Twitter Logo: ଟ୍ୱିଟରରେ ୟୁଜର୍ସଙ୍କ ପାଇଁ ବଡ଼ ଖବର, ଉଡ଼ିଯିବ ନୀଳ ପକ୍ଷୀ..

Twitter Logo: ଏବେ ବଦଳିଯିବ ଟ୍ୱିଟରର ପୂରୁଣା ଲୋଗ ।ଏ ନେଇ ଟ୍ୱିଟ୍ ଜରିଆରେ ଘୋଷଣା କଲେ ଟ୍ୱିଟର ମାଲିକ ଏଲୋନ ମସ୍କ। ଟ୍ୱିଟର ଲୋଗ ବଦଳିବା ସହ ଏଥିରେ ଅନେକ ନୂଆ ନୂଆ ଫିଚର୍ ଆଡ୍ କରିବାକୁ ଯାଉଛନ୍ତି ମସ୍କ । ଯାହାଦ୍ୱାରା ଟ୍ୱିଟର୍ ୟୁଜରମାନେ ଖୁବ୍ ଲାଭବାନ ହୋଇପାରିବେ ।

Twitter Logo:ଏବେ ବଦଳିଯିବ ଟ୍ୱିଟର ଲୋଗ(Twitter Logo)। ନୀଳ ପକ୍ଷୀ(Blue Bird) ବଦଳରେ ଏବେ ଟ୍ୱିଟରର ଲୋଗ ହେବ “X”।ଏ ନେଇ ଏକ ବଡ଼ ଘୋଷଣା କରିଛନ୍ତି ଟ୍ୱିଟର ମାଲିକ ଏଲୋନ୍ ମସ୍କ ।ଏଲୋନ୍ ମସ୍କ ଟ୍ୱିଟର ପକ୍ଷୀ ଲୋଗକୁ ପରିବର୍ତ୍ତନ କରିବାକୁ ଚାହୁଁଛନ୍ତି । ଖବର ଅନୁଯାୟୀ, ମସ୍କ "X" ନାମକ ଏକ "ସୁପର ଆପ୍" ସୃଷ୍ଟି କରିବାକୁ ଚାହୁଁଛନ୍ତି, ଯାହା ଚାଇନାର ୱେଚ୍ ପରି ଅଟେ। ତାଙ୍କ ଟ୍ୱିଟ୍ ଅନୁଯାୟୀ, ଏବେ ଟ୍ୱିଟରରୁ ନୀଳ ପକ୍ଷୀ ଖୁବ୍ ଶିଘ୍ର ଉଭେଇ ଯିବ ।

ଟ୍ୱିଟର ଲୋଗ ଏବେ X ରଖାଯିବ । ପ୍ଲାଟଫର୍ମରେ ପେମେଣ୍ଟ ଅପ୍ସନ୍ ସହିତ ଆପଣ ଅନେକ ନୂଆ ଫିଚର୍ ମଧ୍ୟ ଦେଖିବାକୁ ପାଇବେ ।ଟ୍ୱିଟର ସିଇଓ ଲିଣ୍ଡାଙ୍କ ଅନୁଯାୟୀ ଟ୍ୱିଟର ୟୁଜର୍ସ ଏବଂ ଏହାର ପ୍ରତିଯୋଗୀମାନେ ଏହି ପ୍ଲାଟଫର୍ମରେ ଅନେକ ବଡ଼ ପରିବର୍ତ୍ତନ ଦେଖିଛନ୍ତି। ସେହିଭଳି ଟ୍ୱିଟରର ନୂଆ ଲୋଗୋ X ମଧ୍ୟ ଏବେ ଏକ ବଡ଼ ପରିବର୍ତ୍ତନ ଆଣିବାକୁ ଯାଉଛି ।

ନୂତନ ଲୋଗୋ X କେଉଁ ନୂଆ ପରିବର୍ତ୍ତନ ଆଣିବ?

X ହେଉଛି ଅସୀମିତ କାର୍ଯ୍ୟକଳାପର ଭବିଷ୍ୟତ - ଅଡିଓ, ଭିଡିଓ, ମେସେଜିଂ, କାରବାର / ବ୍ୟାଙ୍କିଙ୍ଗ୍, ସାମଗ୍ରୀ ଏବଂ ଅନେକ ସେବା ପାଇଁ ଏକ ବିଶ୍ୱ ବଜାର ସୃଷ୍ଟି କରିବ । AI ଦ୍ୱାରା X ଏହାର ଉପଭୋକ୍ତାମାନଙ୍କୁ ଗୋଟିଏ ପ୍ଲାଟଫର୍ମରେ ଏହି ସମସ୍ତ ସେବା ସହିତ ସଂଯୋଗ କରିବ ।

