ଜୟପୁର: ରାଜସ୍ଥାନ କଂଗ୍ରେସରେ ଗୋଷ୍ଠୀ କନ୍ଦଳ ଥମିବାର ନାଁ ନେଉନାହିଁ । ମୁଖ୍ୟମନ୍ତ୍ରୀ ଅଶୋକ ଗେହଲଟ୍ (Ashok Gehlot) କ୍ୟାବିନେଟ୍ ବିସ୍ତାର କରିବା ଓ ରାଜନୈତିକ ନିଯୁକ୍ତି କରିବାକୁ ପ୍ରସ୍ତୁତ ନୁହଁନ୍ତି । କ୍ୟାବିନେଟ ସମ୍ପ୍ରସାରଣ ତଥା ସରକାରରେ ରାଜନୈତିକ ନିଯୁକ୍ତି କରିବାକୁ ନେଇ ଗେହଲଟଙ୍କ ସମ୍ମୁଖରେ କଂଗ୍ରେସ ହାଇକମାଣ୍ଡ (Congress high command) ମଧ୍ୟ ଅସହାୟ ହୋଇପଡିଛନ୍ତି । କଂଗ୍ରେସର ଜାତୀୟ ସାଧାରଣ ସମ୍ପାଦକ ଅଜୟ ମାକନ (Ajay Maken) ଙ୍କ କ୍ରମାଗତ ଚାପ ସତ୍ତ୍ୱେ ଗେହଲଟ୍ ବର୍ତ୍ତମାନ କ୍ୟାବିନେଟକୁ ବିସ୍ତାର କରିବାକୁ ଓ ରାଜନୈତିକ ନିଯୁକ୍ତି କରିବାକୁ ଚାହୁଁନାହାଁନ୍ତି । ଦୁଇ ମାସ ପୂର୍ବରୁ  ଜାନୁଆରୀ ୩୧ ସୁଦ୍ଧା ସରକାରରେ ରାଜନୈତିକ ନିଯୁକ୍ତିର କାର୍ଯ୍ୟ ସମାପ୍ତ କରିବା କଥା ମାକନ୍ କହିଥିଲେ । ଏହି ପରିପ୍ରେକ୍ଷୀରେ ସେ ସିଏମ ଗେହଲଟଙ୍କୁ ହାଇକମାଣ୍ଡର ଉଦ୍ଦେଶ୍ୟକୁ ମଧ୍ୟ କହିଥିଲେ । ବିଦ୍ରୋହ ପରେ ଫେରିଥିବା ସଚିନ ପାଇଲଟ କ୍ୟାମ୍ପର ଦୁଇରୁ ତିନି ଜଣ ବିଧାୟକଙ୍କୁ ମନ୍ତ୍ରୀ କରିବାର ବାର୍ତ୍ତା ଗେହଲଟ ନିକଟକୁ ପହଞ୍ଚାଯାଇଥିଲା । କିନ୍ତୁ ସେ ବର୍ତ୍ତମାନ ଏପରି କରିବାକୁ ମନା କରି ଦେଇଛନ୍ତି ।


COMMERCIAL BREAK
SCROLL TO CONTINUE READING

ଅଧିକ ପଢ଼ନ୍ତୁ:-ଗେହଲଟ ବନାମ ପାଇଲଟ: ରାଜସ୍ଥାନ କଂଗ୍ରେସରେ ଝଡ଼ ପୂର୍ବର ନୀରବତା!


ଗେହଲଟ୍ ଯୁକ୍ତି କରିଛନ୍ତି ଯେ ବିଧାନସଭାର ବଜେଟ୍ ଅଧିବେଶନ ଫେବୃଆରୀ ୧୦ରୁ ଆରମ୍ଭ ହେବ ଏବଂ ତା’ପରେ ଚାରିଟି ବିଧାନସଭା ଆସନରେ ଉପ-ନିର୍ବାଚନ ଅନୁଷ୍ଠିତ ହେବ । ଏଭଳି ପରିସ୍ଥିତିରେ କ୍ୟାବିନେଟର ସମ୍ପ୍ରସାରଣ ଓ ରାଜନୈତିକ ନିଯୁକ୍ତି ହେତୁ କ୍ଷତି ହୋଇପାରେ । ଗେହଲଟଙ୍କୁ ହାଇକମାଣ୍ଡଙ୍କ ଉଦ୍ଦେଶ୍ୟ ପୂରଣ ନକରିବାରୁ ମାକନ୍ ମଙ୍ଗଳବାର ରାତିରେ ଜୟପୁର ଆସି ପ୍ରାୟ ତିନି ଘଣ୍ଟା ଧରି ଏକାକୀ ସିଏମଙ୍କ ସହ କଥା ହୋଇଥିଲେ । ବୁଧବାର ଦୁହେଁ ପୁଣି ଆଲୋଚନା କରିଛନ୍ତି, କିନ୍ତୁ ଗେହଲଟ୍ ଜିଦରେ ଅଟଳ ଅଛନ୍ତି । 


ଅଧିକ ପଢ଼ନ୍ତୁ:-ଚୀନର ରହସ୍ୟମୟ ୱୁହାନ ଲ୍ୟାବରୁ ବ୍ୟାପିଛି କୋରୋନା ଭୂତାଣୁ? WHO ର ଅନୁସନ୍ଧାନକାରୀ ଦଳ ଦେଲା ଗୁରୁତ୍ୱପୂର୍ଣ୍ଣ ସୂଚନା


