LSG vs PBKS Match Highlights: ଆଇପିଏଲ ୨୦୨୩ (IPL 2023) ର ୨୧ ତମ ମ୍ୟାଚରେ ପଞ୍ଜାବ କିଙ୍ଗସ୍ (Punjab Kings) ଲକ୍ଷ୍ନୌ ସୁପର ଜଏଣ୍ଟସ୍ଙ୍କୁ (Lucknow Super Giants) ୨ ୱିକେଟରେ ପରାସ୍ତ କରିଛି । ପ୍ରଥମେ ବ୍ୟାଟିଂ କରି ଲକ୍ଷ୍ନୌ ୮ ୱିକେଟ୍ ହରାଇ ୧୫୯ ରନ୍ ସଂଗ୍ରହ କରିଥିଲେ । ଏହାର ଜବାବରେ ପଞ୍ଜାବ ୩ଟି ବଲ ବାକି ଥାଇ ୨ ୱିକେଟ୍ ହରାଇ ଏହି ଲକ୍ଷ୍ୟ ହାସଲ କରିନେଇଛି । ପଞ୍ଜାବର ବିଜୟର ହିରୋ ଥିଲେ ସିକନ୍ଦର ରଜା, ଯିଏ ୪୧ ବଲରୁ ୫୭ ରନ୍ ସଂଗ୍ରହ କରିଥିଲେ । ଏଥି ସହିତ ଶାହାରୁଖ ଖାନ ମଧ୍ୟ ୧୦ଟି ବଲ ଖେଳି ଅପରାଜିତ ୨୩ ରନ ସ୍କୋର କରିଥିଲେ ।


COMMERCIAL BREAK
SCROLL TO CONTINUE READING

୧୬୦ ରନ ସ୍କୋରକ କରି ପଞ୍ଜାବ କିଙ୍ଗସ ଦଳର ଆରମ୍ଭ ଏହି ମ୍ୟାଚରେ ବହୁତ ଖରାପ ଥିଲା, ଯେଉଁଥିରେ ଦଳ ଶୂନ୍ୟ ସ୍କୋରରେ ଅର୍ଥବଙ୍କ ରୂପରେ ପ୍ରଥମ ଝଟକା ପାଇଥିଲା । ଏହା ପରେ ୧୭ ସ୍କୋରରେ ଦଳ ପ୍ରଭାସୀମନ ସିଂଙ୍କ ରୂପରେ ଆଉ ଏକ ଝଟକା ଦେଇଥିଲା, ଯିଏ ବ୍ୟକ୍ତିଗତ ୪ରନ ସ୍କୋରରେ ଯୁଧିବିର ସିଂଙ୍କ ଶିକାର ହୋଇଥିଲେ ।


ଏହା ପରେ ମାଥ୍ୟୁ ସର୍ଟ ଓ ହରପ୍ରୀତ ସିଂ ଭାଟିଆ ତୃତୀୟ ୱିକେଟ୍ ପାଇଁ ୨୨ ବଲରେ ୨୮ ରନ୍ ଭାଗିଦାରୀ କରିଥିଲେ । ଏହି ମ୍ୟାଚରେ ୨୨ ଟି ବଲରେ ୩୪ ରନର ଇନିଂସ ଖେଳିବା ପରେ ସର୍ଟ ପାଭିଲିୟନକୁ ଫେରିଥିଲେ । ପଞ୍ଜାବ ଦଳ ପ୍ରଥମ ୬ ଓଭରରେ ମାତ୍ର ୪୫ ରନ୍ ସ୍କୋର କରିବାରେ ସଫଳ ହୋଇଥିବାବେଳେ, ଏହି ସମୟରେ ନିଜର ୩ ୱିକେଟ୍ ହରାଇଥିଲା ।


ପ୍ରଥମ ୬ ଓଭରରେ ୩ ୱିକେଟ୍ ହରାଇବା ପରେ ସିକନ୍ଦର ରଜା ପଞ୍ଜାବ କିଙ୍ଗ୍ସର ଇନିଂସକୁ ଗୋଟିଏ ପଟେ ରନ୍ ରେଟ ବଜାୟ ରଖିବା ପାଇଁ କାର୍ଯ୍ୟ କରିଥିଲେ । ଅନ୍ୟ ପ୍ରାନ୍ତରୁ ଅନେକ ୱିକେଟ୍ ଖସି ଆସିଥିଲା, ଯେଉଁଥିରେ ଦଳ ୭୫ ରନ ସ୍କୋରରେ ହରପ୍ରୀତ ସିଂ ଭାଟିଆଙ୍କ ରୂପରେ ଚତୁର୍ଥ ଝଟକା ପାଇଥିଲେ । ଏହା ପରେ ୧୧୨ ସ୍କୋରରେ ଦଳ ଅଧିନାୟକ ସାମ କରନଙ୍କ ରୂପରେ ପଞ୍ଚମ ୱିକେଟ୍ ହରାଇଥିଲା ।


ସିକନ୍ଦର ରଜା ୪୧ ବଲରେ ୫୭ ରନ୍‌ର ଇନିଂସ ଖେଳିବା ପରେ ପାଭିଲିୟନକୁ ଯେତେବେଳେ ଫେରିଥିଲେ, ସେତେବେଳେ ହଠାତ୍ ଲକ୍ଷ୍ନୌ ଦଳ ମ୍ୟାଚକୁ ଫେରିବାର ସୁଯୋଗ ପାଇଥିଲା, କିନ୍ତୁ ଶାହରୁଖ ଏହା କରିବାକୁ ଦେଇ ନଥିଲେ, ଯେଉଁଥିରେ ସେ ଏକ ବିସ୍ଫୋରକ ଇନିଂସ ଖେଳିଥିଲେ । ସେ ୧୦ଟି ବଲରେ ୨୩ ରନ୍ ସ୍କୋର କରିଥିଲେ । ଏହି ମ୍ୟାଚରେ ୨ ୱିକେଟ୍ ବାକି ଥାଇ ଦଳକୁ ବିଜୟ ହାସଲ କରିବାରେ ଶାହରୁଖ ଖାନ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଲକ୍ଷ୍ନୈ ପାଇଁ ଯୁଧବିର ସିଂ, ରବି ବିଷ୍ଣୋଇ ଓ ମାର୍କ ଉଡ୍ ୨ଟି ଲେଖାଏ ୱିକେଟ୍ ନେଇଥିବାବେଳେ କୃଷ୍ଣପ୍ପା ଗୌତମ ଓ କ୍ରୁନାଲ ପାଣ୍ଡ୍ୟା ଏହି ମ୍ୟାଚରେ ଗୋଟିଏ ଲେଖାଏଁ ୱିକେଟ୍ ନେଇଥିଲେ ।


ଏହା ବି ପଢ଼ନ୍ତୁ: ଦିଲ୍ଲୀର ଲଜ୍ଜାଜନକ ପରାଜୟ ପରେ ହାତ ମିଳାଇ ନାହିଁ କୋହଲି-ଗାଙ୍ଗୁଲି, ଭାଇରାଲ ହେଉଛି ଏହି ଭିଡିଓ