Dhirendra Sastri: ବାଗେଶ୍ୱର ବାବାଙ୍କୁ ବିବାହ କରିବାକୁ ଜିଦ ଧରିଛନ୍ତି ଏହି ଡାକ୍ତରୀ ଛାତ୍ରୀ, ପଢନ୍ତୁ ପୂରା ରିପୋର୍ଟ

Dhirendranath Sastri : ନୂଆଦିଲ୍ଲୀ: ବାଗେଶ୍ୱର ଧାମର ବାବା ଧର୍ମେନ୍ଦ୍ର କୃଷ୍ଣ ଶାସ୍ତ୍ରୀ କ୍ରମାଗତ ଭାବରେ ଗୋଟିଏ କାରଣ ପାଇଁ ଲାଇମଲାଇଟରେ ରହି ଆସୁଛନ୍ତି। କିନ୍ତୁ ଏହି କାରଣରୁ ଜଣେ ୨୦ ବର୍ଷୀୟ ଯୁବତୀ ଯିଏ ନିଜକୁ ଡାକ୍ତରୀ ଛାତ୍ରୀ ବୋଲି କହୁଛନ୍ତି, ତାଙ୍କ ପ୍ରତି ଆକର୍ଷିତ ହୋଇଥିବା ଖବର ବର୍ତ୍ତମାନ ସାମ୍ନାକୁ ଆସିଛି। ଏପରିକି ତାଙ୍କୁ ବିବାହ କରିବା ନେଇ ଇଚ୍ଛା ପ୍ରକାଶ କରି ସେ ମଧ୍ୟ ଲାଇମଲାଇଟରେ ରହିଛନ୍ତି। ଧିରେନ୍ଦ୍ର ଶାସ୍ତ୍ରୀଙ୍କୁ ବିବାହ କରିବାକୁ ଇଚ୍ଛା କରି ଗଙ୍ଗୋତ୍ରୀରୁ ବାଗେଶ୍ୱର ଧାମ ପର୍ଯ୍ୟନ୍ତ କଳଶ ଯାତ୍ରା ଆରମ୍ଭ କରିଥିବା ଜଣାପଡ଼ିଛି। ଏହି କଳଶ ଯାତ୍ରା ଜୁନ ୧୬ରେ ବାଗେଶ୍ୱର ଧାମରେ ଶେଷ ହେବ।  

ବାଗେଶ୍ୱର ଧାମ ପାଇଁ କଳଶ ଯାତ୍ରା ଆରମ୍ଭ କରିଥିବା ଝିଅର ନାମ ହେଉଛି ଶିବରଞ୍ଜନୀ ତିୱାରୀ। ଶିବରଞ୍ଜନୀ ମଧ୍ୟପ୍ରଦେଶର ସେଓନି ଜିଲ୍ଲାର ବାସିନ୍ଦା। ଶିବରଞ୍ଜନୀ ନିଜକୁ ଜଣେ ଡାକ୍ତରୀ ଛାତ୍ର ଭାବରେ ପରିଚୟ ଦେଇଛନ୍ତି। କିନ୍ତୁ କଲେଜର ନାମ ଦେବାକୁ ମନା କରି ଦେଇଛନ୍ତି। ଏ ସମ୍ପର୍କରେ ସେ କହିଛନ୍ତି ଯେ ସେ କଲେଜର ନାମକୁ ଗୁପ୍ତ ରଖିବାକୁ ଚାହାନ୍ତି। ତେବେ କଲେଜରେ ଆଡମିଶନ ନେବାକୁ ତାଙ୍କ ପାଇଁ ୧ ବର୍ଷ ବିତିଗଲାଣି।

