Tripura: ଏହି ଚୁକ୍ତି ପରେ NLFT କହିଛନ୍ତି ଯେ ଆମେ ସରକାରଙ୍କୁ ବିଶ୍ୱାସ କରିଛୁ। ତେଣୁ, ଆମେ ୩୦ ବର୍ଷର ସଶସ୍ତ୍ର ସଂଗ୍ରାମକୁ ସମାପ୍ତ କରୁଛୁ। ଆମେ ଆମର ସର୍ତ୍ତାବଳୀ ସେୟାର କରିଛୁ ।
Trending Photos
10
12
5
12 "Tripura Memorandum signed")
Tripura Memorandum signed: ବୁଧବାର ଦିନ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଉପସ୍ଥିତିରେ ଭାରତ ସରକାର, ତ୍ରିପୁରା ସରକାର, ନ୍ୟାସନାଲ ଲିବରେସନ୍ ଫ୍ରଣ୍ଟ ଅଫ୍ ତ୍ରିପୁରା (NLFT) ଏବଂ ଅଲ୍ ତ୍ରିପୁରା ଟାଇଗର ଫୋର୍ସ (ଏଟିଏଫ୍) ପ୍ରତିନିଧୀମାନେ ବୁଧବାର ଦିନ ତ୍ରିପୁରା ଶାନ୍ତି ଚୁକ୍ତିନାମା ସ୍ୱାକ୍ଷର କରିଛନ୍ତି। ଏହି ଚୁକ୍ତି ପରେ NLFT କହିଛନ୍ତି ଯେ ଆମେ ସରକାରଙ୍କୁ ବିଶ୍ୱାସ କରିଛୁ। ତେଣୁ, ଆମେ ୩୦ ବର୍ଷର ସଶସ୍ତ୍ର ସଂଗ୍ରାମକୁ ସମାପ୍ତ କରୁଛୁ। ଆମେ ଆମର ସର୍ତ୍ତାବଳୀ ସେୟାର କରିଛୁ। ଗୃହମନ୍ତ୍ରୀଙ୍କ ଉପରେ ଆମର ବିଶ୍ୱାସ ଅଛି।
ତ୍ରିପୁରା ସିଏମ ମାଣିକ ସାହା କ’ଣ କହିଛନ୍ତି?
ଏହି ଶାନ୍ତି ଚୁକ୍ତି ପାଇଁ ତ୍ରିପୁରା ମୁଖ୍ୟମନ୍ତ୍ରୀ ମାଣିକ ସାହା ଗୃହମନ୍ତ୍ରୀ ଅମିତ ଶାହଙ୍କୁ ଧନ୍ୟବାଦ ଜଣାଇଛନ୍ତି। ସେ କହିଛନ୍ତି ଯେ ଗୃହମନ୍ତ୍ରୀ ଏହି ଶାନ୍ତି ଚୁକ୍ତିର ସ୍ଥପତି ବୋଲି ପ୍ରମାଣିତ କରିଛନ୍ତି। ସେ କହିଛନ୍ତି ଯେ ଗତ ଦଶ ବର୍ଷ ମଧ୍ୟରେ ଉତ୍ତର ପୂର୍ବରେ ଏକ ଡଜନରୁ ଅଧିକ ଶାନ୍ତି ଚୁକ୍ତି ସ୍ୱାକ୍ଷରିତ ହୋଇଛି, ସେଥିମଧ୍ୟରୁ ୩ଟି ଚୁକ୍ତିନାମା ତ୍ରିପୁରା ପାଇଁ ଅଟେ। ତ୍ରିପୁରାର ଭବିଷ୍ୟତ ଉଜ୍ଜ୍ୱଳ। ଆମେ ମଧ୍ୟ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଦେଉଛୁ।
ଗୃହମନ୍ତ୍ରୀ ଅମିତ ଶାହ କହିଛନ୍ତି ଯେ ଏହି ଚୁକ୍ତିନାମା ସହିତ ଏହି ଦୁଇ ସଂଗଠନର ୩୨୮ ଜଣ ଲୋକ ମୁଖ୍ୟ ସ୍ରୋତକୁ ଆସିବେ। ତ୍ରିପୁରାର ଏହି କ୍ଷେତ୍ର ପାଇଁ ୨୫୦ କୋଟି ଟଙ୍କାର ପ୍ୟାକେଜ୍ ରହିବ। ଏହି ଚୁକ୍ତିନାମାର ସବୁକିଛି ଅନୁସରଣ କରାଯିବ। ଆଜି ଏହା ଆମ ସମସ୍ତଙ୍କ ପାଇଁ ଗର୍ବର ବିଷୟ ଯେ ୩୫ ବର୍ଷ ଧରି ଚାଲିଥିବା ସଂଗ୍ରାମ ସମାପ୍ତ ହୋଇଛି। ଶାନ୍ତି ଏବଂ ସଂଳାପ ମାଧ୍ୟମରେ ଏସବୁ ସମ୍ଭବ ହୋଇଛି। ପ୍ରଧାନମନ୍ତ୍ରୀ ମୋଦୀ ଉତ୍ତର ପୂର୍ବର ହୃଦୟର ବ୍ୟବଧାନକୁ ଦୂର କରିଛନ୍ତି। ଅମିତ ଶାହା କହିଛନ୍ତି ଯେ ଏହି ଚୁକ୍ତି କେବେଳ କାଗଜ ଖଣ୍ଡ ନୁହେଁ ବରଂ ହୃଦୟର ଏକତା।
କେନ୍ଦ୍ର ସରକାର କ’ଣ କହିଛନ୍ତି?
ଚରମପନ୍ଥୀ, ହିଂସା ଏବଂ ଦ୍ୱନ୍ଦ୍ୱରୁ ମୁକ୍ତ ଉତ୍ତର-ପୂର୍ବର ପ୍ରଧାନମନ୍ତ୍ରୀ ମୋଦୀଙ୍କ ଦୂରଦୃଷ୍ଟି ହାସଲ କରିବାକୁ ଗୃହ ମନ୍ତ୍ରଣାଳୟ ନିରନ୍ତର ଉଦ୍ୟମ କରୁଛି ବୋଲି କେନ୍ଦ୍ର ସରକାର କହିଛନ୍ତି। ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଉତ୍ତର-ପୂର୍ବରେ ଶାନ୍ତି ଏବଂ ସମୃଦ୍ଧତା ଫେରାଇ ଆଣିବା ପାଇଁ ସରକାର ୧୨ଟି ଗୁରୁତ୍ୱପୂର୍ଣ୍ଣ ଚୁକ୍ତିନାମା ସ୍ୱାକ୍ଷର କରିଛନ୍ତି, ସେଥିମଧ୍ୟରୁ ୩ଟି ତ୍ରିପୁରା ରାଜ୍ୟ ସହ ଜଡିତ। ଏହି ବୟାନରେ କୁହାଯାଇଛି ଯେ ମୋଦୀ ସରକାରଙ୍କ ଦ୍ୱାରା କରାଯାଇଥିବା ବିଭିନ୍ନ ଚୁକ୍ତିନାମା ଯୋଗୁଁ ପ୍ରାୟ ୧୦ ହଜାର ଲୋକ ଅସ୍ତ୍ରଶସ୍ତ୍ର ଛାଡି ସମାଜର ମୁଖ୍ୟ ସ୍ରୋତରେ ଯୋଗ ଦେଇଛନ୍ତି।
