Eng Vs Aug T20 Match: ਟ੍ਰੈਵਿਸ ਹੈੱਡ ਨੇ ਦਿਨ `ਚ ਸੈਮ ਕਰਨ ਨੂੰ ਦਿਖਾਏ ਦਿਨ ਤਾਰੇ, ਇੱਕ ਓਵਰ ਵਿੱਚ ਠੋਕ ਦਿੱਤੇ 4,4,6,6,6,4

Eng Vs Aug T20 Match: ਹੈੱਡ ਤੋਂ ਇਲਾਵਾ ਆਸਟ੍ਰੇਲੀਆ ਲਈ ਮੈਥਿਊ ਸ਼ਾਰਟ ਨੇ 26 ਗੇਂਦਾਂ `ਤੇ 41 ਦੌੜਾਂ ਬਣਾਈਆਂ। ਜੋਸ਼ ਇੰਗਲਿਸ਼ ਨੇ 27 ਗੇਂਦਾਂ `ਤੇ 37 ਦੌੜਾਂ ਬਣਾਈਆਂ।

Eng Vs Aug T20 Match: ਆਸਟ੍ਰੇਲੀਆਈ ਸਲਾਮੀ ਬੱਲੇਬਾਜ਼ ਟ੍ਰੈਵਿਸ ਹੈਡ ਨੇ ਬੁੱਧਵਾਰ ਨੂੰ ਸਾਊਥੈਂਪਟਨ ਵਿੱਚ ਇੰਗਲੈਂਡ ਦੇ ਖਿਲਾਫ ਪਹਿਲੇ ਟੀ-20 ਦੌਰਾਨ ਪਾਵਰ ਹਿੱਟਿੰਗ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਹੈਡ ਨੇ ਸਿਰਫ 19 ਗੇਂਦਾਂ 'ਚ ਅਰਧ ਸੈਂਕੜੇ ਦੀ ਪਾਰੀ ਖੇਡੀ। ਹੈੱਡ ਦੀ ਪਾਰੀ ਦੀ ਬਦੌਲਤ ਆਸਟਰੇਲੀਆ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 19.3 ਓਵਰਾਂ ਵਿੱਚ 179 ਦੌੜਾਂ ਬਣਾਈਆਂ। ਜਵਾਬ 'ਚ ਮੇਜ਼ਬਾਨ ਇੰਗਲੈਂਡ ਦੀ ਟੀਮ 19.2 ਓਵਰਾਂ 'ਚ 151 ਦੌੜਾਂ ਹੀ ਬਣਾ ਸਕੀ। ਉਸ ਨੂੰ 28 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਹੈੱਡ ਨੂੰ ਪਲੇਅਰ ਆਫ ਦਾ ਮੈਚ ਦਾ ਐਵਾਰਡ ਦਿੱਤਾ ਗਿਆ।

ਇੰਗਲੈਂਡ ਦੇ ਕਪਤਾਨ ਫਿਲਿਪ ਸਾਲਟ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਜਿਸ ਨੂੰ ਹੈਡ ਨੇ  ਗਲਤ ਫੈਸਲਾ ਸਾਬਤ ਕਰ ਦਿੱਤਾ। ਇਸ ਬੱਲੇਬਾਜ਼ ਨੇ ਆਈਪੀਐਲ ਦੇ ਸਟਾਰ ਕਹੇ ਜਾਣ ਵਾਲੇ ਆਲਰਾਊਂਡਰ ਸੈਮ ਕਰਨ ਦੇ ਓਵਰ ਵਿੱਚ ਤਬਾਹੀ ਮਚਾਈ। ਹੈੱਡ ਨੇ ਇਸ ਓਵਰ ਵਿੱਚ 30 ਦੌੜਾਂ ਬਣਾਈਆਂ। ਉਸ ਨੇ ਪਹਿਲੀਆਂ ਦੋ ਗੇਂਦਾਂ 'ਤੇ ਦੋ ਚੌਕੇ ਜੜੇ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਲਗਾਤਾਰ ਤਿੰਨ ਛੱਕੇ ਲਗਾਏ। ਹੈੱਡ ਨੇ ਆਖਰੀ ਗੇਂਦ 'ਤੇ ਇਕ ਹੋਰ ਚੌਕਾ ਲਗਾ ਕੇ ਸੈਮ ਕਰਨ ਦੀ ਵੱਖੀਆਂ ਉਧੇੜ ਦਿੱਤੀਆਂ।

