Arvind Kejriwal: ଗୁଜୁରାଟ ଲୋକଙ୍କ ପାଇଁ ତିନୋଟି ବଡ଼ ଘୋଷଣା କଲେ ଆପ ସଂଯୋଜକ

AAP in Gujarat Politics: ବର୍ତ୍ତମାନ ରାଜ୍ୟର ବିଜେପି-କଂଗ୍ରେସ ରାଜନୀତି ଶେଷ ହେବ ଏବଂ କେବଳ ଲୋକଙ୍କ ରାଜନୀତି ଚାଲିବ। ଚଳିତ ବର୍ଷ ଶେଷ ଆଡ଼କୁ ହେବାକୁ ଯାଉଥିବା ଗୁଜୁରାଟରେ ବିଧାନସଭା ନିର୍ବାଚନରେ ଆପ ଏବଂ ବିଜେପି ମଧ୍ୟରେ ସିଧାସଳଖ ପ୍ରତିଦ୍ୱନ୍ଦ୍ୱିତା ହେଉଛି। ବିଜେପି-କଂଗ୍ରେସ ମଧ୍ୟରେ ସମ୍ପର୍କ ନିବିଡ଼ ହୋଇଛି। ହେଲେ ବର୍ତ୍ତମାନ ଗୁଜୁରାଟ ରାଜନୀତିରେ ଆପ ଏକ ବିକଳ୍ପ ଭାବେ ଉଭା ହୋଇଛି।

Arvind Kejriwal in Gujarat: ଦୁଇ ଦିନିଆ ଗୁଜୁରାଟ ଗସ୍ତରେ ଆସିଥିଲେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ। ରବିବାର ଗସ୍ତରେ ଦ୍ୱିତୀୟ ଦିନରେ ଭଦୋଦରା ସହରରେ ପହଞ୍ଚିବା ଅବସରରେ ଏକ ସାମ୍ବାଦିକ ସମ୍ମିଳନୀ କରି ସେ ବିଜେପି ଉଦେଶ୍ୟରେ ବର୍ଷିଥିଲେ। ବିଜେପି ବିରୋଧରେ ଆସିଥିବା ଅଭିଯୋଗକୁ ଦୋହରାଇ କହିଛନ୍ତି ଯେ ବ୍ୟବସାୟୀ ତାଙ୍କ ବୈଠକରେ ଯୋଗ ନ ଦେବା ଲାଗି ଧମକ ଦିଆଯାଉଛି। ଗୁଜୁରାଟ ଅବସରରେ ରାଜ୍ୟବାସୀଙ୍କ ଲାଗି ଅନେକ ପ୍ରତିଶୃତି ବାବଦରେ ଘୋଷଣା କରିଛନ୍ତି ଅରବିନ୍ଦ କେଜ୍ରିୱାଲ।

ଆମ ଆଦମୀ ପାର୍ଟି (Aam Aadmi Party) ଆପ ସଂଯୋଜକ (AAP Coordinator) ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ (Delhi CM Arvind Kejriwal) କହିଛନ୍ତି ଯେ ସମଗ୍ର ଗୁଜୁରାଟ ବର୍ତ୍ତମାନ ତାଙ୍କ ସହ ଛିଡା ହୋଇଛି।  ତାଙ୍କ ଦଳ ଦ୍ୱାରା କରାଯାଇଥିବା ସର୍ଭେରେ ଏହା ଜଣାପଡ଼ିଛି। ବର୍ତ୍ତମାନ ରାଜ୍ୟର ବିଜେପି-କଂଗ୍ରେସ ରାଜନୀତି ଶେଷ ହେବ (BJP Congress Politics in Gujarat) ଏବଂ କେବଳ ଲୋକଙ୍କ ରାଜନୀତି ଚାଲିବ। ଚଳିତ ବର୍ଷ ଶେଷ ଆଡ଼କୁ ହେବାକୁ ଯାଉଥିବା ଗୁଜୁରାଟରେ ବିଧାନସଭା ନିର୍ବାଚନରେ (Gujarat Assembly Election 2022) ଆପ ଏବଂ ବିଜେପି ମଧ୍ୟରେ ସିଧାସଳଖ ପ୍ରତିଦ୍ୱନ୍ଦ୍ୱିତା ହେଉଛି। ବିଜେପି-କଂଗ୍ରେସ ମଧ୍ୟରେ ସମ୍ପର୍କ ନିବିଡ଼ ହୋଇଛି। ହେଲେ ବର୍ତ୍ତମାନ ଗୁଜୁରାଟ ରାଜନୀତିରେ (Gujarat Politics) ଆପ ଏକ ବିକଳ୍ପ ଭାବେ ଉଭା ହୋଇଛି।

ଆପ ସଂଯୋଜକ ଅରବିନ୍ଦ କେଜ୍ରିୱାଲ କହିଛନ୍ତି ଯେ ତାଙ୍କ ଦଳ ଦେଇଥିବା ସମସ୍ତ ପ୍ରତିଶୃତିକୁ ସେ ପୂରଣ କରିବେ।  କାରଣ ଆପଣ ଆଉ ମଧ୍ୟରେ ନିବିଡ଼  ସମ୍ପର୍କ ରହିଛି। ବିଜେପି ନେତା ଅହଂକାରୀ ହୋଇଯାଇଛନ୍ତି। ଲୋକଙ୍କ ସହିତ ସେମାନଙ୍କର କୌଣସି ସମ୍ପର୍କ ନାହିଁ। ମୁଁ ଆତଙ୍କବାଦୀ ନୁହେଁ ମୁଁ ଜଣେ ଭଲ ମଣିଷ। ହେଲେ ବିଜେପି ମୋତେ କାହିଁକି ଭୟ କରୁଛି?