ଟୁଇଟର୍ ନୂଆ ଲୋଗୋ ସଂଯୋଗ-

ତେବେ ଟ୍ୱିଟରର ଏହି ନୂଆ ଲୋଗୋ ଲସହିତ ଏଲୋନ୍ ମସ୍କଙ୍କର ଖୁବ୍ ପୁରୁଣା ସମ୍ପର୍କ । X ଏଲୋନ୍ ମସ୍କର ସ୍ପେସ୍ X ରେ ଆସିଥିବାବେଳେ X ମଧ୍ୟ ଏଲୋନ୍ କାର୍ କମ୍ପାନୀ ଟେସଲାରେ ଆସିଛି ଏବଂ ବର୍ତ୍ତମାନ ଖୁବ୍ ଶୀଘ୍ର ଆପଣ ଟ୍ୱିଟରର ନୀଳ ପକ୍ଷୀ ସ୍ଥାନରେ X ଲୋଗୋ ଦେଖିବାକୁ ପାଇବେ । ୨୦୧୭ ମସିହାରେ ପେପାଲରୁ X.com ଡୋମେନ୍ କିଣିଛି । ବର୍ତ୍ତମାନ ଆପଣ ଏହି X.com ରେ ଟ୍ୱିଟରକୁ ପୁନଃ ନିର୍ଦ୍ଦେଶିତ ହେବେ, ଅର୍ଥାତ୍ ଯଦି ଆପଣ ବ୍ରାଉଜରରେ X.com ଖୋଲନ୍ତି ତେବେ ଆପଣ ଟ୍ୱିଟର Xକୁ ଯିବେ।

ଟ୍ୱିଟର (X) ଏକ ସୁପର ଆପ୍ ହେବାକୁ ଯାଉଛି-

ଏଠାରେ ଆମେ ଆପଣଙ୍କୁ କହି ରଖିବାକୁ ଚାହିଁବୁ ଯେ ଏଲୋନ୍ ମସ୍କ ‘ଉଇ ଚାଟ୍’(We Chat)ପରି ପ୍ଲାଟଫର୍ମ ତିଆରି କରିବାକୁ ଚାହୁଁଛନ୍ତି । ଏହି ଆପର ଫିଚର ଏକ ଚାଇନିଜ୍ ଆପ୍ ୱେଚ୍ ପରି ରହିବ।  ୱେଚ୍ ହେଉଛି ଚାଇନାର ଏକ ସୁପର ଆପ୍ ଯେଉଁଥିରେ ଉପଭୋକ୍ତାମାନେ ଗୋଟିଏ ପ୍ଲାଟଫର୍ମରେ ସମସ୍ତ ପ୍ରକାର ସେବା ପାଇଥା’ନ୍ତି ।

ଏହି ସୁପର ଆପରେ ଅନେକ ଫିଚର ରହିଛି, ଯେଉଁଥିରେ ସୋସିଆଲ ମିଡିଆ, ପେମେଣ୍ଟ ସେବା, ଟିକେଟ୍ ବୁକିଂ ସେବା, ଖେଳ ସେବା ଏବଂ ଅନ୍ୟାନ୍ୟ ୟୁଟିଲିଟି ଆଧାରିତ ସେବା ଅନ୍ତର୍ଭୁକ୍ତ ।

ମାଇକ୍ରୋ ବ୍ଲଗିଂ ୱେବସାଇଟ୍ ଟ୍ୱିଟରର ନୂତନ ଯାତ୍ରା ଆରମ୍ଭ ହୋଇଛି । ଏଲୋନ୍ ମସ୍କଙ୍କ ଟ୍ୱିଟ୍ ଅନୁଯାୟୀ ପୁରୁଣା ଲୋଗୋ ପକ୍ଷୀ ଏବଂ ବ୍ରାଣ୍ଡ ଧୀରେ ଧୀରେ ପର୍ଯ୍ୟାୟକ୍ରମେ ବନ୍ଦ ହୋଇଯିବ। ଟୁଇଟରକୁ X ନାମରେ ବଦଳାଇବାକୁ ଏଲୋନ୍ ମସ୍କ ତାଙ୍କ କର୍ମଚାରୀମାନଙ୍କୁ କହିଛନ୍ତି। ମସ୍କ ବର୍ତ୍ତମାନ ନୂଆ ୟୁଜର୍ ଇଣ୍ଟରଫେସ୍ ପାଇଁ କିଛି ଘୋଷଣା କରି ନାହାଁନ୍ତି ।କିନ୍ତୁ ଏହା ସମ୍ଭବ ଯେ କମ୍ପାନୀ ଶୀଘ୍ର ଏକ ନୂତନ ୟୁଜର୍ ଇଣ୍ଟରଫେସ୍ ଆଣିପାରେ ।