୨୬ ପିଲାଙ୍କ ଅପହରଣକାରୀକୁ କାହିଁକି ମିଳିଲା ପାରୋଲ
୧୯୭୧ ମସିହାରେ ଆସିଥିବା ଏକ ଫିଲ୍ମ ଦେଖିବା ପରେ ୧୯୭୬ରେ ପିଲାଙ୍କୁ ଅପହରଣ କରିବାକୁ ତା ମନରେ ଧାରଣା ଜାତ ହୋଇଥିଲା । ପିଲାଙ୍କୁ ଅପହରଣ ଷଡ଼ଯନ୍ତ୍ରରେ ଅଭିଯୁକ୍ତର ଭାଇ ମଧ୍ୟ ସାମିଲ୍ ଥିଲା।
ନୂଆଦିଲ୍ଲୀ: ଆମେରିକାର ସେନ ଫ୍ରାନ୍ସିସ୍କୋରେ ୧୯୭୬ ମସିହାରେ ଜଣେ ବ୍ୟକ୍ତି ତାର ସାଥୀମାନଙ୍କ ସହ ମିଶି ବସ୍ ଡ୍ରାଇଭର ସହ ୨୬ଜଣ ପିଲାଙ୍କୁ ଅପହରଣ କରିନେଇଥିଲେ । ଏହାସହିତ ପିଲାଙ୍କ ମୁକ୍ତି ପାଇଁ ସେହି ସମୟରେ ୫ ମିଲିୟନରୁ ଅଧିକ ଅର୍ଥାତ ୩୭ କୋଟିରୁ ଅଧିକ ଟଙ୍କା ଡିମାଣ୍ଡ କରିଥିଲା । ସେହି ଅପରାଧିକୁ ଏବେ ପାରୋଲରେ ଯିବାକୁ ଅନୁମତି ମିଳିଛି । ସେହି ଦୁର୍ଦ୍ଦାନ୍ତ ଅପରାଧୀର ନା ହେଉଛି ଫେଡେରିକ ନ୍ୟୁହଲ୍ ୱଡସ୍ । ଏବେ ସେହି ନୃଶଂସ ଅପରାଧୀ ବୃଦ୍ଧ ଅବସ୍ଥାରେ ପହଞ୍ଚିଛି । ଯାହାଙ୍କ ବୟସ ଏବେ ପ୍ରାୟ ୭୦ ବର୍ଷ । ୱଡସ୍ ଠାରୁ ଆଉ ବିପଦ ନଥିବାରୁ ତାକୁ କମିଶନ ପାରୋଲ ଅନୁମତି ଦେଇଛନ୍ତି।
ଫିଲ୍ମ ଦେଖିବା ପରେ ଆସିଥିଲା ଅପହରଣ ଷଡ଼ଯନ୍ତ୍ର ଯୋଜନା
୧୯୭୧ ମସିହାରେ 'ଡର୍ଟି ହ୍ୟାରି' ନାମକ ଏକ ଫିଲ୍ମ ରିଲିଜ୍ ହୋଇଥିଲା । ଯେଉଁ ଫିଲ୍ମକୁ ଦେଖି ୱଡସ୍ ଅପହରଣ ଷଡ଼ଯନ୍ତ୍ର ରଚିଥିଲା । ତା ସହିତ ଷଡ଼ଯନ୍ତ୍ରରେ ସାମିଲ୍ ଥିବା ତାର ଭାଇ ରିଚର୍ଡ ଓ ଜେମ୍ସ ଅନେକ ବର୍ଷ ପୂର୍ବରୁ ଜେଲରୁ ମୁକୁଳି ସାରିଛନ୍ତି । ସମସ୍ତ ଅପରାଧୀ ଫ୍ରାନ୍ସିସ୍କୋ ଖାଡ଼ି ପାଖରେ ରହୁଥିଲେ । ଯେଉଁମାନେ ୨୬ଜଣ ପିଲାଙ୍କୁ ଅପହରଣ କରିନେଇଥିଲେ ଯ ଏହା ପରେ ଅପରାଧୀମାନେ ଅପହୃତା ପିଲାମାନଙ୍କୁ ମାଟିତଳେ ଥିବା ଏକ ବଙ୍କରରେ ଜିଅନ୍ତା ପୋତି ଦେଇଥିଲେ । ଉକ୍ତ ବଙ୍କରଟି ପୂର୍ବ ସେନ୍ ଫ୍ରାନ୍ସିସ୍କୋରେ ରହିଛି । ଉକ୍ତ ବଙ୍କରରେ ଅପହୃତ ପିଲା ଓ ବସ୍ ଡ୍ରାଇଭରକୁ ଲୁଚାଇ ରଖାଯାଇଥିଲା | ସେଠାରେ ବାୟୁ ଚଳପ୍ରଚଳ ପାଇଁ ବ୍ୟବସ୍ଥା ଥିଲା | ଅପହରଣର ୧୬ ଘଣ୍ଟା ପରେ ଅପହରଣକାରୀ ଶୋଇଯିବା ପରେ ସମସ୍ତ ଅପହୃତ ପିଲା ସେଠାରୁ ଖସି ପଳାଇବାରେ ସକ୍ଷମ ହୋଇଥିଲେ।
Also Read: କୋଲକାତା ଆକାଶର ଏଲିଏନ୍! ସାମନାକୁ ଆସିଲା ଭିଡିଓ
୧୯୭୬ ମସିହା ଜୁଲାଇ ୧୫ ତାରିଖରେ ଡେରିଲ୍ୟାଣ୍ଡ ପ୍ରାଥମିକ ବିଦ୍ୟାଳୟରୁ ସ୍କୁଲ ବସରେ ୨୬ଜଣ ପିଲା ଫେରୁଥିବା ବେଳେ ସମସ୍ତ ପିଲାଙ୍କୁ ଅପହରଣ (Kidnap) କରି ନିଆଯାଇଥିଲା । ସନ୍ଧ୍ୟା ୪ଟା ସମୟରେ ଅପହରଣକାରୀମାନେ ୨ଟି ଧଳା ଭ୍ୟାନକୁ ବସ୍ ଆଗରେ ରଖିଦେଇଥିଲେ । ରାସ୍ତା ଉପରେ ବସ୍ ଅଟକିଯିବା ପରେ ପିଲାମାନଙ୍କୁ ଅପହରଣ କରି ନିଆଯାଇଥିଲା । ସେହି ସମୟରେ ଅପହରଣର ଶିକାର ପିଲାମାନଙ୍କ ବୟସ ୫ରୁ ୭ ବର୍ଷ ମଧ୍ୟରେ ଥିଲା । ସମସ୍ତ ପିଲାଙ୍କୁ ଅପହରଣ ପରେ ୧୨ ଫୁଟ୍ ମାଟିତଳେ ପୋତିଦିଆଯାଇଥିଲା । ଭ୍ୟାନରୁ ସିଡି ସାହାଯ୍ୟରେ ସେହି ମାଟିତଳେ ଥିବା ବଙ୍କର ମଧ୍ୟରୁ ଓହ୍ଲାଯାଇଥିଲା । ୱଡସ୍ ୧୯୮୨ ମସିହାରେ ପାରୋଲ ନେବାକୁ ଯୋଗ୍ୟ ହୋଇଥିଲା । ତଥାପି ତାର ପାରୋଲ୍ (Parole) ଆବେଦନ ୧୭ଥର ଖାରଜ ହୋଇଥିଲା ।