ਹੈੱਡ ਦੀ ਸਿਰਫ 23 ਗੇਂਦਾਂ ਵਿੱਚ 59 ਦੌੜਾਂ ਦੀ ਧਮਾਕੇਦਾਰ ਪਾਰੀ ਨੇ ਆਸਟਰੇਲੀਆ ਨੂੰ ਤੇਜ਼ ਸ਼ੁਰੂਆਤ ਦਿੱਤੀ ਅਤੇ ਪਾਵਰਪਲੇ ਵਿੱਚ 86 ਦੌੜਾਂ ਬਣਾਉਣ ਵਿੱਚ ਮਦਦ ਕੀਤੀ। ਉਸਦੀ ਪਾਰੀ ਵਿੱਚ ਪਾਵਰ ਅਤੇ ਪਲੇਸਮੈਂਟ ਦਾ ਮਿਸ਼ਰਣ ਸ਼ਾਮਲ ਸੀ। ਹੈੱਡ ਦੀ ਆਤਿਸ਼ਬਾਜ਼ੀ ਉਦੋਂ ਤੱਕ ਜਾਰੀ ਰਹੀ ਜਦੋਂ ਤੱਕ ਉਹ ਆਊਟ ਨਹੀਂ ਹੋਇਆ। ਉਹ ਸਾਕਿਬ ਮਹਿਮੂਦ ਦੀ ਗੇਂਦ 'ਤੇ ਜਾਰਡਨ ਕਾਕਸ ਦੇ ਹੱਥੋਂ ਕੈਚ ਹੋ ਗਿਆ। ਉਸ ਦੀ ਵਿਕਟ ਦੇ ਬਾਵਜੂਦ, ਆਸਟਰੇਲੀਆ ਨੇ ਪਾਵਰਪਲੇ ਵਿੱਚ 86 ਦੌੜਾਂ ਬਣਾਈਆਂ, ਜਿਸ ਨਾਲ ਇੰਗਲੈਂਡ ਨੇ ਬੈਕਫੁੱਟ 'ਤੇ ਖੜ੍ਹਾ ਕਰ ਦਿੱਤਾ।

ਹੈੱਡ ਤੋਂ ਇਲਾਵਾ ਆਸਟ੍ਰੇਲੀਆ ਲਈ ਮੈਥਿਊ ਸ਼ਾਰਟ ਨੇ 26 ਗੇਂਦਾਂ 'ਤੇ 41 ਦੌੜਾਂ ਬਣਾਈਆਂ। ਜੋਸ਼ ਇੰਗਲਿਸ਼ ਨੇ 27 ਗੇਂਦਾਂ 'ਤੇ 37 ਦੌੜਾਂ ਬਣਾਈਆਂ। ਕੈਮਰੂਨ ਗ੍ਰੀਨ 13 ਦੌੜਾਂ ਬਣਾ ਕੇ ਆਊਟ ਹੋਏ ਅਤੇ ਮਾਰਕਸ ਸਟੋਇਨਿਸ 10 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਇੰਗਲੈਂਡ ਲਈ ਲਿਆਮ ਲਿਵਿੰਗਸਟੋਨ ਨੇ 3 ਵਿਕਟਾਂ ਲਈਆਂ। ਜੋਫਰਾ ਆਰਚਰ ਅਤੇ ਸਾਕਿਬ ਮਹਿਮੂਦ ਨੇ 2-2 ਵਿਕਟਾਂ ਲਈਆਂ। ਸੈਮ ਕਰਨ ਅਤੇ ਆਦਿਲ ਰਾਸ਼ਿਦ ਨੂੰ 1-1 ਸਫਲਤਾ ਮਿਲੀ।

180 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਇੰਗਲੈਂਡ ਦੀ ਟੀਮ 19.2 ਓਵਰਾਂ 'ਚ 151 ਦੌੜਾਂ 'ਤੇ ਸਿਮਟ ਗਈ। ਉਸ ਲਈ ਲਿਆਮ ਲਿਵਿੰਗਸਟੋਨ ਨੇ 27 ਗੇਂਦਾਂ 'ਤੇ 37 ਦੌੜਾਂ ਬਣਾਈਆਂ ਸਨ। ਫਿਲਿਪ ਸਾਲਟ ਨੇ 20, ਸੈਮ ਕੁਰਨ ਨੇ 18, ਜੌਰਡਨ ਕਾਕਸ ਨੇ 17 ਅਤੇ ਜੈਮੀ ਓਵਰਟਨ ਨੇ 15 ਦੌੜਾਂ ਬਣਾਈਆਂ। ਆਸਟ੍ਰੇਲੀਆ ਲਈ ਸੈਮ ਐਬੋਟ ਨੇ ਸਭ ਤੋਂ ਵੱਧ 3 ਵਿਕਟਾਂ ਲਈਆਂ। ਜੋਸ਼ ਹੇਜ਼ਲਵੁੱਡ ਅਤੇ ਐਡਮ ਜ਼ੈਂਪਾ ਨੇ 2-2 ਵਿਕਟਾਂ ਹਾਸਲ ਕੀਤੀਆਂ। ਜ਼ੇਵੀਅਰ ਬਾਰਟਲੇਟ, ਕੈਮਰਨ ਗ੍ਰੀਨ, ਮਾਰਕਸ ਸਟੋਇਨਿਸ ਨੂੰ 1-1 ਸਫਲਤਾ ਮਿਲੀ। ਤਿੰਨ ਟੀ-20 ਮੈਚਾਂ ਦੀ ਸੀਰੀਜ਼ ਦਾ ਦੂਜਾ ਮੈਚ 13 ਸਤੰਬਰ ਨੂੰ ਕਾਰਡਿਫ 'ਚ ਖੇਡਿਆ ਜਾਵੇਗਾ।