ସୂଚନାନୁସାରେ, ଏହି ବୈଠକରେ ମାକନ୍ ଗେହଲଟଙ୍କୁ ନିଜ ଦ୍ୱାରା ସାର୍ବଜନୀନ ଭାବେ ଜାନୁଆରୀ ୩୧ ପର୍ଯ୍ୟନ୍ତ ରାଜନୈତିକ ନିଯୁକ୍ତି କାର୍ଯ୍ୟ ଶେଷ କରିବାକୁ ନେଇ ଦିଆଯାଇଥିବା ବୟାନ ଓ ପାଇଲଟଙ୍କୁ ଦିଆଯାଇଥିବା ଆଶ୍ୱସନାକୁ ମଧ୍ୟ ଦୋହରାଇଥିଲେ କିନ୍ତୁ ସିଏମ୍ ଗ୍ରହଣ କରିନଥିଲେ । ଗେହଲଟ୍ ରାଜି ନହେବାକୁ ଦେଖି ମାକନ ପାଇଲଟଙ୍କୁ ଭେଟିବାକୁ ଯାଇଛନ୍ତି ।


ଅଧିକ ପଢ଼ନ୍ତୁ:-ସାବଧାନ! ପ୍ରଦର୍ଶନକାରୀଙ୍କୁ ମିଳିବ ନାହିଁ ସରକାରୀ ଚାକିରି, ଏହି ରାଜ୍ୟ ସରକାରଙ୍କ ନୂଆ ଆଦେଶ


ସୂଚନାନୁସାରେ, ଏହି ସମୟ ମଧ୍ୟରେ ସଚିନ ପାଇଲଟ (Sachin Pilot) ମାକନଙ୍କୁ କହିଛନ୍ତି ଯେ ସେ ଆଉ ଅଧିକ ସମୟ ପର୍ଯ୍ୟନ୍ତ ସଂଯମତା ରକ୍ଷା କରିପାରିବେ ନାହିଁ । ଦୁଇରୁ ତିନି ମାସ ମଧ୍ୟରେ ତାଙ୍କ ସମର୍ଥକଙ୍କୁ କ୍ଷମତା ପ୍ରଦାନ କରିବାକୁ ହାଇକମାଣ୍ଡ ପ୍ରତିଶୃତି ଦେଇଥିଲେ । ପାଇଲଟ୍ ମାକନଙ୍କୁ ମଧ୍ୟ କହିଛନ୍ତି ଯେ ବର୍ତ୍ତମାନ ସେ ବିଧାୟକ ତଥା ତାଙ୍କ ଶିବିରର ନେତାମାନଙ୍କୁ ଦୀର୍ଘ ସମୟ ପର୍ଯ୍ୟନ୍ତ ସଂଯମତା ରକ୍ଷା କରିବା କଥା କହିପାରିବେ ନାହିଁ । ପାଇଲଟ୍ ମାକନଙ୍କୁ ତାଙ୍କ ଦ୍ୱାରା ଦିଆଯାଇଥିବା ପ୍ରତିଶ୍ରୁତିକୁ ମଧ୍ୟ ମନେ ପକାଇଦେଇଛନ୍ତି, କିନ୍ତୁ ମାକନ ଏହି ସମୟରେ ସମ୍ପୂର୍ଣ୍ଣ ଅସହାୟ ଦେଖାଯାଏ ।


ଅଧିକ ପଢ଼ନ୍ତୁ:-LIC ର ଅଂଶ ବିକ୍ରି କରୁଛନ୍ତି ମୋଦି ସରକାର, ଜାଣନ୍ତୁ ପଲିସି ଧାରକଙ୍କ ଉପରେ କ’ଣ ପଡ଼ିବ ପ୍ରଭାବ?


ଅନ୍ୟପକ୍ଷରେ ସିଏମଙ୍କ ଉଦ୍ଦେଶ୍ୟକୁ ଦୃଷ୍ଟିରେ ରଖି ମାକନ ଗଣମାଧ୍ୟମ ସହ କଥା ହୋଇ କହିଛନ୍ତି ଯେ ବିଧାନସଭାର ବଜେଟ ଅଧିବେଶନ ଯୋଗୁଁ କ୍ୟାବିନେଟ ବିସ୍ତାର କିମ୍ବା ବଡ ରାଜନୈତିକ ନିଯୁକ୍ତି ହୋଇପାରିବ ନାହିଁ । ବଜେଟ୍ ଅଧିବେଶନ ମାର୍ଚ୍ଚ ୧୫ ପର୍ଯ୍ୟନ୍ତ ଚାଲିବ । ଯଦିଓ ବିଭାଗ, ଜିଲ୍ଲା ଏବଂ ବ୍ଲକ ସ୍ତରରେ ନିଯୁକ୍ତି ଦିଆଯିବ । ସେ କହିଛନ୍ତି ଯେ ଆମର ପ୍ରୟାସ ହେଉଛି ଫେବୃଆରୀ ୧୫ରୁ ୨୦ ମଧ୍ୟରେ ଏହି ନିଯୁକ୍ତି ହୋଇଯାଉ ।