ଶିବରଞ୍ଜନୀ ଗଙ୍ଗା ଜଳ ଧରି ବାଗେଶ୍ୱର ଧାମ ଅଭିମୁଖେ ଯାତ୍ରା ଆରମ୍ଭ କରିଛନ୍ତି। ଏପରିକି ଶିବରଞ୍ଜନୀଙ୍କ ପୂରା ପରିବାର ଏହି ଯାତ୍ରାରେ ସାମିଲ ରହିଛନ୍ତି। ପୁରା ପରିବାର ସକାଳୁ ସନ୍ଧ୍ୟା ପର୍ଯ୍ୟନ୍ତ କଳଶ ଯାତ୍ରା ଜାରି ରଖିଛନ୍ତି। ସନ୍ଧ୍ୟାରେ ଏକ ଆଶ୍ରମରେ ବିଶ୍ରାମ ନେଉଛନ୍ତି ଏବଂ ସାଧୁମାନଙ୍କ ଠାରୁ ଆଶୀର୍ବାଦ ନେଉଥିବା ଜଣାପଡ଼ିଛି। ଡାକ୍ତରୀ ପଢୁଥିବା ଶିବରଞ୍ଜନୀ ମଧ୍ୟ ଜଣେ ଭଜନ ଗାୟିକା। ଏଥିପାଇଁ ସେ ତାଲିମ ମଧ୍ୟ ନେଇଛନ୍ତି। ସେ ମଧ୍ୟ କଳଶ ଯାତ୍ରା ସମୟରେ ଭଜନଗାନ କରୁଥିବା ଦେଖିବାକୁ ମିଳିଛି। ଶିବରଜନୀ କହିଛନ୍ତି ଯେ କେବଳ ବାଗେଶ୍ୱର ଧାମ ସରକାର ହିଁ କେବଳ ତାଙ୍କର ମନର ଭାବନାକୁ ଚିହ୍ନି ପାରିବେ। 

ଶିବରାଜାନୀଙ୍କ ପିତା ବୈଜୟନ୍ତ ତିୱାରୀ କହିଛନ୍ତି ଯେ ମେ ୧ରେ ଗଙ୍ଗୋତ୍ରୀରୁ ଶିବରଜନୀଙ୍କ ଦ୍ୱାରା ଆରମ୍ଭ ହୋଇଥିବା କଳଶ ଯାତ୍ରା ଜୁନ୍ ୧୬ରେ ବାଗେଶ୍ୱର ଧାମରେ ​​ପହଞ୍ଚିବ। ତେବେ ସେ ଧିରେନ୍ଦ୍ର ଶାସ୍ତ୍ରୀଙ୍କୁ ବିବାହ କରିବାର ଇଚ୍ଛା ଉପରେ କୌଣସି ସ୍ପଷ୍ଟ ଉତ୍ତର ଦେଇନାହାଁନ୍ତି। ସେ କହିଛନ୍ତି ଯେ ଜୁନ୍ ୧୬ରେ ଧିରେନ୍ଦ୍ର ଶାସ୍ତ୍ରୀ ଏବଂ ସେ ନିଜେ ଏହା ପ୍ରକାଶ କରିବେ। ତେବେ ବାଗେଶ୍ୱର ଧାମ ସରକାରଙ୍କ ସହ ତାଙ୍କ ବିବାହକୁ ନେଇ ହୋଇଥିବା କଳ୍ପନାଜଳ୍ପନାକୁ ସେ ଅସ୍ୱୀକାର ମଧ୍ୟ କରିନାହାଁନ୍ତି।

ସେପଟେ ପ୍ରବଚିକା ଜୟାକିଶୋରୀ ଓ ଧୀରେନ୍ଦ୍ରନାଥଙ୍କୁ ନେଇ ମଧ୍ୟ ଅଧିକାଂସ ସମୟରେ ଚର୍ଚ୍ଚା ଜୋର ଧରିଥାଏ। ପ୍ରବଚିକା ଜୟା କିଶୋରୀ , ଆଧ୍ୟାତ୍ମିକ ଜଗତର ଜଣେ ପ୍ରତିଷ୍ଠିତ ଚେହେରା। ତାଙ୍କର ପ୍ରବଚନ ଶୁଣିବା ପାଇଁ ଭାରତ କାହିଁକି ବିଦେଶରେ ମଧ୍ୟ ଲୋକେ ଚାତକ ପରି ଚାହିଁ ରହିଥାଆନ୍ତି। ସେ ଦେଖିବାକୁ ଯେପରି, ତାଙ୍କ କଣ୍ଠ ସ୍ବର ମଧ୍ୟ ସେହିପରି। ଭାରତୀୟ ଶାସ୍ତ୍ର ପୁରାଣ ଜ୍ଞାନର ଭଣ୍ଡାର ହେଉଛନ୍ତି ଜୟା କିଶୋରୀ।

