ଆମକୁ ଦେଶ ଏବଂ ଧର୍ମ ରକ୍ଷା କରିବାକୁ ହେବ: ଶଫିକୁର୍ର ରହମାନ ବର୍କ

Samajwadi Party MP Shafiqur Rahman Barq: ପୁଣି ଥରେ ନିଜର ବୟାନ ପାଇଁ ଚର୍ଚ୍ଚାର ପରିସରକୁ ଆସିଛନ୍ତି ଉତ୍ତର ପ୍ରଦେଶ ସମ୍ଭଲ ଲୋକସଭା ଆସନର ସମାଜବାଦୀ ପାର୍ଟି ସାଂସଦ ଶଫିକୁର୍ର ରହମାନ ବର୍କ। ଏନେଇ ସେ କହିଛନ୍ତି ଆମ ସହ ଯେଉଁ ଅତ୍ୟାଚାର କରାଯାଉଛି ତାହାକୁ ନେଇ ସମସ୍ତେ ଚିନ୍ତିତ। ଆମକୁ ଆମ ଦେଶ ତଥା ସମ୍ପ୍ରଦାୟ ବଞ୍ଚାଇବାକୁ ହେବ। ବର୍ତ୍ତମାନର ପରିବେଶ ଯାହା ହେଉ, ତାହା ଉପରେ କିଛି ପ୍ରୟୋଗ କରାଯିବା ଆବଶ୍ୟକ। ଏହା କେବଳ ମଞ୍ଚରେ ହୋଇପାରିବ ନାହିଁ। 

ଏକ କାର୍ଯ୍ୟକ୍ରମକୁ ସମ୍ବୋଧିତ କରି ସେ କହିଛନ୍ତି ଏଠାକୁ ଆସିଥିବା ଲୋକଙ୍କୁ ଧନ୍ୟବାଦ ଦେଉଛି। ନିଜର ଗନ୍ତବ୍ୟ ସ୍ଥଳକୁ ସ୍ଥିର କରିବାକୁ ଆମକୁ ବହୁତ ସମୟ ଲାଗିଛି। ବର୍ତ୍ତମାନ ପରିବେଶ ଯାହା ହେଉ ତାହା ଉପରେ କିଛି ପ୍ରୟୋଗ କରାଯିବା ଆବଶ୍ୟକ।

କେନ୍ଦ୍ରରେ କ୍ଷମତାସୀନ ବିଜେପି ସରକାର ବିରୋଧରେ ବର୍ଷି ଉତ୍ତର ପ୍ରଦେଶ ସମ୍ଭଲ ଲୋକସଭା ଆସନର ସମାଜବାଦୀ ପାର୍ଟି ସାଂସଦ ଶଫିକୁର୍ର ରହମାନ ବର୍କ କହିଛନ୍ତି ମୋଦି ସାହେବ ମୁସଲମାନ ଏବଂ ପଛୁଆ ଲୋକଙ୍କ ପାଇଁ କ'ଣ କରିଛନ୍ତି। ବର୍ତ୍ତମାନ ପର୍ଯ୍ୟନ୍ତ ସେମାନେ ଏପରି କିଛି କରିନାହାଁନ୍ତି ଯାହାକୁ ନେଇ ଆମେ ସମସ୍ତେ ଶାନ୍ତିରେ ବଞ୍ଚିପାରିବା। ପରିସ୍ଥିତିକୁ ପରିବର୍ତ୍ତନ କରିବା ପାଇଁ ଏକାଠି ହୁଅନ୍ତୁ। କଠିନ ସମୟରେ ମୁସଲମାନ ବହୁତ ଶାନ୍ତିର ସହିତ ଏହି ପରିସ୍ଥିତିକୁ ଭଲ ଭାବରେ ବ୍ୟବହାର କରିଛନ୍ତି। ମୁଁ ଦେଶର ଶାସକଙ୍କୁ ଏହା କହିବାକୁ ଚାହୁଁଛି ଆମର କ୍ଷତ ଖୋଳନ୍ତୁ ନାହିଁ। ଆପଣଙ୍କ ନାମ ଆମ ନାମରେ ଜଣାଶୁଣା। 

ସଦ୍ୟ ଜ୍ଞାନବ୍ୟାପୀ ମସଜିଦ ପ୍ରସଙ୍ଗରେ ପ୍ରତିକ୍ରିୟା ରଖି  ଶଫିକୁର୍ର ରହମାନ ବର୍କ କହିଥିଲେ ଆମ ଠାରୁ କେହି ମସଜିଦ ଛଡ଼ାଇ ପାରିବେ ନାହିଁ। ଏଥିପାଇଁ ଆମକୁ ଯେଉଁ ବଳିଦାନ ଦେବାକୁ ପଡ଼ିବ ତାହା ଆମେ ଦେବାକୁ ପ୍ରସ୍ତୁତ। ମୃତ୍ୟୁ ପର୍ଯ୍ୟନ୍ତ ଆମେ ଜ୍ଞାନବ୍ୟାପୀ ମସଜିଦ ଛାଡି଼ବୁ ନାହିଁ। ମୁସଲମାନଙ୍କ ଠାରୁ ଜ୍ଞାନବ୍ୟାପୀ ମସଜିଦ କେହି ନେଇ ପାରିବେ ନାହିଁ। ଯଦିଓ ଅଯୋଧ୍ୟା ଠାରେ ରାମ ମନ୍ଦିର ନିର୍ମାଣ କରାଯାଉଛି ହେଲେ ସେଠାରେ ଏକ ମସଜିଦ ରହିଛି। ବଳପୂର୍ବକ ରାମ ମନ୍ଦିର ନିର୍ମାଣ କରାଯାଉଛି। ମୁସଲମାନଙ୍କୁ ଟାର୍ଗେଟ କରାଯିବା ମସଜିଦ ଉପରେ ଆକ୍ରମଣ କରାଯାଉଛି। ସରକାରା ଏପରି ପରିଚାଳିତ ହୋଇନଥାଏ। ସରକାର ସଚ୍ଚୋଟତାର ସହ ଆଇନ ପାଳନ କରିବା ଆବଶ୍ୟକ। ରାଜ୍ୟରେ ଆଇନର ଶାସନ ନାହିଁ। ରାଜ୍ୟକୁ ବୁଲଡୋଜର ଶାସନ କରୁଛି। ଆସନ୍ତା ୨୦୨୪ ଲୋକସଭା ନିର୍ବାଚନ ଲାଗି ଏଭଳି ପରିସ୍ଥିତି ସୃଷ୍ଟି କରାଯାଉଛି। ଯଦି ଇତିହାସ ଉପରେ ଅନୁଧ୍ୟାନ କରାଯାଏ ତାହେଲେ ଜ୍ଞାନବ୍ୟାପୀ ମସଜିଦ ପରିସରରେ କୌଣସି ଶିବଲିଙ୍ଗ ନ ଥିଲା।