IND vs NZ: ଭାରତ ପାଇଁ ୧୫୦ ରନ୍ ଟାର୍ଗେଟ୍ ମଧ୍ୟ ପଡିପାରେ ଭାରୀ, ଜାଣନ୍ତୁ ୱାନ୍ଖେଡେର କ`ଣ କହୁଛି ରେକର୍ଡ?
India vs New Zealand 3rd Test: ନ୍ୟୁଜିଲାଣ୍ଡ ବିପକ୍ଷରେ ଜିତିବାକୁ ଭାରତୀୟ ଦଳକୁ ୱାନଖେଡେରେ ସବୁଠାରୁ ସଫଳ ରନ୍ ଚେଜ୍ ହୋଇଥିବା ରେକର୍ଡ ଭାଙ୍ଗିବାକୁ ପଡ଼ିବ। ଦ୍ୱିତୀୟ ଇନିଂସରେ ନ୍ୟୁଜିଲ୍ୟାଣ୍ଡ ୧୪୩ ରନର ଅଗ୍ରଣୀ ହାସଲ କରିଛି। ଜାଣନ୍ତୁ ୱାନ୍ଖେଡେର କ`ଣ କହୁଛି ରେକର୍ଡ।
India vs New Zealand 3rd Test: ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଉଥିବା ତୃତୀୟ ମ୍ୟାଚ୍ ଏକ ରୋମାଞ୍ଚକର ମୋଡ଼ରେ ପହଞ୍ଚିଛି। ଫଳାଫଳ ମ୍ୟାଚର ତୃତୀୟ ଦିନରେ ଆସିପାରେ ବୋଲି ଆଶା କରାଯାଉଛି। ୱାନଖେଡେ ଟର୍ନିଂ ପିଚ୍ରେ ଭାରତ ଏବଂ ନ୍ୟୁଜିଲ୍ୟାଣ୍ଡର ବ୍ୟାଟ୍ସମ୍ୟାନଙ୍କ ପାଇଁ ଶନିବାର ଏକ କଷ୍ଟଦାୟକ ଦିନ ଥିଲା, ଯେଉଁଠାରେ ଅନ୍ତିମ ଟେଷ୍ଟ ମ୍ୟାଚର ଦ୍ୱିତୀୟ ଦିନରେ ଭାରତର ୨୬୩ ରନ୍ ଜବାବରେ ଭ୍ରମଣକାରୀ ଦଳ ନଅ ୱିକେଟ୍ ହରାଇ ୧୭୧ ରନ୍ ସଂଗ୍ରହ କରିଛି।
ଭ୍ରମଣକାରୀ ଦଳର ଅଗ୍ରଣୀ ୧୪୩ ରନ୍ ହୋଇସାରିଛି ଏବଂ କିୱି ଦଳର ଶେଷ ଯୋଡି ଅପରାଜିତ ରହିଛି। ଏହି ପିଚ୍ ରେ କିୱି ଖେଳାଳି ବୋର୍ଡରେ କମ୍ ରନ୍ ସ୍କୋର କରିଥାଇ ପାରନ୍ତି କିନ୍ତୁ ପ୍ରାୟ ୧୫୦ ର ଲକ୍ଷ୍ୟ ହାସଲ କରିବାକୁ ଭାରତ ମଧ୍ୟ ସଂଘର୍ଷ କରିବ।
ୱାନଖେଡେ ଷ୍ଟାଡିୟମରେ ଦ୍ୱିତୀୟ ଦିନର ଖେଳ ସମୟରେ ପିଚ୍ରେ ଅନେକ ଟର୍ନ ଦେଖିବାକୁ ମିଳିଥିଲା, ତେଣୁ ତୃତୀୟ ଦିନରେ ଭାରତୀୟ ବ୍ୟାଟ୍ସମ୍ୟଙ୍କ ସମସ୍ୟା ବଢ଼ିବାକୁ ଯାଉଛି। ୨୦୦୦ ରେ ୱାନଖଡେରେ ହୋଇଥିବା ଏକ ଟେଷ୍ଟ ମ୍ୟାଚର ଚତୁର୍ଥ ଇନିଂସରେ ଦକ୍ଷିଣ ଆଫ୍ରିକା ପିଛାକରି ସବୁଠାରୁ ବଡ ଲକ୍ଷ୍ୟ ହାସଲ କରିଥିଲା। ହାନସି କ୍ରୋଞ୍ଜେଙ୍କ ନେତୃତ୍ୱରେ ଦକ୍ଷିଣ ଆଫ୍ରିକା ସଫଳତାର ସହ ୧୬୩ ରନ୍ ପିଛାକରି ହାସଲ କରିଥିଲା। ସଚିନ ତେନ୍ଦୁଲକରଙ୍କ ଭାରତୀୟ ଦଳ ବିପକ୍ଷ ମ୍ୟାଚର ଶେଷ ଇନିଂସରେ ଆଫ୍ରିକା ୧୬୪ ରନ୍ ସଂଗ୍ରହ କରିଥିଲା। ୧୯୮୦ ରେ ଇଂଲଣ୍ଡ ଭାରତ ବିପକ୍ଷରେ ୯୬ ରନ୍ ଲକ୍ଷ୍ୟ ହାସଲ କରିଥିଲା।
ଯଦିଓ ଭାରତ ୧୫୦ କିମ୍ବା ତା’ଠାରୁ ଅଧିକ ଟାର୍ଗେଟ ପାଇବାର ସମ୍ଭାବନା ଅଛି, ଯଦି ଭାରତ ଏହି ଲକ୍ଷ୍ୟ ହାସଲ କରେ ତେବେ ଏହା ଏହି ଗ୍ରାଉଣ୍ଡରେ ଏକ ରେକର୍ଡ କରିବ। ୱାନ୍ଖଡେରେ ଦ୍ୱିତୀୟ ଦିନର ଖେଳ ଉପରେ ବୋଲରମାନେ ପ୍ରାଧାନ୍ୟ ବିସ୍ତାର କରିଥିଲେ, ଯେଉଁଠାରେ କିୱି ବୋଲରମାନେ ୬ ଭାରତୀୟ ୱିକେଟ୍ ନେଇଥିବାବେଳେ ଭାରତୀୟମାନେ ମଧ୍ୟ ନଅ ଜଣ ଭ୍ରମଣକାରୀ ବ୍ୟାଟ୍ସମ୍ୟାନ୍ଙ୍କୁ ପାଭିଲିୟନକୁ ରାସ୍ତା ଦେଖାଇଥିଲେ। ଭାରତ ଖୁବ୍ ଶୀଘ୍ର ନ୍ୟୁଜିଲ୍ୟାଣ୍ଡର ଶେଷ ୱିକେଟ୍ ନେବାକୁ ଚେଷ୍ଟା କରିବ, ଏହା ପରେ ପିଚ୍ କୁ ଦୃଷ୍ଟିରେ ରଖି ଭାରତକୁ ଲକ୍ଷ୍ୟ ହାସଲ କରିବା ସହଜ ମନେ ହେଉନାହିଁ କାରଣ ଚତୁର୍ଥ ଇନିଂସରେ ଏହି ଚମତ୍କାର କେବଳ ଥରୁଟିଏ ଘଟିଛି।