ଆଲର୍ଟ ହେଲା LIC! ଆଦାନୀ ଗ୍ରୁପ ଉପରେ ନେବ ଆକ୍ସନ, ଜାଣନ୍ତୁ କ`ଣ ରହିଛି ଏହାର ପ୍ଲାନ୍

LIC On Adani Group: ଗୌତମ ଆଦାନୀ ଗ୍ରୁପରେ LIC ମୋଟ ୩୦,୧୨୭ କୋଟି ଟଙ୍କା ନେବେଶ କରିଛି । ଆଦାନୀ ଗ୍ରୁପର ସେୟାର କିଣି ବୀମା କମ୍ପାନୀ କ୍ଷତିରେ ନାହିଁ । ଏହାର ବର୍ତ୍ତମାନ ସ୍ଥିତି ୨୬,୦୦୦ କୋଟି ଟଙ୍କା ଲାଭ ସ୍ଥିତିରେ ଅଛି । LIC ର ପୁଞ୍ଜି ନିବେଶର ମୋଟ ମୂଲ୍ୟ ୫୬,୧୪୨ କୋଟି ଟଙ୍କା ।

LIC On Adani Group: ଆମେରିକୀୟ ରିସର୍ଚ୍ଚ ସଂସ୍ଥା ହିନ୍ଦେନବର୍ଗର ଏକ ରିପୋର୍ଟ (Hindenburg report) ଆଦାନୀ ଗ୍ରୁପର (Adani Group) ସମସ୍ୟାକୁ ବଢ଼ାଇ ଚାଲିଛି । ଗୌତମ ଆଦାନୀ (Gautam Adan) ଗୋଟିଏ ପରେ ଗୋଟିଏ ଅନେକ ବଡ଼ ସମସ୍ୟାର ସମ୍ମୁଖୀନ ହେଉଛନ୍ତି । ସେ ବିଶ୍ୱର ଶ୍ରେଷ୍ଠ -୧୦ ଧନୀ ତାଲିକାରୁ ମଧ୍ୟ ତଳକୁ ଖସି ଆସିଛନ୍ତି । ବର୍ତ୍ତମାନ ତାଙ୍କ ପାଇଁ ଆଉ ଏକ ଖରାପ ଖବର ଅଛି । ଭାରତର ବୃହତ୍ତମ ଜୀବନ ବୀମା ନିଗମର (Life Insurance Corporation) ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଗୌତମ ଆଦାନୀ ଗ୍ରୁପକୁ ବର୍ତ୍ତମାନ ହିନ୍ଦନବର୍ଗ ରିପୋର୍ଟ ଉପରେ ଏକ ସ୍ପଷ୍ଟୀକରଣ ଦେବାକୁ ପଡିବ । ବୀମା କମ୍ପାନୀ ଗତ କିଛି ବର୍ଷ ମଧ୍ୟରେ ୩୦,୧୨୭ କୋଟି ଟଙ୍କା ମୂଲ୍ୟର ଆଦାନୀ ଗ୍ରୁପର ଅଂଶଧନ କିଣିଛି । ଜାନୁଆରୀ ୨୭ ସୁଦ୍ଧା ସେହି ସେୟାରଗୁଡିକର ମୂଲ୍ୟ ୫୬,୧୪୨ କୋଟି ଟଙ୍କା ରହିଥିଲା ।

ଇକ୍ୱିଟି ଓ ଲୋନ୍ ଅଧୀନରେ ଆଦାନୀ ଗ୍ରୁପରେ ଏହାର ମୋଟ ଅଂଶ ୩୫,୯୧୭ କୋଟି ଟଙ୍କା ଲାଗିଛି ବୋଲି ଏଲଆଇସି କହିଛି । ଏଲଆଇସି କହିଛି ଯେ ଆଦାନୀ ଗ୍ରୁପରେ ଏହାର ନିବେଶ ହେଉଛି ମୋଟ ସମ୍ପତ୍ତିର ୦.୯୭୫ ପ୍ରତିଶତ । ଆଦାନୀଙ୍କୁ ସମସ୍ତ ଲୋନ ସିକ୍ୟୁରିଟି 'AA' ଉପରେ ରେଟିଂ କରାଯାଇଛି । ନିବେଶ ପାଇଁ ନିୟାମକ (IRDAI) ଦ୍ୱାରା ନିର୍ଦ୍ଧାରିତ ସମସ୍ତ ସର୍ତ୍ତଗୁଡିକ ବୀମା ପୂରଣ କରେ । ଜାଣନ୍ତୁ LIC କାହିଁକି ୫ଟି ପଏଣ୍ଟରେ ଆଦାନୀ ଗ୍ରୁପ୍ ର ଖବର ନେବାକୁ ନେବାକୁ ଯାଉଛି । ଗୌତମ ଆଦାନୀ ଗ୍ରୁପରେ LIC ମୋଟ ୩୦,୧୨୭ କୋଟି ଟଙ୍କା ନେବେଶ କରିଛି । ଆଦାନୀ ଗ୍ରୁପର ସେୟାର କିଣି ବୀମା କମ୍ପାନୀ କ୍ଷତିରେ ନାହିଁ । ଏହାର ବର୍ତ୍ତମାନ ସ୍ଥିତି ୨୬,୦୦୦ କୋଟି ଟଙ୍କା ଲାଭ ସ୍ଥିତିରେ ଅଛି । LIC ର ପୁଞ୍ଜି ନିବେଶର ମୋଟ ମୂଲ୍ୟ ୫୬,୧୪୨ କୋଟି ଟଙ୍କା ।

