ପଶ୍ଚିମବଙ୍ଗ ଜନତାଙ୍କ ବିଶ୍ୱାସ ଭାଙ୍ଗି ଦେଇଛି ମମତା ସରକାର: PM Modi

କୋଲକାତା: ପଶ୍ଚିମ ବିଧାନସଭା ନିର୍ବାଚନ ୨୦୨୧ ଲାଗି ଦଳୀୟ ପ୍ରଚାର ଆରମ୍ଭ କରିଛନ୍ତି ପିଏମ ମୋଦି। ଏହିକ୍ରମରେ ମାର୍ଚ୍ଚ ୭ ତାରିଖ ରବିବାର କୋଲକାତାସ୍ଥିତ ବ୍ରିଗେଡ ପ୍ୟାରେଡ ଗ୍ରାଉଣ୍ଡ ଠାରେ ଆୟୋଜିତ ହେଉଥିବା ରାଲିକୁ ସମ୍ବୋଧିତ କରିଛନ୍ତି ପିଏମ ମୋଦି। ଏହା ହେଉଛି ତାଙ୍କର ପ୍ରଥମ ନିର୍ବାଚନୀ ରାଲି।             

କୋଲକାତା ରାଲିକୁ ସମ୍ବୋଧିତ କରି ପିଏମ କହିଛନ୍ତି ରାଜନୈତିକ ଜୀବନରେ ଅନେକ ରାଲିକୁ ସମ୍ବୋଧିତ କରିଛି। ହେଲେ ବ୍ରିଗେଡ ପ୍ୟାରେଡ ଗ୍ରାଉଣ୍ଡ ଠାରେ ଆୟୋଜିତ ହୋଇଥିବା ଏହି ରାଲିରେ ଯୋଗ ଦେଇଥିବା ଜନସମୂହଙ୍କ ଆଶୀର୍ବାଦ ମୋତେ ମିଳିନାହିଁ। ଏହି ଗ୍ରାଉଣ୍ଡ ଅନେକ ଦେଶଭକ୍ତଙ୍କୁ ଦେଖିଛି। ଅନ୍ୟପଟେ ରାଜ୍ୟର ବିକାଶରେ ବାଧକ ସାଜୁଥିବା ତତ୍ତ୍ୱଙ୍କ ସାକ୍ଷୀ ପାଲିଟିଛି। ଏଠାରୁ ରାଜ୍ୟକୁ ବନ୍ଦ କିମ୍ବା ଆନ୍ଦୋଳନ ମଧ୍ୟରେ ରଖିବା ପାଇଁ ଏଠାରୁ ଷଡଯନ୍ତ୍ର ହୋଇଥିଲା। 

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଟାର୍ଗେଟ କରି ପିଏମ ମୋଦି ପଶ୍ଚିମବଙ୍ଗରେ ପରିବର୍ତ୍ତନ ଆଣିବା ଲାଗି ମମତା ବାନାର୍ଜୀଙ୍କ ଉପରେ ବିଶ୍ୱାସ କରିଥିଲେ ହେଲେ ସେ ଜନତାଙ୍କ ବିଶ୍ୱାସ ଭାଙ୍ଗି ଦେଇଛନ୍ତି। ଏହି ଲୋକ ପଶ୍ଚିମବଙ୍ଗକୁ ଅପମାନିତ କରିଛନ୍ତି। 

ଏଥରର ନିର୍ବାଚନରେ ଗୋଟିଏ ପଟେ ଟିଏମସି ସହ କଂଗ୍ରେସ-ବାମପନ୍ଥୀ ମେଣ୍ଟ ରହିଛି ଯେଉଁମାନଙ୍କ ଆଭିମୁଖ୍ୟ ପଶ୍ଚିମବଙ୍ଗ ବିରୋଧି ରହିଛି। ଅନ୍ୟ ପଟେ ପଶ୍ଚିମବଙ୍ଗ ଜନତା ପରିବର୍ତ୍ତନ ପାଇଁ ଅଣ୍ଟା ଭିଡି ଆଗକୁ ବାହାରିଛନ୍ତି। ଆଜି ବ୍ରିଗେଡ ଗ୍ରାଉଣ୍ଡରେ ସମବେତ ହୋଇଥିବା ଜନତାଙ୍କ ହୁଙ୍କାର ଶୁଣିବା ପରେ ଆଉ କାହାର କୌଣସି ସନ୍ଦେହ ନାହିଁ। କିଛି ଲୋକଙ୍କୁ ଆଜିର ଦିନ ମେ ୨ ତାରିଖ ଭଳି ଲାଗୁଛି। ଭାରତ ମାତା ଆଶୀର୍ବାଦରୁ ସୁନାର ବଙ୍ଗଳା ସ୍ୱପ୍ନ ପୂରଣ ହେବ।    

