India vs South Africa Test Series: ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ODI ସିରିଜ ଶେଷ ହେବା ପରେ ଏବେ କ୍ରିକେଟ୍ ପ୍ରଶଂସକଙ୍କ ଆଖି ଟେଷ୍ଟ ସିରିଜ ଉପରେ ରହିଛି । ODI ସିରିଜରେ ଦକ୍ଷିଣ ଆଫ୍ରିକାକୁ ୨-୧ ରେ ପରାସ୍ତ କରି ଭାରତ ଏହି ସିରିଜକୁ କବଜା କରିଛି । ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଟି-୨୦ ସିରିଜ୍ ଟାଇ ହୋଇଥିଲା । ଏବେ ଉଭୟଙ୍କ ମଧ୍ୟରେ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ହେବାକୁ ଯାଉଛି । ଏହି ସିରିଜ୍ ପୂର୍ବରୁ ଭାରତୀୟ ଦଳ ସମ୍ପୂର୍ଣ୍ଣ ଭାବେ ବଦଳି ଯାଇଛି । ୨ ଖେଳାଳିଙ୍କ ବ୍ୟତୀତ ସମଗ୍ର ଭାରତୀୟ ଦଳ ଟେଷ୍ଟ ସିରିଜ ପୂର୍ବରୁ ଘରକୁ ଫେରିବେ । ଆସନ୍ତୁ କହୁଛଉ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜ ପୂର୍ବରୁ କେଉଁ କେଉଁ ଖେଳାଳି ଘରକୁ ଫେରିବେ ।


COMMERCIAL BREAK
SCROLL TO CONTINUE READING

ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ହେବାକୁଥିବା ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍ ୨୬ ଡିସେମ୍ବରରୁ ୩୦ ଡିସେମ୍ବର ମଧ୍ୟରେ ଖେଳାଯିବ । ୨୦୨୫ ମସିହାରେ ଅନୁଷ୍ଠିତ ହେବାକୁ ଥିବା ବିଶ୍ୱ ଟେଷ୍ଟ ଚାମ୍ପିଅନସିପ୍ ଦୃଷ୍ଟିକୋଣରୁ ଏହି ସିରିଜ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି । ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ପଏଣ୍ଟ ଟେବୁଲରେ ଶୀର୍ଷ ୨ ଥିବା ଦଳଗୁଡ଼ିକ କେବଳ WTC ର ଫାଇନାଲ ଖେଳିବାକୁ ସକ୍ଷମ ହେବେ । ଏଭଳି ପରିସ୍ଥିତିରେ ସମସ୍ତ ଦଳ ପଏଣ୍ଟ ଟେବୁଲରେ ଟପ୍-୨ ରେ ରହିବାକୁ ଚେଷ୍ଟା କରୁଛନ୍ତି । କହିରଖୁଛୁ ଯେ ODI ସିରିଜରେ ଭାରତୀୟ ଦଳର ଦଳରୁ ମାତ୍ର ୨ ଖେଳାଳି ଅଛନ୍ତି, ଯେଉଁମାନେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜର ଏକ ଅଂଶ ହେବାକୁ ଯାଉଛନ୍ତି । ଏହି ଦୁଇ ଖେଳାଳି ହେଉଛନ୍ତି ଷ୍ଟାର ବ୍ୟାଟ୍ସମ୍ୟାନ୍ କେ.ଏଲ୍ ରାହୁଲ ଓ ଦ୍ରୁତ ବୋଲର ମୁକେଶ କୁମାର । ଏହି ଦୁଇ ଖେଳାଳିଙ୍କ ବ୍ୟତୀତ ଅନ୍ୟ ସମସ୍ତ ଖେଳାଳିଙ୍କୁ ଘରକୁ ଫେରିବାକୁ ପଡ଼ିବ ।


ଟିମକୁ ଫେରିବେ କୋହଲି ଓ ରୋହିତ
ଭାରତର ଭେଟେରାନ ଖେଳାଳି ବିରାଟ କୋହଲି ଓ ରୋହିତ ଶର୍ମା ମଧ୍ୟ ଟେଷ୍ଟ ସିରିଜରେ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି । ଏଭଳି ପରିସ୍ଥିତିରେ ପ୍ରଶଂସକମାନେ ମଧ୍ୟ ଉତ୍ସାହର ସହ ଟେଷ୍ଟ ସିରିଜକୁ ଅପେକ୍ଷା କରିଛନ୍ତି । ଆଇସିସି ବିଶ୍ୱକପ୍‌ର ଫାଇନାଲ ମ୍ୟାଚ୍ ପରେ ଏହା ପ୍ରଥମ ଥର ହେବ ଯେତେବେଳେ ରୋହିତ ଶର୍ମା ଓ ବିରାଟ କୋହଲିଙ୍କୁ ମ୍ୟାଚ୍ ଖେଳୁଥିବା ଦେଖିବାକୁ ମିଳିବ । ଏହା ବ୍ୟତୀତ ଜସପ୍ରୀତ ବୁମ୍ରା ଓ ରବିଚନ୍ଦ୍ରନ ଅଶ୍ୱିନଙ୍କ ପରି ଭେଟେରାନମାନେ ମଧ୍ୟ ଟେଷ୍ଟ ସିରିଜରେ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି ।


ଟେଷ୍ଟ ସିରିଜ୍ ପାଇଁ ଭାରତୀୟ ଦଳ ଦଳ 
ରୋହିତ ଶର୍ମା (ଅଧିନାୟକ), ଯଶସ୍ୱୀ ଜୈସୱାଲ, ଶୁବମନ ଗିଲ, ବିରାଟ କୋହଲି, ଶ୍ରେୟସ ଆୟର, କେ.ଏଲ୍ ରାହୁଲ (ୱିକେଟ୍ କିପର), କେ.ଏସ୍ ଭରତ (ୱିକେଟ୍ କିପର), ରବିଚନ୍ଦ୍ରନ୍ ଅଶ୍ୱିନ୍, ରବିନ୍ଦ୍ର ଜାଡେଜା, ଜସପ୍ରୀତ ବୁମରା, ମହମ୍ମଦ ସିରଜ, ମୁକେଶ କୁମାର, ପ୍ରସିଦ୍ଧ କ୍ରୀଷ୍ଣା ଓ ରୁତୁରାଜ ଗାଇକୱାଡ୍ ।