Chandigarh News: ਚੰਡੀਗੜ੍ਹ `ਚ ਬਣੇਗਾ ਐਨਆਈਏ ਅਤੇ ਈਡੀ ਦਾ ਦਫ਼ਤਰ, ਜ਼ਮੀਨ ਅਲਾਟ

Chandigarh News: ਹੁਣ ਜਲਦ ਹੀ ਚੰਡੀਗੜ੍ਹ ਵਿੱਚ ਐਨਆਈਏ, ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਦੇ ਦਫਤਰ ਅਤੇ ਲੱਦਾਖ ਭਵਨ ਦੀ ਉਸਾਰੀ ਕੀਤੀ ਜਾਵੇਗੀ।

Chandigarh News(Manoj Joshi): ਚੰਡੀਗੜ੍ਹ ਵਿੱਚ ਐਨਆਈਏ,  ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਅਤੇ ਲੱਦਾਖ ਭਵਨ ਬਣਾਉਣ ਦਾ ਰਸਤਾ ਸਾਫ ਹੋ ਗਿਆ ਹੈ। ਚੰਡੀਗੜ੍ਹ ਪ੍ਰਸ਼ਾਸਨ ਵੱਲੋਂ ਈਡੀ, ਐਨਆਈਏ ਅਤੇ ਲੱਦਾਖ ਭਵਨ ਦੀ ਉਸਾਰੀ ਲਈ ਜ਼ਮੀਨ ਅਲਾਟ ਕਰ ਦਿੱਤੀ ਗਈ ਹੈ।

ਐਨਆਈਏ ਦਫਤਰ ਲਈ ਇੰਡਸਟ੍ਰੀਅਲ ਏਰੀਆ ਫੇਸ-2 ਵਿੱਚ ਦੋ ਏਕੜ ਜ਼ਮੀਨ 68.17 ਕਰੋੜ ਵਿੱਚ ਦਿੱਤੀ ਗਈ ਹੈ।  ਜਦਕਿ ਈਡੀ ਦੇ ਦਫਤਰ ਦੀ ਉਸਾਰੀ ਲਈ ਸੈਕਟਰ-38 ਵੈਸਟ ਵਿੱਚ 1.73 ਏਕੜ ਜ਼ਮੀਨ 59.13 ਰੁਪਏ ਵਿੱਚ ਅਲਾਟ ਕੀਤੀ ਗਈ ਹੈ। ਇਸ ਪ੍ਰਕਾਰ ਲੱਦਾਖ ਭਵਨ ਦੀ ਉਸਾਰੀ ਲਈ ਚੰਡੀਗੜ੍ਹ ਦੇ ਸੈਕਟਰ 33 ਵਿੱਚ 1.72 ਏਕੜ ਜ਼ਮੀਨ 61.88 ਕਰੋੜ ਰੁਪਏ ਵਿੱਚ ਅਲਾਟ ਕੀਤੀ ਗਈ ਹੈ।

ਪ੍ਰਸ਼ਾਸਨ ਨੇ ਪਹਿਲਾਂ ਸੈਕਟਰ 38 ਵਿੱਚ 1 ਏਕੜ ਤੋਂ ਵੱਧ ਦੀ ਸ਼ਨਾਖਤ ਕੀਤੀ ਸੀ। ਏਜੰਸੀ ਉਪਲਬਧ ਥਾਂ ਤੋਂ ਸੰਤੁਸ਼ਟ ਨਹੀਂ ਸੀ ਅਤੇ ਉਸ ਨੇ ਜ਼ਮੀਨ ਦੇ ਇੱਕ ਵੱਡੇ ਟੁਕੜੇ ਲਈ ਬੇਨਤੀ ਕੀਤੀ ਸੀ ਕਿਉਂਕਿ ਯੂਟੀ ਸ਼ਾਖਾ ਦੀ ਅਗਵਾਈ ਇੱਕ ਇੰਸਪੈਕਟਰ ਜਨਰਲ (ਆਈਜੀ) ਰੈਂਕ ਦੇ ਅਧਿਕਾਰੀ ਦੁਆਰਾ ਕੀਤੀ ਜਾਵੇਗੀ। ਇੰਸਪੈਕਟਰ ਜਨਰਲ (ਡੀ.ਆਈ.ਜੀ.) ਅਤੇ ਦੋ ਪੁਲਿਸ ਸੁਪਰਡੈਂਟ (ਐਸ.ਪੀ.) ਦੀ ਸਮੀਖਿਆ ਮਗਰੋਂ ਯੂਟੀ ਨੇ ਉਦਯੋਗਿਕ ਖੇਤਰ ਸਾਈਟ ਦੀ ਪਛਾਣ ਕੀਤੀ। ਇਹ ਜਗ੍ਹਾ ਸ਼ਹਿਰ ਦੇ ਕੇਂਦਰ ਵਿੱਚ ਸਥਿਤ ਹੈ ਅਤੇ ਰੇਲਵੇ ਸਟੇਸ਼ਨ ਤੇ ਹਵਾਈ ਅੱਡੇ ਦੇ ਵੀ ਨੇੜੇ ਹੈ।