ଆଗାମୀ ୫ ବର୍ଷରେ ହେବାକୁ ଥିବା ବିକାଶ ଆଗାମୀ ୨୫ ବର୍ଷ ଲାଗି ଆଧାର ହେବ। ଆଉ ୨୫ ବର୍ଷ ପରେ ଦେଶ ଯେତେବେଳେ ସ୍ୱାଧିନତାର ୧୦୦ ବର୍ଷ ପୂର୍ତ୍ତି ପାଳନ କରିବ ସେତେବେଳେ ସେହି ବଙ୍ଗଳା ନିର୍ମିତ ହୋଇଥିବ ଯିଏ ଭାରତର ନେତୃତ୍ୱ ପୁଣି ନେଉଥିବ। ମୁଁ ଆପଣଙ୍କୁ ଭରସା ଦେଉଛି ଆମେ କୃଷକ, ବ୍ୟବସାୟୀ, ମହିଳାଙ୍କ ବିକାଶ ପାଇଁ କଠୋର ପରିଶ୍ରମ କରିବୁ।  

ଆପଣ ଭଲଭାବେ ଜାଣିଛନ୍ତି ଗଣତାନ୍ତ୍ରିକ ବ୍ୟବସ୍ଥାକୁ କିପରି ନଷ୍ଟ କରାଯାଇଥିଲା। ହେଲେ ବିଜେପି ଲୋକତାନ୍ତ୍ରିକ ବ୍ୟବସ୍ଥାକୁ ମଜବୁତ କରିବ। ଆମ ସରକାରକ ପୋଲିସ ପ୍ରଶାସନ ପ୍ରତି ଜନତାଙ୍କର ବିଶ୍ୱାସ ସୃଷ୍ଚି କରିବ। କୋଲକାତା ଠାରେ ଥିବା ଐତିହ୍ୟର ଉନ୍ନତି ପାଇଁ କେନ୍ଦ୍ରରେ କ୍ଷମତାସୀନ ବିଜେପି ସରକାର ଅନେକ ଉଦ୍ୟମ କରିଛନ୍ତି। 

ରାଜ୍ୟରେ ବିଜେପି ସରକାର କ୍ଷମତାସୀନ ହେବା ପରେ ପରୀକ୍ଷା, ପ୍ରଶିକ୍ଷଣ, ନିଯୁକ୍ତି ପ୍ରକ୍ରିୟାରେ ଏକ ପରଦର୍ଶୀ ବ୍ୟବସ୍ଥା କାର୍ଯ୍ୟକାରୀ କରାଯିବ। ଏଠାରେ ନୂଆ ଶିକ୍ଷା ନୀତିକୁ ସଶକ୍ତ କରାଯିବ। ଇଞ୍ଜିନିୟରିଂ, ମେଡିକାଲ, ଯାନ୍ତ୍ରିକ ଶିକ୍ଷା ପାଠପଢା ବଙ୍ଗଳା ଭାଷାରେ କରାଯିବ। 

ମମତା ବାନାର୍ଜୀଙ୍କ ବିରୁଦ୍ଧରେ ଆସିଥିବା ପରିବାରବାଦ ଅଭିଯୋଗ ଉପରେ ଜବାବ ରଖି ସେ କହିଛନ୍ତି ପଶ୍ଚିମବଙ୍ଗ ଜନତା ଦିଦିଙ୍କୁ ବାଛିଥିଲେ ହେଲେ ସେ ଜଣେ  ପୁତୁରାର ପିଉସୀ ହୋଇ ରହିଗଲେ। ହେଲେ ଦିଦି ନା ନାଁ ନିଜେ କାମ କରୁଛନ୍ତି ନାଁ କାହାକୁ କରିବାକୁ ଦେଉଛନ୍ତି।