Sourav Ganguly meets Modi and Shah: ଗତ ବର୍ଷ ଅନୁଷ୍ଠିତ ହୋଇଥିବା ପଶ୍ଚିମବଙ୍ଗ ବିଧାନସଭା ନିର୍ବାଚନ ବେଳେ ବିସିସିଆଇ ସୌରଭ ଗାଙ୍ଗୁଲିଙ୍କ ରାଜନୀତିରେ ଯୋଗଦାନ ହୋଇଥିଲା ବହୁତ ଚର୍ଚ୍ଚା। ହେଲେ ସ୍ୱାସ୍ଥ୍ୟଗତ କାରଣରୁ ତାଙ୍କର ରାଜନୀତିରେ ଯୋଗଦାନକୁ ନେଇ ହେଉଥିବା ଚର୍ଚ୍ଚା ଉପରେ ପଡ଼ିଥିଲା ପୂର୍ଣ୍ଣଚ୍ଛେଦ। ହେଲେ ପ୍ରାୟ ବର୍ଷେ ପରେ ବର୍ତ୍ତମାନ ସ୍ୱାଧୀନତା ଦିବସ ଅବସରରେ ପୁଣି ଥରେ ସୌରଭ ଗାଙ୍ଗୁଲିଙ୍କୁ ନେଇ ଆରମ୍ଭ ହୋଇଗଲାଣି ଚର୍ଚ୍ଚା। 


COMMERCIAL BREAK
SCROLL TO CONTINUE READING

ସଦ୍ୟ ଏନେଇ ମିଳିଥିବା ଖବର ଅନୁସାରେ ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ବିସିସିଆଇ ସଭାପତି ସୌରଭ ଗାଙ୍ଗୁଲି (BCCI President Sourav Ganguly) ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Modi) ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ (Union Home Minister Amit Shah) ଭେଟିଛନ୍ତି। ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀଙ୍କ ସହ ହୋଇଥିବା ଏହି ବୈଠକ ପରେ ରାଜନୈତିକ ମହଲରେ ଆରମ୍ଭ ହୋଇଗଲାଣି ଅନେକ ଚର୍ଚ୍ଚା। 


ରାଜ୍ୟଗୋଷ୍ଠୀ କ୍ରୀଡାରେ (Commonwealth Games) ଭାଗ ନେଇଥିବା କ୍ରୀଡବିତଙ୍କୁ ସ୍ୱାଗତ କରିବା ପାଇଁ ଶୁକ୍ରବାର ଅପରାହ୍ନରେ ଏକ ସମାରୋହ ଆୟୋଜନ କରାଯାଇଥିଲା। ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ଏବଂ ଗୃହମନ୍ତ୍ରୀ ଶାହା ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ (Former Captain of Indian Cricket Team) ସୌରଭ ଗାଙ୍ଗୁଲି ମଧ୍ୟ ଉପସ୍ଥିତ ଥିଲେ। ଏହି ଅବସରରେ ସେ ପ୍ରଧାନମନ୍ତ୍ରୀ ମୋଦି ଏବଂ ଗୃହମନ୍ତ୍ରୀ ଅମିତ ଶାହଙ୍କ ସହ ମଧ୍ୟ କଥା ହୋଇଥିଲେ।


Also Read: ପଦ୍ମ ପୋଖରୀକୁ ଡିଆଁମାରିବେ ଗାଙ୍ଗୁଲି, ସ୍ୱାଗତ ପାଇଁ ପ୍ରସ୍ତୁତ ବିଜେପି


ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ (Board of Control for Cricket in India) ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ଆନ୍ତର୍ଜାତୀୟ କ୍ରିକେଟ ପରିଷଦ (International Cricket Council) ଆଇସିସି ସଭାପତି ଦୌଡ଼ରେ ସାମିଲ ଅଛନ୍ତି। ପ୍ରଧାନମନ୍ତ୍ରୀ ମୋଦି ଏବଂ ଗୃହମନ୍ତ୍ରୀଙ୍କ ସହ ହୋଇଥିବା କଥାବାର୍ତ୍ତା କ୍ରିକେଟ୍ ପ୍ରଶାସନ ସହ ଜଡିତ ହୋଇପାରେ ବୋଲି ବିଶ୍ୱାସ କରାଯାଉଛି। ଏହି ଅବସରରେ କେନ୍ଦ୍ର କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର (Union Sports Minister Anurag Thakur) ମଧ୍ୟ ଉପସ୍ଥିତ ଥିଲେ। ଭାରତୀୟ କ୍ରିକେଟ୍ ପ୍ରଶାସନରେ କେନ୍ଦ୍ରମନ୍ତ୍ରୀଙ୍କ ବହୁତ ପ୍ରଭାବ ରହିଛି। ବିସିସିଆଇ ପ୍ରଶାସକ ଭାବେ ସୌରଭ ଗାଙ୍ଗୁଲି ଏବଂ ଅମିତ ଶାହାଙ୍କ ପୁଅ ଜୟ ଶାହଙ୍କ କାର୍ଯ୍ୟକାଳ ଶେଷ ହୋଇସାରିଛି। ଏକ ରିପୋର୍ଟ ଜରିଆରେ ଦର୍ଶାଯାଇଛି ଯେ ବରିଷ୍ଠ ବିଜେପି ନେତା ସୌରଭ ଗାଙ୍ଗୁଲିଙ୍କ ସହ କ୍ରିକେଟ୍ ପ୍ରଶାସନ ବାବଦରେ ଆଲୋଚନା କରିଛନ୍ତି। 


ଏନେଇ ବିସିସିଆଇ ସଭାପତି କିମ୍ବା ବିଜେପି ପକ୍ଷରୁ କିଛି କୁହାଯାଇ ନାହିଁ। ଯଦିଓ ସୌରଭ ଗାଙ୍ଗୁଲି ବିସିସିଆଇ ସଭାପତି ଅଛନ୍ତି ତାହେଲେ ସେ ଆଇସିସି ସଭାପତି ହୋଇପାରିବେ ନାହିଁ। ତାଙ୍କ କାର୍ଯ୍ୟକାଳ ଶେଷରେ ସେ ବିସିସିଆଇ ସଭାପତି ପଦରେ ରହିବେ ନାହିଁ, ତଥାପି ତାଙ୍କୁ ଆଇସିସି ମୁଖ୍ୟ ପଦରୁ ବାଦ ଦିଆଯାଇପାରେ। ଏଭଳି ପରିସ୍ଥିତିରେ ସମସ୍ତ ଆଖି ସୌରଭ ଗାଙ୍ଗୁଲିଙ୍କ ପରବର୍ତ୍ତୀ ପଦକ୍ଷେପ ଉପରେ ରହିଛି।