Pension rules: ଅବସରପ୍ରାପ୍ତ କର୍ମଚାରୀଙ୍କ ପାଇଁ ଏକ ବଡ଼ ଖବର, ପେନସନ୍ ସମ୍ବନ୍ଧୀୟ ନିୟମରେ ହେଲା ପରିବର୍ତ୍ତନ

EPS Pensioners: ଦେଶରେ ଇପିଏସ୍ ପେନସନ୍‌ଭୋଗୀଙ୍କ ପାଇଁ ଏକ ବଡ଼ ଖବର ଆସିଛି। ବର୍ତ୍ତମାନ ପେନସନଭୋଗୀମାନଙ୍କୁ ପେନସନ୍‌ ପାଇଁ ଏଠାକୁ ସେଠାକୁ ଯିବାକୁ ପଡ଼ିବ ନାହିଁ। ବର୍ତ୍ତମାନ ସେମାନେ ଦେଶର ଯେକୌଣସି ବ୍ୟାଙ୍କକୁ ଯାଇ ପେନସନ୍ ଟଙ୍କା ନେଇପାରିବେ।

Pension rules: ଦେଶରେ ଇପିଏସ୍ ପେନସନ୍‌ଭୋଗୀଙ୍କ ପାଇଁ ଏକ ବଡ଼ ଖବର ଆସିଛି। ବର୍ତ୍ତମାନ ପେନସନଭୋଗୀମାନଙ୍କୁ ପେନସନ୍‌ ପାଇଁ ଏଠାକୁ ସେଠାକୁ ଯିବାକୁ ପଡ଼ିବ ନାହିଁ। ବର୍ତ୍ତମାନ ସେମାନେ ଦେଶର ଯେକୌଣସି ବ୍ୟାଙ୍କକୁ ଯାଇ ପେନସନ୍ ଟଙ୍କା ନେଇପାରିବେ। ବୁଧବାର ମୋଦୀ ସରକାର ଏ ସମ୍ପର୍କରେ ଏକ ବଡ ନିଷ୍ପତ୍ତି ନେଇଛନ୍ତି। ଏହି ଯୋଜନା ଆସନ୍ତା ବର୍ଷ ୧ ଜାନୁୟାରୀ ୨୦୨୫ ରୁ କାର୍ଯ୍ୟକାରୀ ହେବ। ସରକାରଙ୍କ ଏହି ନିଷ୍ପତ୍ତି ଦେଶର ୭୮ ଲକ୍ଷ ଇପିଏସ୍ ପେନସନ୍‌ଭୋଗୀଙ୍କୁ ଉପକୃତ କରିବ।

କେନ୍ଦ୍ର ସରକାର କହିଛନ୍ତି ଯେ ବର୍ତ୍ତମାନ ଇପିଏଫଓର ପେନସନ୍‌ ସ୍କିମ୍‌ରେ ଲୋକମାନେ ଦେଶର ଯେକୌଣସି ବ୍ୟାଙ୍କରୁ ସେମାନଙ୍କ ପେନସନ୍ ନେଇପାରିବେ। ଏ ବାବଦରେ କେନ୍ଦ୍ର ଶ୍ରମ ଓ ନିଯୁକ୍ତି ମନ୍ତ୍ରୀ ମାନସୁଖ ମାଣ୍ଡଭିୟ କର୍ମଚାରୀ ପେନସନ୍ ସ୍କିମ୍ (ଇପିଏସ୍) ୧୯୯୫ ପାଇଁ ଏକ କେନ୍ଦ୍ରୀୟ ପେନସନ୍ ପେମେଣ୍ଟ ସିଷ୍ଟମ୍ (ସିପିପିଏସ୍) ର ପ୍ରସ୍ତାବକୁ ଅନୁମୋଦନ କରିଛନ୍ତି। ଏହା ଅଧୀନରେ ପେନସନଭୋଗୀଙ୍କ ସୁବିଧା ପାଇଁ କୌଣସି ବ୍ୟାଙ୍କରୁ ପେନସନ୍ ଟଙ୍କା ଉଠାଇ ପାରିବା ପାଇଁ ବ୍ୟବସ୍ଥା କରାଯାଇଛି। 

