ମୋଦି ଫୋବିଆ ରୋଗରେ ଆକ୍ରାନ୍ତ ହୋଇଛନ୍ତି ରାହୁଲ ଗାନ୍ଧୀ: ଅମିତ ଶାହ

କଂଗ୍ରେସ ନେତା ରାହୁଲ ଗାନ୍ଧୀଙ୍କ ବିରୋଧରେ ଜୋରଦାର ବର୍ଷିଛନ୍ତି କେନ୍ଦ୍ରମନ୍ତ୍ରୀ ଅମିତ ଶାହ।

ପାଣାଜୀ: ଚଳିତ ବର୍ଷ ଅନୁଷ୍ଠିତ ହେଉଥିବା ଗୋଆ ବିଧାନସଭା ନିର୍ବାଚନ ଲାଗି ପ୍ରଚାର ଆରମ୍ଭ କରିଛି ବିଜେପି। ଏହି କ୍ରମରେ ଦଳର ବରିଷ୍ଠ ନେତା ତଥା କେନ୍ଦ୍ରମନ୍ତ୍ରୀ ଅମିତ ଶାହ ଗତ ରବିବାର ଦିନିକିଆ ଗୋଆ ଗସ୍ତରେ ଯାଇ ଦଳୀୟ ପ୍ରଚାର ଅଭିଯାନରେ ସାମିଲ ହୋଇଛନ୍ତି।

ଗୋଆ ଗସ୍ତ ଅବସରରେ କେନ୍ଦ୍ରମନ୍ତ୍ରୀ ଅମିତ ଶାହ ନିର୍ବାଚନୀ ସଭାକୁ ସମ୍ବୋଧିତ କରିବା ସହ ଘର ଘର ବୁଲି ଦଳୀୟ ପ୍ରଚାର କରିଛନ୍ତି। ଏହି ଅବସରରେ ସେ ବିରୋଧି କଂଗ୍ରେସ ନେତା ରାହୁଲ ଗାନ୍ଧୀଙ୍କ ବିରୋଧରେ ଜୋରଦାର ବର୍ଷିଥିଲେ। ଏନେଇ କେନ୍ଦ୍ରମନ୍ତ୍ରୀ କହିଥିଲେ ସେ ମୋଦି  ଫୋବିଆ ରୋଗରେ ଆକ୍ରାନ୍ତ ହୋଇଛନ୍ତି।  

ଗୋଆ ଲୋକଙ୍କୁ ବିଜେପି 'ସୁବର୍ଣ୍ଣ ଗୋଆ' (BJP Golden Goa) ଏବଂ କଂଗ୍ରେସର 'ଗାନ୍ଧୀ ପରିବାର ଗୋଆ' (Gandhi Family Goa) ମଧ୍ୟରେ କୌଣସି ଗୋଟିଏକୁ ବାଛିବାକୁ ହେବ।  କେନ୍ଦ୍ରରେ କ୍ଷମତାସୀନ ମୋଦି ସରକାରଙ୍କ ପ୍ରାଥମିକତା ହେଉଛି ଛୋଟ ରାଜ୍ୟର ବିକାଶ। ସ୍ଥିରତା ଥିବାବେଳେ ହିଁ ବିକାଶ ହୋଇପାରେ ବୋଲି କହିଛନ୍ତି କେନ୍ଦ୍ରମନ୍ତ୍ରୀ।