ନୂଆଦିଲ୍ଲୀ: Sexual harassment allegations against Anand Giri: ଅଖିଲ ଭାରତୀ ଅଖରା ପରିଷଦର ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରି (Mahant Narendra Giri) ଙ୍କ ସନ୍ଦେହଜନକ ମୃତ୍ୟୁରେ ଆନନ୍ଦ ଗିରି (Anand Giri) ଙ୍କୁ ଗିରଫ କରାଯାଇଛି । ଯଦିଓ ଏହା ଦେଶ ମଧ୍ୟରେ ଆନନ୍ଦ ଗିରିଙ୍କର ପ୍ରଥମ ଗିରଫ, କିନ୍ତୁ ମେ ୨୦୧୯ରେ ତାଙ୍କୁ ଅଷ୍ଟ୍ରେଲିଆରେ ମଧ୍ୟ ଗିରଫ କରାଯାଇଥିଲା । ମହିଳାଙ୍କ ସହ ଅସଦାଚରଣ କରିବା ଅଭିଯୋଗରେ ଅଷ୍ଟ୍ରେଲିଆ ପୋଲିସ ଆନନ୍ଦ ଗିରିଙ୍କୁ ଗିରଫ କରିଥିଲା । ଆନନ୍ଦ ଗିରିଙ୍କ ବିରୋଧରେ ଅଭିଯୋଗ ଥିଲା ଯେ ସେ ଦୁଇଜଣ ମହିଳାଙ୍କୁ ପୂଜା ପାଇଁ ଡାକିଥିଲେ ଓ ସେହି ସମୟରେ ସେମାନଙ୍କ ସହ ଅସଦାଚରଣ କରିଥିଲେ ।


COMMERCIAL BREAK
SCROLL TO CONTINUE READING

ସିଡନୀରେ ଆନନ୍ଦ ଗିରିଙ୍କୁ ଗିରଫ କରାଯାଇଥିଲା । ନ୍ୟୁଜ୍ ଏଜେନ୍ସି ପିଟିଆଇର ଖବର ଅନୁଯାୟୀ ସିଡନୀ ପୋଲିସ କହିଥିଲା ଯେ ଆନନ୍ଦ ଗିରି ଦୁଇଥର ମହିଳାଙ୍କ ସହ ଅସଦାଚରଣ କରିଥିଲେ । ଆନନ୍ଦଙ୍କ ଗିରି ଗିରଫ ହେବାର ସମ୍ପୂର୍ଣ୍ଣ ବିବରଣୀ ସ୍ପେଶାଲ ବ୍ରୋଡକାଷ୍ଟ ସର୍ଭିସ (SBS) ଦ୍ୱାରା ପ୍ରକାଶିତ ହୋଇଥିଲା । ଆନନ୍ଦ ଗିରି ୬ ସପ୍ତାହର ଆଧ୍ୟାତ୍ମିକ ଯାତ୍ରା ପରେ ଅଷ୍ଟ୍ରେଲିଆ ଛାଡିବାକୁ ଯାଉଥିଲେ, ସେତେବେଳେ ତାଙ୍କୁ ପୋଲିସ ଗିରଫ କରିଥିଲା ।



ସେତେବେଳେ ଅଷ୍ଟ୍ରେଲିଆର ନ୍ୟୁ ସାଉଥ ୱେଲ୍ସ ପୋଲିସ କହିଛି ଯେ ଆନନ୍ଦ ଗିରି ରୁଟି ହିଲରେ ଥିବା ଏକ ଘରେ ୨୦୧୬ରେ ନୂଆ ବର୍ଷ ଅବସରରେ ହିନ୍ଦୁ ପୂଜାରେ ଯୋଗ ଦେଇଥିଲେ ଓ ସେଠାରେ ତାଙ୍କୁ ଜଣେ ୨୯ ବର୍ଷ ବୟସ୍କା ମହିଳାଙ୍କ ସହ ସାକ୍ଷାତ ହୋଇଥିଲା ।


ଅଭିଯୋଗ ହୋଇଛି ଯେ ସେହି ସମୟରେ ସେ ଶୋଇବା ଘରେ ମହିଳାଙ୍କୁ ଆକ୍ରମଣ କରିଥିଲେ । ପୋଲିସ ସେମାନଙ୍କ ବିବୃତ୍ତିରେ କହିଛି ଯେ ଆନନ୍ଦ ଗିରି ଶୋଇବା ଘରେ ମହିଳାଙ୍କ ସହ ଅଶ୍ଳୀଳ ବ୍ୟବହାର କରିଛନ୍ତି ।