ମାନସୁଖ ମାଣ୍ଡଭିୟ କହିଛନ୍ତି- କର୍ମଚାରୀ ଭବିଷ୍ୟନିଧି ପାଣ୍ଠି ସଂଗଠନ (ଇପିଏଫଓ) ର ଆଧୁନିକୀକରଣ ଦିଗରେ କେନ୍ଦ୍ରୀୟ ପେନସନ ଦେୟ ବ୍ୟବସ୍ଥାର ଅନୁମୋଦନ ଏକ ମାଇଲଖୁଣ୍ଟ ଅଟେ। ଏହା ଅଧୀନରେ ପେନ୍‌ସନ୍‌ଭୋଗୀମାନେ ଦେଶର ଯେକୌଣସି ବ୍ୟାଙ୍କ, ଯେକୌସି ଶାଖା ମାଧ୍ୟମରେ ସେମାନଙ୍କ ପେନସନ୍‌ ପାଇପାରିବେ। ଏହି ପଦକ୍ଷେପ ପେନସନଭୋଗୀଙ୍କ ଦୀର୍ଘ ଦିନର ସମସ୍ୟାକୁ ସମାଧାନ କରିଥାଏ। ଏହି ବ୍ୟବସ୍ଥା ଏକ ଦକ୍ଷ ବିତରଣ ବ୍ୟବସ୍ଥା ସୁନିଶ୍ଚିତ କରେ।

ମାନସୁଖ ମାଣ୍ଡଭିୟ ଆହୁରି କହିଛନ୍ତି ଯେ ଏହାର ସଦସ୍ୟ ତଥା ପେନସନ୍‌ଭୋଗୀଙ୍କ ଆବଶ୍ୟକତାକୁ ଭଲ ଭାବରେ ସେବା କରିବା ପାଇଁ ଇପିଏଫଓକୁ ଅଧିକ ଶକ୍ତିଶାଳୀ, ପ୍ରତିକ୍ରିୟାଶୀଳ ତଥା ବୈଷୟିକ-ସମର୍ଥ ସଂଗଠନରେ ପରିଣତ କରିବା ଆମର ପ୍ରୟାସ ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।

କେନ୍ଦ୍ରୀୟ ପେନସନ୍ ଦେୟ ବ୍ୟବସ୍ଥା EPFO ​​ର ୭୮ ଲକ୍ଷ EPS-95 ପେନସନଧାରୀଙ୍କୁ ଉପକୃତ କରିବ ବୋଲି ଆଶା କରାଯାଉଛି। ସେଣ୍ଟ୍ରାଲାଇଜଡ୍ ସିଷ୍ଟମ୍ ପେନସନ୍ ପେମେଣ୍ଟ ଅର୍ଡର (ପିପିଓ) କୁ ଗୋଟିଏ କାର୍ଯ୍ୟାଳୟରୁ ଅନ୍ୟ କାର୍ଯ୍ୟାଳୟକୁ ସ୍ଥାନାନ୍ତର ନକରି ଦେଶରେ ପେନସନ୍‌ର ନିରନ୍ତର ବଣ୍ଟନକୁ ସୁନିଶ୍ଚିତ କରିବ। ଅବସର ପରେ ନିଜ ସହରକୁ ଯାଉଥିବା ସେହି ପେନସନଭୋଗୀମାନଙ୍କ ପାଇଁ ଏହା ଏକ ବଡ଼ ଆରାମ ହେବ। ଏହି ସୁବିଧା EPFO ​​ର ଚାଲୁଥିବା ସୂଚନା ପ୍ରଯୁକ୍ତିବିଦ୍ୟା ଆଧୁନିକୀକରଣ ପ୍ରୋଜେକ୍ଟ ସେଣ୍ଟ୍ରାଲାଇଜଡ୍ ଆଇଟି ସକ୍ଷମ ସିଷ୍ଟମ୍ (CITES 2.01) ର ଅଂଶ ଭାବରେ ୧ ଜାନୁଆରୀ ୨୦୨୫ ରୁ ଆରମ୍ଭ ହେବ।