କୋଟଗଡ଼ ASI ରଜନୀକାନ୍ତଙ୍କୁ ଗିରଫ କଲା ଭିଜିଲାନ୍ସ

Crime News: ଲାଞ୍ଚ ନେବା ଅଭିଯୋଗରେ କନ୍ଧମାଳ କୋଟଗଡ଼ ଥାନା ଏଏସଆଇଙ୍କୁ ଗିରଫ କରିଛି ଭିଜିଲାନ୍ସ । ଜଣେ ବ୍ୟକ୍ତିଙ୍କ ନିକଟରୁ ସେ ୧୫ ହଜାର ଟଙ୍କା ଲାଞ୍ଚ ଗ୍ରହଣ କରୁଥିବା ସମୟରେ ଭିଜିଲାନ୍ସ ଦ୍ୱାରା ଗିରଫ ହୋଇଛନ୍ତି ଏଏସଆଇ ରଜନୀକାନ୍ତ ଦାସ ।

ଖବର ମୁତାବକ, ଥାନାରେ ଅଭିଯୋଗ ହୋଇଥିବା ଏକ ମାମଲାକୁ ଚାପି ଦେବା ପାଇଁ ଜଣେ ବ୍ୟକ୍ତିଙ୍କୁ ୧୫ ହଜାର ଟଙ୍କା ଲାଞ୍ଚ ମାଗିଥିଲେ ଏଏସଆଇ ।  ବ୍ୟକ୍ତିଜଣଙ୍କ ଲାଞ୍ଚ ଦେବା ପୂର୍ବରୁ ଏ ସମ୍ପର୍କରେ ବିସ୍ତୃତ ଭାବେ ଭିଜିଲାନ୍ସ ବିଭାଗକୁ ଜଣାଇଥିଲେ । ପରେ ସତ କଣ ଜାଣିବା ପାଇଁ ଭିଜିଲାନ୍ସ ଜାଲ ବିଛାଇଥିଲା । ଯୋଜନା ମୁତାବକ, ବ୍ୟକ୍ତିଙ୍କ ନିକଟରୁ ଲାଞ୍ଚ ଟଙ୍କା ନେଉଥିବା ସମୟରେ ଭିଜିଲାନ୍ସ ଏଏସଆଇଙ୍କୁ ମାଡି ବସିଥିଲା । ଧରାପଡିବା ପରେ ରଜନିକାନ୍ତଙ୍କ ଲିଙ୍କ ଥିବା ଅନ୍ୟ ସ୍ଥାନ ଗୁଡିକରେ ମଧ୍ୟ ଭିଜିଲାନ୍ସ ଚଢାଉ ହେଉଛି । ଘଟଣାର ତଦନ୍ତ ଚାଲିଥିବା ସମୟରେ ଆୟ ବହିର୍ଭୁତ ସମ୍ପତ୍ତି ଠୁଳ ହୋଇଥିବା ଆକଳନ କରାଯାଉଛି ।