Punjab News: ਅੰਮ੍ਰਿਤਸਰ `ਚ BSF ਜਵਾਨਾਂ ਨੂੰ ਮਿਲੀ ਵੱਡੀ ਕਾਮਯਾਬੀ; 5 ਕਰੋੜ ਹੈਰੋਇਨ ਬਰਾਮਦ
Punjab News: ਇਹ ਖੇਪ ਬੋਤਲਾਂ ਵਿੱਚ ਸੁੱਟੀ ਗਈ ਸੀ। ਦੋਵਾਂ ਬੋਤਲਾਂ `ਤੇ ਹੁੱਕ ਲੱਗੇ ਹੋਏ ਸਨ, ਜਿਸ ਤੋਂ ਇਹ ਸਪੱਸ਼ਟ ਹੋ ਗਿਆ ਸੀ ਕਿ ਇਹ ਡਰੋਨ ਤੋਂ ਹੀ ਸੁੱਟੀ ਜਾ ਸਕਦੀ ਸੀ।
Punjab News: ਪੰਜਾਬ ਵਿੱਚ ਸੀਮਾ ਸੁਰੱਖਿਆ ਬਲ (ਬੀਐਸਐਫ) ਨੇ ਇੱਕ ਵਾਰ ਫਿਰ ਪਾਕਿਸਤਾਨੀ ਤਸਕਰਾਂ ਦੀ ਕੋਸ਼ਿਸ਼ ਨੂੰ ਨਾਕਾਮ ਕਰ ਦਿੱਤਾ ਹੈ। ਇਸ ਵਾਰ ਬੀਐਸਐਫ ਦੇ ਜਵਾਨਾਂ ਨੇ 5.6 ਕਰੋੜ ਰੁਪਏ ਦੀ ਹੈਰੋਇਨ ਫੜੀ ਤਾਂ ਖੇਪ ਚੁੱਕਣ ਆਏ ਸਮੱਗਲਰ ਨੂੰ ਆਪਣਾ ਸਾਈਕਲ ਛੱਡ ਕੇ ਭੱਜਣਾ ਪਿਆ। ਮੋਟਰਸਾਈਕਲ ਦੇ ਆਧਾਰ 'ਤੇ ਤਸਕਰ ਦੀ ਪਛਾਣ ਕਰਨ ਦੇ ਯਤਨ ਕੀਤੇ ਜਾ ਰਹੇ ਹਨ।
ਬੀਐਸਐਫ ਨੇ ਇਹ ਖੇਪ ਅੰਮ੍ਰਿਤਸਰ ਸਰਹੱਦ ਦੇ ਸਰਹੱਦੀ ਪਿੰਡ ਮੋੜ ਤੋਂ ਬਰਾਮਦ ਕੀਤੀ ਹੈ। ਬੀਐਸਐਫ ਜਵਾਨਾਂ ਨੂੰ ਸੂਚਨਾ ਮਿਲੀ ਸੀ ਕਿ ਪਾਕਿਸਤਾਨ ਤੋਂ ਇੱਕ ਭਾਰਤੀ ਤਸਕਰ ਕੋਲ ਹੈਰੋਇਨ ਦੀ ਖੇਪ ਆਈ ਹੈ, ਜਿਸ ਨੂੰ ਉਹ ਲੈਣ ਆਇਆ ਸੀ। ਇਸ ਤੋਂ ਬਾਅਦ ਬੀਐਸਐਫ ਦੇ ਜਵਾਨ ਚੌਕਸ ਹੋ ਗਏ ਅਤੇ ਮੋਡ ਦੇ ਖੇਤਾਂ ਵਿੱਚੋਂ ਡਰੋਨ ਰਾਹੀਂ ਸੁੱਟੀ ਗਈ ਖੇਪ (Heroin Smuggling) ਨੂੰ ਬਰਾਮਦ ਕਰ ਲਿਆ। ਇਹ ਖੇਪ ਬੋਤਲਾਂ ਵਿੱਚ ਸੁੱਟੀ ਗਈ ਸੀ। ਦੋਵਾਂ ਬੋਤਲਾਂ 'ਤੇ ਹੁੱਕ ਲੱਗੇ ਹੋਏ ਸਨ, ਜਿਸ ਤੋਂ ਇਹ ਸਪੱਸ਼ਟ ਹੋ ਗਿਆ ਸੀ ਕਿ ਇਹ ਡਰੋਨ ਤੋਂ ਹੀ ਸੁੱਟੀ ਜਾ ਸਕਦੀ ਸੀ।