ਇਹ ਵੀ ਪੜ੍ਹੋ : Punjab Weather News: ਅੱਤ ਦੀ ਠੰਢ ਤੇ ਸੰਘਣੀ ਧੁੰਦ ਕਾਰਨ ਰੇਲਗੱਡੀਆਂ ਪ੍ਰਭਾਵਿਤ; ਦੇਖੋ ਦੇਰੀ ਨਾਲ ਚੱਲ ਰਹੀਆਂ ਟ੍ਰੇਨਾਂ ਦੀ ਸੂਚੀ

ਇਸੇ ਤਰ੍ਹਾਂ, ਅਧਿਕਾਰੀਆਂ ਨੇ ਆਪਣਾ ਖੇਤਰੀ ਦਫ਼ਤਰ ਸਥਾਪਤ ਕਰਨ ਲਈ 59.13 ਕਰੋੜ ਰੁਪਏ ਦੀ ਲਾਗਤ ਨਾਲ ਸੈਕਟਰ 38 (ਵੈਸਟ) ਵਿਖੇ ਲਗਭਗ 1.735 ਏਕੜ ਜ਼ਮੀਨ ਅਲਾਟ ਕਰਨ ਲਈ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੂੰ ਇਰਾਦਾ ਪੱਤਰ ਜਾਰੀ ਕੀਤਾ ਹੈ। ਦਫ਼ਤਰ ਤੋਂ ਇਲਾਵਾ ਇਮਾਰਤੀ ਕੰਪਲੈਕਸ ਵਿੱਚ ਸਟਾਫ਼ ਦੀਆਂ ਰਿਹਾਇਸ਼ਾਂ ਵੀ ਹੋਣ ਦੀ ਸੰਭਾਵਨਾ ਹੈ। ਫਿਲਹਾਲ ਈਡੀ ਦਾ ਦਫ਼ਤਰ ਸੈਕਟਰ 18 ਸਥਿਤ ਪ੍ਰੈਸ ਬਿਲਡਿੰਗ ਵਿੱਚ ਹੈ।

ਪ੍ਰਸ਼ਾਸਨ ਨੇ ਸੈਕਟਰ 33-ਸੀ ਵਿੱਚ ਲੱਦਾਖ ਭਵਨ ਦੇ ਨਿਰਮਾਣ ਲਈ 61.88 ਕਰੋੜ ਰੁਪਏ ਦੀ ਲਾਗਤ ਨਾਲ 1.72 ਏਕੜ ਦਾ ਪਲਾਟ ਵੀ ਅਲਾਟ ਕੀਤਾ ਹੈ। ਇਹ ਕੇਂਦਰ ਸ਼ਾਸਤ ਪ੍ਰਦੇਸ਼ ਲੱਦਾਖ ਦੀ ਲੰਬੇ ਸਮੇਂ ਤੋਂ ਮੰਗ ਸੀ। ਇਸ ਦਾ ਸ਼ਹਿਰ ਦਾ ਦੌਰਾ ਕਰਨ ਵਾਲੇ ਲੱਦਾਖ ਦੇ ਮਰੀਜ਼ਾਂ, ਵਿਦਿਆਰਥੀਆਂ ਅਤੇ ਅਧਿਕਾਰੀਆਂ ਨੂੰ ਫਾਇਦਾ ਹੋਵੇਗਾ। ਲੱਦਾਖ ਅਧਿਕਾਰੀਆਂ ਨੇ ਇਸ ਰਕਮ ਚੰਡੀਗੜ੍ਹ ਪ੍ਰਸ਼ਾਸਨ ਨੂੰ ਭੁਗਤਾਨ ਕਰ ਦਿੱਤਾ ਗਿਆ ਹੈ।