LIC ହିନ୍ଦେନବର୍ଗ ରିସର୍ଚ୍ଚ ରିପୋର୍ଟ ଉପରେ ଆଦାନୀ ଗ୍ରୁପକୁ ପ୍ରଶ୍ନ ପଚାରିବ । ଆଦାନୀ ଗ୍ରୁପ୍ ବିରୁଦ୍ଧରେ ଷ୍ଟକ୍ ମନିପୁଲେସନ୍ ଓ ଠକେଇ ଅଭିଯୋଗ ହୋଇଛି । ଯେଉଁଥିପାଇଁ ଆଦାନୀଙ୍କ ସେୟାରଗୁଡିକ କ୍ରମାଗତ ଭାବେ ହ୍ରାସ ପାଉଛି । LIC ମୋଟ ୫୬,୧୪୨ କୋଟି ଟଙ୍କା ମୂଲ୍ୟର ଆଦାନୀ ଗ୍ରୁପରୁ ସେୟାର କିଣିଛି । ବର୍ତ୍ତମାନ ବୀମା କମ୍ପାନୀ ୨୬,୦୦୦ କୋଟି ଟଙ୍କା ଲାଭ ସ୍ଥିତିରେ ଅଛି । ଏହା LIC ର ମୋଟ ସମ୍ପତ୍ତି ଅଣ୍ଡର ମ୍ୟାନେଜମେଣ୍ଟ (AUM) ର ୦.୯୭୫ ପ୍ରତିଶତ ଅଟେ ।

LIC କହିଛି ଯେ କମ୍ପାନୀ କୌଣସି ନିବେଶ ସୂଚନା ସାର୍ବଜନୀନ କରେ ନାହିଁ । ଆଦାନୀ ଗ୍ରୁପରେ ପୁଞ୍ଜି ନିବେଶ ବିଷୟରେ ଗୁଜବର ବଜାର ଗରମ, ତେଣୁ ଆଦାନୀ ଗ୍ରୁପ୍ କମ୍ପାନୀଗୁଡିକରେ ସେୟାର ଓ ପୁଞ୍ଜି ନିବେଶ ବିଷୟରେ ସୂଚନା ସେୟାର କରଯାଉଛି ।

ହିନ୍ଦେନବର୍ଗ ହେଉଛି ଏକ ନିବେଶ ରିସର୍ଚ୍ଚ ସଂସ୍ଥା କିମ୍ବା ଫରେନସିକ୍ ଇକୋନୋମି ରିସର୍ଚ୍ଚ ସଂସ୍ଥା । ଏହା ଫାର୍ମ ଇକ୍ୱିଟି, କ୍ରେଡିଟ୍ ଓ ଡେରିଭେଟିଭ୍ ଉପରେ ରିସର୍ଚ୍ଚ ରିପୋର୍ଟ ଆଣିଥାଏ । ହିନ୍ଦେନବର୍ଗ ' How The World's Third Richest Man Is Pulling The Largest Con In Corporate History' ଶୀର୍ଷକରେ ଏକ ରିପୋର୍ଟ ପ୍ରକାଶ କରିଛନ୍ତି । ରିପୋର୍ଟରେ କୁହାଯାଇଛି ଯେ ଆଦାନୀ ଗ୍ରୁପ୍ ଦଶନ୍ଧି ଧରି ସେୟାରରେ ଅନିୟମିତତା କରି ଠକେଇ କରିଆସୁଛି । ଏହି ରିପୋର୍ଟ ଆସିବା ପରଠାରୁ, ଅଦାନୀ ଗ୍ରୁପର ସେୟାରଗୁଡିକ କ୍ଷିପ୍ର ଗତିରେ ହ୍ରାସ ପାଇବାରେ ଲାଗିଛି ।