କୋରାପୁଟ ସୀମାରେ ପୁଣି ମାଓ ଆତଙ୍କ, CAF କମାଣ୍ଡରଙ୍କୁ ହତ୍ୟା

କୋରାପୁଟ: ଛତିଶଗଡ ସୀମାନ୍ତ ଅଞ୍ଚଳରେ ପୁଣି ମାଓ ହିଂସା ଦେଖିବାକୁ ମିଳିଛି । କମାଣ୍ଡର ଶ୍ରୀ ତେଜୁ ରାମ ଭୁରିଆ ଏବଂ ମେସ୍ କମାଣ୍ଡର ହେଡ କନଷ୍ଟେବଳ ଶ୍ୟାମ ବିହାରୀ ଜିଲ୍ଲା ବିଜାପୁରର ପୋଲିସ ଷ୍ଟେସନ କୁଟ୍ରୁ ଅଧୀନରେ ଥିବା କ୍ୟାମ୍ପଠାରୁ ପ୍ରାୟ ୨ଶହ ମିଟର ଦୂରରେ ଥିବା ପରିବା ଦୋକାନକୁ ପରିବା କିଣିବାକୁ ଯାଇଥିଲେ । ଉକ୍ତ ସମୟ (ସକାଳ ପ୍ରାୟ ୯ଟା୩୦)ରେ ତେଜୁ ରାମ ଭୁରିଆଙ୍କୁ ଦୁଇ ଜଣ ଅଜ୍ଞାତ ମାଓବାଦୀ କୁରାଢି ଦ୍ୱାରା ଆକ୍ରମଣ କରି ହତ୍ୟା କରିଥିଲେ।

ତେଜୁ ରାମ ଭୁରିଆଙ୍କ ସହ ଯାଇଥିବା ହେଡ୍ କନଷ୍ଟେବଳ ତୁରନ୍ତ ଘଟଣା ସମ୍ପର୍କରେ କ୍ୟାମ୍ପକୁ ଜଣାଇଥିଲେ । ପରେ ପୋଲିସ ଫୋର୍ସ ସହ ବରିଷ୍ଠ ଅଧିକାରୀ ଘଟଣାସ୍ଥଳରେ ପହଞ୍ଚି ଥିଲେ । କିନ୍ତୁ ସେତେବେଳକୁ କମ୍ପାନୀ କମାଣ୍ଡର ଶ୍ରୀ ତେଜୁ ରାମ ଭୁରିଆଙ୍କ ମୃତ୍ୟୁ ଘଟିସାରିଥିଲା । ପରେ ମୃତଦେହକୁ କ୍ୟାମ୍ପକୁ ଅଣାଯାଇଥିଲା। ଏଥିସହ ଆଖପାଖ ଅଞ୍ଚଳରେ ପୋଲିସ ଫୋର୍ସ / CAF / DRG ଦ୍ୱାରା ଖୋଜା ଖୋଜି ସହ କମ୍ବିଂ ଅପରେସନ ଜାରି ରହିଛି। ମୃତ କମ୍ପାନୀ କମାଣ୍ଡର ଶ୍ରୀ ତେଜୁ ରାମ ଭୁରିଆ କାଙ୍କେର ଜିଲ୍ଲା ଭାନୁ ପ୍ରତାପୁରର ପୋଲିସ ଥାନା ଅନ୍ତର୍ଗତ କାଞ୍ଚେ ଗାଁର ବାସିନ୍ଦା ବୋଲି ଜଣା ପଡ଼ିଛି।

ରିପୋର୍ଟ- ନିରୋଜ ଶତପଥୀ