`ਪਤੀ ਦਾ ਕਤਲ ਕਿਵੇਂ ਕਰੀਏ`, ਲੇਖ ਲਿਖਣ ਵਾਲੀ ਪਤਨੀ ਨੂੰ ਅਦਾਲਤ ਨੇ ਸੁਣਾਈ ਸਜ਼ਾ, ਆਪਣੇ ਪਤੀ ਦਾ ਕੀਤਾ ਕਤਲ

ਚੰਡੀਗੜ: ਆਪਣੇ ਪਤੀ ਨੂੰ ਕਿਵੇਂ ਮਾਰਨਾ ਹੈ’ ਲੇਖ ਲਿਖਣ ਵਾਲੀ ਲੇਖਿਕਾ ਨੂੰ ਆਪਣੇ ਹੀ ਪਤੀ ਦੇ ਕਤਲ ਦੇ ਦੋਸ਼ ਵਿੱਚ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਲੇਖਿਕਾ ਨੈਨਸੀ ਕ੍ਰੈਂਪਟਨ ਬਰੋਫੀ ਨੇ 'ਹਾਊ ਟੂ ਮਰਡਰ ਯੂਅਰ ਹਸਬੈਂਡ' ਨਾਂ ਦਾ ਲੇਖ ਲਿਖਿਆ। ਇਸ ਲੇਖ ਨੂੰ ਲਿਖਣ ਤੋਂ ਕਈ ਸਾਲਾਂ ਬਾਅਦ, ਨੈਨਸੀ ਨੇ ਆਪਣੇ ਹੀ ਪਤੀ ਨੂੰ ਗੋਲੀ ਮਾਰ ਕੇ ਮਾਰ ਦਿੱਤਾ। ਓਰੇਗਨ ਦੇ ਇੱਕ ਜੱਜ ਨੇ ਹੁਣ ਨੈਨਸੀ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ।

ਨੈਨਸੀ ਕ੍ਰੋਮਪਟਨ-ਬ੍ਰੌਫੀ ਨੂੰ ਪਤੀ ਦੇ ਕਤਲ ਦੇ ਦੋਸ਼ ਹੇਠ ਗ੍ਰਿਫਤਾਰ ਕੀਤਾ ਗਿਆ

ਨੈਨਸੀ ਕ੍ਰੋਮਪਟਨ-ਬ੍ਰੋਫੀ ਪਤੀ ਦੇ ਕਤਲ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਨੈਨਸੀ ਕ੍ਰੋਮਪਟਨ-ਬ੍ਰੋਫੀ ਇੱਕ ਰੋਮਾਂਟਿਕ ਨਾਵਲ ਲੇਖਕ ਹੈ ਜਿਸਨੇ ਰੋਮਾਂਸ ਅਤੇ ਸਸਪੈਂਸ 'ਤੇ ਕਈ ਕਿਤਾਬਾਂ ਲਿਖੀਆਂ ਹਨ। ਉਸ ਦੀਆਂ ਕੁਝ ਕਿਤਾਬਾਂ ਐਮਾਜ਼ਾਨ ਦੀ ਵਿਕਰੀ ਵਿਚ ਵੀ ਚੁਣੀਆਂ ਗਈਆਂ ਸਨ। ‘ਦ ਓਰੇਗੋਨੀਅਨ’ ਮੁਤਾਬਕ ਸਾਲ 2011 ਵਿੱਚ ਉਸ ਨੇ ‘ਪਤੀ ਨੂੰ ਕਿਵੇਂ ਮਾਰਿਆ ਜਾਵੇ’ ਸਿਰਲੇਖ ਵਾਲਾ 700 ਸ਼ਬਦਾਂ ਦਾ ਲੇਖ ਲਿਖਿਆ। ਬਾਅਦ ਵਿੱਚ ਉਸਨੇ ਨਾਵਲ ਵੀ ਲਿਖੇ। ਨੈਨਸੀ  ਨੂੰ ਦੂਜੇ ਦਰਜੇ ਦੇ ਕਤਲ ਦਾ ਦੋਸ਼ੀ ਪਾਇਆ ਗਿਆ ਸੀ। ਜਿਊਰੀ ਨੇ ਪਾਇਆ ਕਿ ਉਸਨੇ $1.5 ਮਿਲੀਅਨ ਦੇ ਜੀਵਨ ਬੀਮਾ ਭੁਗਤਾਨ ਲਈ 2018 ਵਿਚ ਆਪਣੇ ਪਤੀ ਨੂੰ ਗੋਲੀ ਮਾਰ ਦਿੱਤੀ ਸੀ। ਨੈਨਸੀ ਨੋਵਲ ਨੇ 'ਦਿ ਰਾਂਗ ਹਸਬੈਂਡ' ਅਤੇ 'ਦਿ ਰਾਂਗ ਲਵਰ' ਵੀ ਲਿਖੀਆਂ ਹਨ।

ਕਤਲ ਕਰਨ ਦੇ ਕਈ ਤਰੀਕੇ ਦੱਸੇ

ਨੈਨਸੀ ਨੇ ਇਕ ਬਲਾਗ ਵਿਚ ਆਪਣੇ ਪਤੀ ਨੂੰ ਮਾਰਨ ਦੇ ਕਈ ਸੰਭਾਵੀ ਤਰੀਕਿਆਂ ਦਾ ਜ਼ਿਕਰ ਕੀਤਾ ਸੀ। ਉਸਨੇ ਬੰਦੂਕ, ਚਾਕੂ, ਜ਼ਹਿਰ ਵਰਗੇ ਕਈ ਤਰੀਕਿਆਂ ਬਾਰੇ ਲਿਖਿਆ। ਕ੍ਰੈਂਪਟਨ ਨੇ ਕਿਹਾ, 'ਲੋਕਾਂ ਨੂੰ ਅਸਲ ਵਿੱਚ ਮਾਰਨ ਨਾਲੋਂ ਮੌਤ ਦੀ ਕਾਮਨਾ ਕਰਨਾ ਸੌਖਾ ਹੈ।

ਪਤੀ ਦੀ ਗੋਲੀ ਮਾਰ ਕੇ ਹੱਤਿਆ

ਨੈਨਸੀ ਦਾ ਪਤੀ ਡੈਨੀਅਲ ਬ੍ਰੋਫੀ ਓਰੇਗਨ ਇੰਸਟੀਚਿਊਟ ਵਿਚ ਸ਼ੈੱਫ ਅਤੇ ਅਧਿਆਪਕ ਸੀ। ਉਸ ਨੂੰ ਜੂਨ 2018 ਵਿਚ ਇੰਸਟੀਚਿਊਟ ਦੀ ਰਸੋਈ ਵਿਚ ਦੋ ਵਾਰ ਗੋਲੀ ਮਾਰ ਦਿੱਤੀ ਗਈ ਸੀ। ਕ੍ਰੈਂਪਟਨ ਬਰੋਫੀ ਨੂੰ ਕਤਲ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ। ਨੈਨਸੀ ਨੇ ਆਪਣੇ ਪਤੀ ਦੇ ਕਤਲ ਤੋਂ ਕਈ ਸਾਲ ਪਹਿਲਾਂ 'ਹਾਊ ਟੂ ਕਿਲ ਏ ਹਸਬੈਂਡ' ਸਿਰਲੇਖ ਵਾਲਾ ਲੇਖ ਲਿਖਿਆ ਸੀ। ਇਸ ਲੇਖ ਨੇ ਲੋਕਾਂ ਦਾ ਬਹੁਤ ਧਿਆਨ ਖਿੱਚਿਆ।