୁ କାରଟି ନିଆଁରେ ସମ୍ପୂର୍ଣ୍ଣ ପୋଡିଜଳି ହୋଇଯାଇଥିଲା। ପୋଲିସ ଓ ଅଗ୍ନିଶମ ବାହିନୀକୁ ସୂଚନା ଦିଆଯାଇଥିଲା। ପୋଲିସ କୌଣସି ପ୍ରକାରେ ନିଆଁ ଲିଭାଇ ଲୋକଙ୍କୁ ଭିତରୁ ବାହାର କରି ଦେଇଥିଲା। ସେତେବେଳକୁ ଆକାଶ, ତାଙ୍କ ପୁତୁରା ଇଶୁ, ଆଶିଷ ଏବଂ ଟ୍ୟାକ୍ସି ଡ୍ରାଇଭରଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇଜଣ ଗୁରୁତର ଆହତ ହୋଇଥିଲେ। ପୋଲିସ ତାଙ୍କୁ ମେଡିକାଲ କଲେଜରେ ଭର୍ତ୍ତି କରିଛି।