୧୯୯୫,  ଜୁଲାଇ ୧୩ରେ ଜୟା କିଶୋରୀ ପଶ୍ଚିମବଙ୍ଗର କୋଲକାତା ସହରରେ ଜନ୍ମ ଗ୍ରହଣ କରିଥିଲେ। ଜୟା କିଶୋରୀଙ୍କ ଅସଲି ନାମ ଜୟା ଶର୍ମା ଅଟେ । କିଶୋରୀର ଉତ୍ପାଧି ତାଙ୍କୁ ତାଙ୍କ ଗୁରୁଙ୍କ ଠାରୁ ମିଳିଥିଲା । ନିଜ ଫିଟନେସକୁ ନେଇ ମଧ୍ୟ ସେ ଅଧିକ ସମୟ ଚର୍ଚ୍ଚାରେ ଥାଆନ୍ତି। ଜୟା କିଶୋରୀ ପ୍ରବଚନ ଦେବାରେ ଯେତିକି ଧୁରନ୍ଦର , ପାଠପଢାରେ ମଧ୍ୟ ସେମିତି ଆଗୁଆ ।  ପ୍ରବଚିକା ଜୟା କିଶୋରୀ ବିକମ୍ (B.COM) ପର୍ଯ୍ୟନ୍ତ ପାଠ ପଢିଛନ୍ତି।

ତେବେ ସେ ଗୋଟିଏ ପ୍ରବଚନ ଦେବା ପାଇଁ ପାଖାପାଖି ୯ ଲକ୍ଷ ୫୦ ହଜାର ଫି ନିଅନ୍ତି । ଏହା ବ୍ୟତିତ ଜୟା କିଶୋରୀ ଜଣେ ଭଜନ ଗାୟିକା ।  ତାଙ୍କର ଅନେକ ଭିଡିଓ ରିଲିଜ୍ ହୋଇଛି, ଯାହା ୟୁଟ୍ୟୁବରେ ଦେଖିବାକୁ ମିଳେ । ଏଥିରୁ ମଧ୍ୟ ସେ ମୋଟା ଅଙ୍କର ଟଙ୍କା ରୋଜଗାର କରନ୍ତି। କହିବାକୁ ଗଲେ ଜୟା କିଶୋରୀ ବର୍ଷକୁ ପ୍ରାୟ ୨ କୋଟିରୁ ଅଧିକ ଟଙ୍କା ରୋଜଗାର କରନ୍ତି।  ସେ ଏହି ଆୟର ଏକ ପ୍ରମୁଖ ଅଂଶ ଜୟପୁରର ନାରାୟଣ ସେବା ସଂସ୍ଥାକୁ ଦାନ କରନ୍ତି । ସେଠାରେ ଭିନ୍ନକ୍ଷମମାନଙ୍କ ପାଇଁ କୃତ୍ରିମ ହାତ ଓ ପାଦ ପ୍ରସ୍ତୁତ କରାଯାଏ । ତେବେ, ଜୟା କିଶୋରୀଙ୍କ ମୋଟ ସମ୍ପତିର ମୂଲ୍ୟ ୧.୫ ରୁ ୨ କୋଟି ବୋଲି କୁହାଯାଉଛି। ଏହା ବ୍ୟତିତ ତାଙ୍କ ପାଖରେ ଦାମୀ ଗାଡି ଓ ବଙ୍ଗଳା ମଧ୍ୟ ରହିଛି ।