ਇਹ ਵੀ ਪੜ੍ਹੋ: Punjab News: ਅੰਮ੍ਰਿਤਸਰ 'ਚ ਦੋ ਧਿਰਾਂ ਦੇ ਵਿੱਚ ਹੋਈ ਜ਼ਬਰਦਸਤ ਲੜਾਈ, ਚਲਾਏ ਗਏ ਇੱਟਾਂ ਰੋੜੇ ਤੇ ਚੱਲੀ ਗੋਲੀ
ਖੇਪ ਮਿਲਣ ਤੋਂ ਬਾਅਦ ਬੀਐਸਐਫ (BSF) ਦੇ ਜਵਾਨ ਚੌਕਸ ਹੋ ਗਏ ਅਤੇ ਇਲਾਕੇ ਦੀ ਘੇਰਾਬੰਦੀ ਕਰ ਲਈ। ਇਸ ਦੌਰਾਨ ਉਸ ਨੂੰ ਇੱਕ ਸ਼ੱਕੀ ਮੋਟਰਸਾਈਕਲ ਖੜ੍ਹਾ ਮਿਲਿਆ। ਬੀਐਸਐਫ ਜਵਾਨਾਂ ਦਾ ਅੰਦਾਜ਼ਾ ਹੈ ਕਿ ਇਹ ਬਾਈਕ ਨਸ਼ਾ ਤਸਕਰ ਦੀ ਹੋ ਸਕਦੀ ਹੈ, ਜਿਸ 'ਤੇ ਉਹ ਇਹ ਖੇਪ ਲੈਣ ਆਇਆ ਸੀ। ਸਥਾਨਕ ਪੁਲਿਸ ਦੀ ਮਦਦ ਨਾਲ ਬਾਈਕ ਮਾਲਕ ਨੂੰ ਫੜਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ: Punjab Accident News: ਸਕੂਲ ਵੈਨ ਤੇ ਛੋਟੇ ਹਾਥੀ ਦੀ ਹੋਈ ਭਿਆਨਕ ਟੱਕਰ, ਸਰਕਾਰੀ ਸਕੂਲ ਦੇ 7 ਬੱਚੇ ਜ਼ਖ਼ਮੀ
ਮਿਲੀ ਜਾਣਕਾਰੀ ਦੇ ਅਨੁਸਾਰ ਕਿਹਾ ਜਾ ਰਿਹਾ ਹੈ ਕਿ ਡਰੋਨ ਰਾਹੀਂ ਹੈਰੋਇਨ ਸੁੱਟੀ ਗਈ ਹੈ ਅਤੇ ਕੋਕਾ ਕੋਲਾ ਦੀ ਬੋਤਲ ਵਿੱਚ ਹੈਰੋਇਨ (Heroin Smuggling) ਸੁੱਟੀ ਹੋਈ ਬਰਾਮਦ ਹੋਈ ਹੈ। ਅਕਸਰ ਪਹਿਲਾਂ ਵੀ ਦੇਖਿਆ ਗਿਆ ਹੈ ਕਿ ਪਾਕਿਸਤਾਨ ਤੋਂ ਡਰੋਨ ਰਾਹੀਂ ਹੈਰੋਇਨ ਸੁੱਟੀ ਜਾਂਦੀ ਹੈ।