ତାଲିବାନକୁ ମିଳିବ ମାନ୍ୟତା? ଆଫଗାନିସ୍ତାନ ପାଇଁ ୧ ବିଲିୟନ ୟୁରୋର ପ୍ୟାକେଜ୍ ଜାରି କଲା EU

ନୂଆଦିଲ୍ଲୀ: ଆଫଗାନିସ୍ତାନ (Afghanistan) କୁ ତାଲିବାନ (Taliban) ଦଖଲ କରିବା ପରଠାରୁ ସେଠାକାର ଆର୍ଥିକ ଅବସ୍ଥା ବିଗିଡିବାରେ ଲାଗିଛି । ନିକଟ ଅତୀତରେ କିଛି ଗୁରୁତ୍ୱପୂର୍ଣ୍ଣ ରିପୋର୍ଟରେ କୁହାଯାଇଛି ଯେ ଆଫଗାନିସ୍ତାନରେ ଦାରିଦ୍ର, ବେକାରୀ ଏବଂ ଅନାହାର ବଢିବାରେ ଲାଗିଛି । ଆଫଗାନିସ୍ତାନର ବୁଡ଼ି ଯାଉଥିବା ଅର୍ଥ ବ୍ୟବସ୍ଥା (Afghanistan Economy) ମଧ୍ୟରେ ୟୁରୋପୀୟ ୟୁନିଅନ୍ (European Union) ତାଲିବାନ ଶାସିତ ଆଫଗାନିସ୍ତାନକୁ ସାହାଯ୍ୟର ହାତ ବଢ଼ାଇଛି ।

ମଙ୍ଗଳବାର ୟୁରୋପୀୟ ୟୁନିଅନ (EU) ଆଫଗାନିସ୍ତାନକୁ ୧ ବିଲିୟନ ୟୁରୋ ସହାୟତା ପ୍ରଦାନ କରିବ ବୋଲି ଘୋଷଣା କରିଛି । ଯାହା ଦ୍ୱାରା ମାନବିକତା ଉପରେ ସଙ୍କଟ ଓ ଖରାପ ଆର୍ଥିକ ଅବସ୍ଥାକୁ ପୁଣିଥରେ ସଠିକ୍ ମାର୍ଗରେ ଆଣିହେବ । ଭର୍ଚୁଆଲ୍ ଜି-20 ସମ୍ମିଳନୀରେ ୟୁରୋପୀୟ ଆୟୋଗର ଅଧ୍ୟକ୍ଷ ଉର୍ସୁଲା ଭନ୍ ଡେର୍ ଲେଏନ୍ (Ursula von der Leyen) ଉପସ୍ଥିତ ଥିଲେ । ଇଟାଲୀ ଏହି ସମ୍ମିଳନୀ ଆୟୋଜନ କରୁଛି । ଏହି ସମୟରେ, ଉର୍ସୁଲା ଭନ୍ ଡେର୍ ଲେଏନ୍ ମଧ୍ୟ ଆଫଗାନିସ୍ତାନରେ ମାନବିକତାର ସାହାଯ୍ୟ କରିବା ପାଇଁ ନିଜର ସଂକଳ୍ପକୁ ଦୋହରାଇଥିଲେ ।

ଏହି ଅର୍ଥ ଆଫଗାନିସ୍ତାନ (Afghanistan) କୁ ଧୀରେ ଧୀରେ ସାହାଯ୍ୟ କରିବା ପାଇଁ ଉଦ୍ଦିଷ୍ଟ ବୋଲି ସେ ତାଙ୍କ ବୟାନରେ କହିଛନ୍ତି । ଏହି ଅର୍ଥ ସେହି ଆନ୍ତର୍ଜାତୀୟ ସଂସ୍ଥାଗୁଡ଼ିକୁ ଦିଆଯିବ ଯେଉଁମାନେ ସେଠାରେ କାର୍ଯ୍ୟ କରୁଛନ୍ତି । ସେ ସ୍ପଷ୍ଟ କରିଛନ୍ତି ଯେ ଏହି ଟଙ୍କା ତାଲିବାନ ସରକାରଙ୍କୁ ଦିଆଯିବ ନାହିଁ କାରଣ ସେମାନେ ଏପର୍ଯ୍ୟନ୍ତ ମାନ୍ୟତା ପାଇନାହାଁନ୍ତି । ଉର୍ସୁଲା ଭନ୍ ଡେର୍ ଲେଏନ୍ କହିଛନ୍ତି, "ଆଫଗାନିସ୍ତାନରେ ମାନବିକତା ତଥା ସାମାଜିକ-ଅର୍ଥନୈତିକ ସ୍ଥିତିକୁ ରକ୍ଷା କରିବା ପାଇଁ ଆମେ ସମସ୍ତେ ଯାହା କରିବା ଉଚିତ୍ ଯାହା ଆମେ କରିବାପାରିବା । ଆମକୁ ଏହାକୁ ଶୀଘ୍ର କରିବାକୁ ହେବ ।"

ଅଧିକ ପଢ଼ନ୍ତୁ:-ତାଲିବାନ ହାତରେ ଆସିବନି କାଣିଚାଏ, ଆଫଗାନବାସୀଙ୍କ ଉପରେ 'ଆକାଶ'ରୁ ବର୍ଷିବ ଟଙ୍କା!

ଅଧିକ ପଢ଼ନ୍ତୁ:-ବର୍ତ୍ତମାନ ଚାହିଁ କି ମଧ୍ୟ ତାଲିବାନକୁ ସାହାଯ୍ୟ କରିପାରୁନି ପାକିସ୍ତାନ, ଏହା ହେଉଛି କାରଣ

ସେ ଆହୁରି ମଧ୍ୟ କହିଛନ୍ତି, "ତାଲିବାନ ସହିତ କୌଣସି ପ୍ରକାରର ସହଯୋଗକୁ ନେଇ ଆମେ ଆମର ସର୍ତ୍ତ ଉପରେ ଛିଡ଼ା ଅଛୁ ଓ ସଂପୂର୍ଣ୍ଣ ଭାବେ ସ୍ପଷ୍ଟ ମଧ୍ୟ ଅଛୁ । କିନ୍ତୁ ତାଲିବାନର ଏହି କାର୍ଯ୍ୟର ଦଣ୍ଡ ସେଠାକାର ଲୋକଙ୍କୁ ଦିଆଯିବା ଉଚିତ୍ ନୁହେଁ ।"

କୁହାଯାଉଛି ଯେ ଆଫଗାନିସ୍ତାନର ସ୍ୱାସ୍ଥ୍ୟ ବ୍ୟବସ୍ଥାରେ ଉନ୍ନତି ଆଣିବା ପାଇଁ ୧ ବିଲିୟନ ପ୍ୟାକେଜ ବ୍ୟବହାର କରାଯିବ । ଏହା ବ୍ୟତୀତ ଏହା ପ୍ରବାସୀ ପରିଚାଳନାରେ ଓ ଆତଙ୍କବାଦ ବିରୋଧରେ ଲଢ଼େଇରେ ବ୍ୟବହୃତ ହେବ ।