ଏହା ବ୍ୟତୀତ ଗୋଟିଏ ଅଭିଯୋଗ ୨୦୧୮ର ରହିଛି । ଏହା ମଧ୍ୟ ରୁଚି ହିଲର ମାମଲା । ଏଠାରେ ମଧ୍ୟ ଆନନ୍ଦ ଗିରି ପୂଜାରେ ଯୋଗଦେବାକୁ ଆସିଥିଲେ ଓ ୩୪ ବର୍ଷ ବୟସ୍କା ମହିଳାଙ୍କ ସହ ଅସଦାଚରଣ କରିବାର ଅଭିଯୋଗ ଆସିଛି ।


ଅଧିକ ପଢ଼ନ୍ତୁ:-ଆନନ୍ଦ ଗିରି କିଏ ଓ ମହନ୍ତ ନରେନ୍ଦ୍ର ଗିରିଙ୍କ ସହ ତାଙ୍କର ସମ୍ପର୍କ କିପରି ଥିଲା?


ପୋଲିସ କହିଥିଲା ଯେ ଏହି ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଥିଲା । ଅନ୍ୟ ମହିଳାଙ୍କ ପ୍ରତି ଅସଦାଚରଣ ହେବାର ଆଶଙ୍କା ଥିବାରୁ ଆନନ୍ଦ ଗିରିଙ୍କୁ ଜାମିନ ପ୍ରଦାନ କରାଯାଇ ନଥିଲା । ତାଙ୍କୁ ପୋଲିସ ହେପାଜତରେ ରଖାଯାଇଥିଲା ।


ଜୁନ୍ ୨୬ରେ ଆନନ୍ଦ ଗିରିଙ୍କୁ ସ୍ଥାନୀୟ କୋର୍ଟରେ ହାଜର କରାଯାଇଥିଲା । ଉଭୟ ଅଭିଯୋଗକାରୀ 'ଯୋଗୀ'ର ପରିଚିତ ବୋଲି ପୋଲିସ କହିଛି । ସେତେବେଳେ ଆନନ୍ଦ ଗିରି ଭାରତ ସମେତ ଅନେକ ଦେଶରେ ଆଧ୍ୟାତ୍ମିକ ଓ ଯୋଗ କ୍ଲାସ ନେଉଥିଲେ । ଏହାସହ ସେହି ସମୟରେ ଆନନ୍ଦ ଗିରି ଯୋଗ ତନ୍ତ୍ରରେ ପିଏଚଡି କରୁଥିଲେ ।



୨୦୧୯ ସେପ୍ଟେମ୍ବର ୧୧ରେ ଅଖାଡ଼ା ପରିଷଦର ଜାତୀୟ ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରି ଅଷ୍ଟ୍ରେଲିଆରେ ଆନନ୍ଦ ଗିରିଙ୍କୁ ଜାମିନ ମିଳିବାର ପୃଷ୍ଟି କରିଥିଲେ । ଆନନ୍ଦଙ୍କ ବିରୋଧରେ ହୋଇଥିବା ଅଭିଯୋଗ ଭିତ୍ତିହୀନ ବୋଲି ନରେନ୍ଦ୍ର ଗିରି କହିଥିଲେ ।


ଅଧିକ ପଢ଼ନ୍ତୁ:-ପୁଣି କୋରୋନା ମାମଲାରେ ବୃଦ୍ଧି, ଦିନକରେ ଚିହ୍ନଟ ହେଲେ ଏତିକି ସଂକ୍ରମିତ


ଅଧିକ ପଢ଼ନ୍ତୁ:-ଜାତିସଂଘ ସୁରକ୍ଷା ପରିଷଦର ସ୍ଥାୟୀ ଆସନ ଛାଡ଼ିବ ଫ୍ରାନ୍ସ? ଜାଣନ୍ତୁ କ'ଣ କହିଲେ ରାଷ୍ଟ୍ରପତି ମାକ୍ରୋନ


ଅଧିକ ପଢ଼ନ୍ତୁ:-ପିଏମ ମୋଦି ପହଞ୍ଚିଲେ ୱାଶିଂଟନ, ଜାଣନ୍ତୁ ତାଙ୍କର ଆଜିର କାର୍ଯ୍ୟକ୍ରମ ବିଷୟରେ...


ଅଧିକ ପଢ଼ନ୍ତୁ:-ଜାଣନ୍ତୁ, କଳା ଲୁଣ ସ୍ୱାସ୍ଥ୍ୟ ପାଇଁ ଅଧିକ ଭଲ ନା ଧଳା ଲୁଣ