ଗୁଜୁରାଟ ଲୋକଙ୍କୁ ଦେଇଥିବା ନିର୍ବାଚନ ପ୍ରତିଶୃତି ବାବଦରେ ପ୍ରତିକ୍ରିୟା ରଖି ଅରବିନ୍ଦ କେଜ୍ରିୱାଲ କହିଛନ୍ତି ଯେ ଆମେ ରାଜ୍ୟବାସୀଙ୍କୁ ଏକ ସୀମା ପର୍ଯ୍ୟନ୍ତ ମାଗଣା ବିଦ୍ୟୁତ ଦେବୁ। ପୂର୍ବର ସମସ୍ତ ବିଦ୍ୟୁତ୍ ବିଲ୍ ଛାଡ କରିବ। ଚାକିରୀ ପାଇବା ପର୍ଯ୍ୟନ୍ତ ପ୍ରତ୍ୟେକ ବେରୋଜଗାରଙ୍କୁ ୩ ହଜାର ଟଙ୍କା ପ୍ରଦାନ କରାଯିବ। ମହିଳାଙ୍କ ଉପରେ ବିଶେଷ ଧ୍ୟାନ ଦିଆଯିବ। ଦିଲ୍ଲୀ ଭଳି ପ୍ରତ୍ୟେକ ଆଦିବାସୀ ଅଞ୍ଚଳରେ ଆମେ ଭଲ ବିଦ୍ୟାଳୟ ଖୋଲିବୁ। ଏହା ସହିତ ପ୍ରତ୍ୟେକ ଗ୍ରାମରେ ମୋହାଲା କ୍ଲିନିକ୍ ଖୋଲାଯିବ। ଯାହାଦ୍ୱାରା ସମାଜର ପଛୁଆ ଲୋକଙ୍କୁ ଉତ୍ତମ ସ୍ୱାସ୍ଥ୍ୟ ସୁବିଧା ମିଳିପାରିବ। ଆମେ ଆଦିବାସୀ ଲୋକଙ୍କ ପାଇଁ ସମ୍ବିଧାନର ପଞ୍ଚମ ଅନୁଚ୍ଛେଦ କାର୍ଯ୍ୟକାରୀ କରିବୁ। 

ଗତ ଜୁଲାଇ ୨୧ ତାରିଖରେ ଗୁରୁବାର ଗୁଜୁରାଟ ଗସ୍ତରେ ଆସି ସୁରଟ ଠାରେ ପହଞ୍ଚି ଆପ ସଂଯୋଜକ ଅରବିନ୍ଦ କେଜ୍ରିୱାଲ କହିଥିଲେ ଯେ ଗୁଜୁରାଟରେ ସମସ୍ତଙ୍କୁ ଭୟଭୀତ କରାଯାଇଛି। ବିଗତ ୨୭ ବର୍ଷ ଧରି କେବଳ ଗୋଟିଏ ଦଳ ରାଜ୍ୟକୁ ଶାସନ କରୁଛି। ଏଥିପାଇଁ ଅହଂକାର ଆସୁଛି। ବର୍ତ୍ତମାନ ଗୁଜୁରାଟ ପରିବର୍ତ୍ତନ ଚାହୁଁଛି। ଦରଦାମ ବୃଦ୍ଧି ପାଉଛି। ବିଦ୍ୟୁତ୍ ଦର ମଧ୍ୟ ବଢୁଛି। ପଞ୍ଜାବରେ ମାଗଣା ବିଦ୍ୟୁତ ଯୋଗଣା କରାଯାଇଛି। ବର୍ତ୍ତମାନ ଗୁଜୁରାଟରେ ମଧ୍ୟ ବିଦ୍ୟୁତ୍ ମାଗଣା କରାଯିବ।

ଆମକୁ ରାଜନୀତି କରିବା ଆସେ ନାହିଁ। ଆମ ଦଳ ହେଉଛି ସଚ୍ଚୋଟ ଲୋକଙ୍କ ଦଳ। ଯଦି ଆମେ କାମ କରିବୁ ନାହିଁ ତାହେଲେ ଆମକୁ ଭୋଟ ଦେବ ନାହିଁ। ଯଦି ଆମ ଦଳ ସରକାରକୁ ଆସେ ତାହେଲେ ୩୦୦ ୟୁନିଟ ମାଗଣା ବିଜୁଳି (Free Electricity) ପ୍ରଦାନ କରାଯିବ। ଦିଲ୍ଲୀ-ପଞ୍ଜାବ ଭଳି ରାଜ୍ୟରେ ମାଗଣା ବିଜୁଳି ପ୍ରଦାନ କରାଯାଉଛି। ଗୁଜୁରାଟକୁ ମଧ୍ୟ ମାଗଣା ବିଜୁଳି ମିଳିବ। ୨୪ ଘଣ୍ଟା ପର୍ଯ୍ୟନ୍ତ ନିରବିଚ୍ଛିନ୍ନ ବିଜୁଳି ମିଳିବ। ପାୱାର କଟ (Power Cut) ହେବ ନାହିଁ। ଏପରି ଯାଦୁ କରିବାର କଳା ଭଗବାନ ମୋତେ ଦେଇଛନ୍ତି।  ଅନ୍ୟ କେହି ଏହି ଯାଦୁ କରିପାରିବେ ନାହିଁ।