କୃଷକ ଆନ୍ଦୋଳନ: କାମ ଦେଲା କେନ୍ଦ୍ର ଗୃହମନ୍ତ୍ରୀ ଶାହଙ୍କ ରଣନୀତି

ପ୍ରାୟ ବର୍ଷେକାଳ ଧରି ଚାଲିଥିବା କୃଷକ ଆନ୍ଦୋଳନକୁ ବନ୍ଦ କରିବା ପାଇଁ ପରଦା ପଛରେ ରହି କେନ୍ଦ୍ର ଗୃହମନ୍ତ୍ରୀ ନିଜେ ପ୍ରସ୍ତୁତ କରୁଥିବା ରଣନୀତି ଆଧାରରେ କାର୍ଯ୍ୟ କରୁଥିଲେ।

ନୂଆଦିଲ୍ଲୀ: କେନ୍ଦ୍ରୀୟ କୃଷି ଆଇନ ବିରୁଦ୍ଧରେ ସଂଯୁକ୍ତ କିସାନ ମୋର୍ଚ୍ଚା ପକ୍ଷରୁ ଚାଲିଥିବା ୩୭୮ ଦିନିଆ ଆନ୍ଦୋଳନ ଶେଷ ହୋଇଛି। ପ୍ରାୟ ବର୍ଷେକାଳ ଧରି ଚାଲିଥିବା ଏହି ଆନ୍ଦୋଳନକୁ ଶେଷ କରିବାର କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଦ୍ୱାରା  ପ୍ରସ୍ତୁତ ରଣନୀତିକୁ ଦିଆଯାଉଛି। ନଭେମ୍ବରର ପ୍ରଥମ ସପ୍ତାହରେ, ପ୍ରଧାନମନ୍ତ୍ରୀ ମୋଦୀ ଶାହାଙ୍କୁ ଏହି ଆନ୍ଦୋଳନକୁ ସମାପ୍ତ କରିବାର ଦାୟିତ୍ୱ ଦେଇଥିଲେ। ପରଦା ପଛରୁ କେନ୍ଦ୍ରମନ୍ତ୍ରୀ ଶାହ ତାଙ୍କ ରଣନୀତି ଆଧାରରେ କାର୍ଯ୍ୟ କରୁଥିଲେ। ଜାଟ ମହାସଭାର ସାଧାରଣ ସମ୍ପାଦକ ଯୁଧିଷ୍ଠିର ସିଂଙ୍କ ମାଧ୍ୟମରେ ସେ ସଂଯୁକ୍ତ  କିସାନ ମୋର୍ଚ୍ଚାର ବରିଷ୍ଠ ନେତାଙ୍କ ସହ ନିରନ୍ତର ଯୋଗାଯୋଗରେ ଥିଲେ।

କେନ୍ଦ୍ରୀୟ କୃଷି ଆଇନ ପ୍ରତ୍ୟାହାର ପରେ ସରକାର ଏହି ବିବାଦର ସମାଧାନ କରିବାକୁ ଚାହୁଁଥିଲେ। ରଣନୀତି ଥିଲା ଯେ ଆନ୍ଦୋଳନ କେବଳ ଶେଷ ହେବା ଉଚିତ୍ ନୁହେଁ ବରଂ ଅସନ୍ତୁଷ୍ଟ କୃଷକ ସନ୍ତୁଷ୍ଟ ହୋଇ ଫେରିବା ଆବଶ୍ୟକ। ଏହି ପର୍ଯ୍ୟାୟରେ କ୍ଷତିପୂରଣ, ମାମଲା ପ୍ରତ୍ୟାହାର, ବିଦ୍ୟୁତ୍, ଏମଏସପି ଉପରେ ଆଇନଗତ ଗ୍ୟାରେଣ୍ଟି ଦେବା ଭଳି ପ୍ରସ୍ତାବ ଦିଆଯାଇଥିଲା। ବ୍ୟକ୍ତିଗତ ସ୍ତରରେ ଏହି ପ୍ରସ୍ତାବର ବ୍ୟବସ୍ଥା ଉପରେ କୃଷକ ସଙ୍ଗଠନ ଜଣାଇଥିବା ସମସ୍ୟାର ମଧ୍ୟ କେନ୍ଦ୍ର ଗୃହମନ୍ତ୍ରୀ ଅମିତ ଶାହା କରିଛନ୍ତି।

କେନ୍ଦ୍ରୀୟ କୃଷି ଆଇନ ବିରୁଦ୍ଧରେ ପ୍ରାୟ ବର୍ଷେକାଳ ଧରି ଚାଲିଥିବା କୃଷକ ଆନ୍ଦୋଳନକୁ ବନ୍ଦ କରିବା ପାଇଁ ପରଦା ପଛରେ ରଣନୀତି ପ୍ରସ୍ତୁତ କରିଥିଲେ କେନ୍ଦ୍ର ଗୃହମନ୍ତ୍ରୀ। ଆଉ ଏପରି କରିବାର କାରଣ ହେଉଛି ଏ ପ୍ରସଙ୍ଗରେ କୃଷକ ସଙ୍ଗଠନ ସହ କେନ୍ଦ୍ର ସରକାର ବିଭିନ୍ନ ପର୍ଯ୍ୟାୟରେ ସିଧାସଳଖ ଆଲୋଚନା କରିଥିଲେ ମଧ୍ୟ ଏହାର କୌଣସି ଫଳ ମିଳିନଥିଲା। ପ୍ରାୟ ଏକ ମାସ ଧରି ଚାଲିଥିବା ଆଲୋଚନା ପରେ ଏହି ପ୍ରସ୍ତାବ ଉପର ସହମତି ପ୍ରକାଶ ପାଇଥିଲା। ପ୍ରଥମେ ଲକ୍ଷ୍ମୀପୁର ଖେରୀ ଘଟଣାରେ ଗୃହମନ୍ତ୍ରୀ ଅଜୟ ମିଶ୍ରାଙ୍କ ଇସ୍ତଫା ଉପରେ କୃଷକ ମୋର୍ଚ୍ଚା ଜିଦ୍ ଧରିଥିଲେ। ଶନିବାର ଯେତେବେଳେ ମୋର୍ଚ୍ଚା ଏ ପ୍ରସଙ୍ଗରେ ନରମ ପଡିଯାଇଥିଲା ସେତେବେଳେ ଏହି ଆନ୍ଦୋଳନର ପରିସମାପ୍ତି ନେଇ  ବାର୍ତ୍ତା ମିଳିଥିଲା।