NAM vs ENG Highlights: ਸੁਪਰ 8 `ਚ ਪਹੁੰਚਣ ਲਈ ਇੰਗਲੈਂਡ ਦੀ ਉਮੀਦਾਂ ਬਰਕਰਾਰ, ਨਾਮੀਬੀਆ ਨੂੰ 41 ਦੌੜਾਂ ਨਾਲ ਹਰਾਇਆ
Namibia vs England Highlights: ਇੰਗਲੈਂਡ ਨੇ ਸ਼ਨੀਵਾਰ ਨੂੰ ਮੀਂਹ ਨਾਲ ਪ੍ਰਭਾਵਿਤ ਗਰੁੱਪ ਬੀ ਦੇ ਮੈਚ ਵਿੱਚ ਨਾਮੀਬੀਆ ਨੂੰ 41 ਦੌੜਾਂ ਨਾਲ ਹਰਾ ਕੇ ਟੀ-20 ਵਿਸ਼ਵ ਕੱਪ ਦੇ ਸੁਪਰ-8 ਵਿੱਚ ਪਹੁੰਚਣ ਦੀ ਆਪਣੀ ਕੋਸ਼ਿਸ਼ ਬਰਕਰਾਰ ਰੱਖੀ। ਇੰਗਲੈਂਡ ਨੂੰ ਟੂਰਨਾਮੈਂਟ `ਚ ਜ਼ਿੰਦਾ ਰਹਿਣ ਲਈ ਜਿੱਤਣਾ ਜ਼ਰੂਰੀ ਸੀ ਅਤੇ ਇਸ ਜਿੱਤ ਨੇ ਸਕਾਟਲੈਂਡ ਨਾਲ ਅੰਕਾਂ `ਤੇ ਬਰਾਬਰੀ ਕਰ ਲਈ ਹੈ।
Namibia vs England Highlights
ਇੰਗਲੈਂਡ ਨੇ ਟੀ-20 ਵਿਸ਼ਵ ਕੱਪ ਦੇ ਸੁਪਰ-8 ਦੀਆਂ ਆਪਣੀਆਂ ਉਮੀਦਾਂ ਬਰਕਰਾਰ ਰੱਖੀਆਂ ਹਨ। ਟੀਮ ਨੇ ਸ਼ਨੀਵਾਰ ਰਾਤ ਨੂੰ ਮੀਂਹ ਨਾਲ ਪ੍ਰਭਾਵਿਤ ਮੈਚ 'ਚ ਨਾਮੀਬੀਆ ਨੂੰ 41 ਦੌੜਾਂ ਨਾਲ ਹਰਾਇਆ। ਹੁਣ ਇੰਗਲੈਂਡ ਨੂੰ ਆਸਟ੍ਰੇਲੀਆ ਅਤੇ ਸਕਾਟਲੈਂਡ ਦੇ ਮੈਚਾਂ ਦੇ ਨਤੀਜਿਆਂ 'ਤੇ ਨਿਰਭਰ ਰਹਿਣਾ ਹੋਵੇਗਾ। ਇੰਗਲਿਸ਼ ਟੀਮ ਚਾਹੇਗੀ ਕਿ ਗਰੁੱਪ ਬੀ ਦੇ ਆਖਰੀ ਮੈਚ 'ਚ ਆਸਟ੍ਰੇਲੀਆਈ ਟੀਮ ਸਕਾਟਲੈਂਡ ਨੂੰ ਹਰਾ ਦੇਣ।
3 ਘੰਟੇ ਦੇਰੀ ਨਾਲ ਸ਼ੁਰੂ ਹੋਏ ਇਸ ਮੈਚ 'ਚ ਟੀਮ ਇੰਗਲੈਂਡ ਨੂੰ ਕਿਸਮਤ, ਮੌਸਮ ਅਤੇ ਪਿੱਚ ਦਾ ਸਾਥ ਮਿਲਿਆ। ਐਂਟੀਗੁਆ ਵਿੱਚ ਰੁਕ-ਰੁਕ ਕੇ ਮੀਂਹ ਪੈ ਰਿਹਾ ਸੀ, ਜਿਸ ਕਾਰਨ ਓਵਰਾਂ ਨੂੰ ਘੱਟ ਕਰਨਾ ਪਿਆ।
Namibia vs England Score
ਨਾਮੀਬੀਆ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇੰਗਲੈਂਡ ਨੇ ਨਿਰਧਾਰਤ 10 ਓਵਰਾਂ 'ਚ 5 ਵਿਕਟਾਂ 'ਤੇ 121 ਦੌੜਾਂ ਬਣਾਈਆਂ ਪਰ DLS ਵਿਧੀ ਤਹਿਤ ਟੀਚਾ 122 ਤੋਂ ਵਧਾ ਕੇ 127 ਕਰ ਦਿੱਤਾ ਗਿਆ। ਜਵਾਬੀ ਪਾਰੀ 'ਚ ਨਾਮੀਬੀਆ ਦੀ ਸ਼ੁਰੂਆਤ ਧੀਮੀ ਰਹੀ ਅਤੇ ਟੀਮ ਨਿਰਧਾਰਤ 10 ਓਵਰਾਂ 'ਚ 3 ਵਿਕਟਾਂ 'ਤੇ 84 ਦੌੜਾਂ ਹੀ ਬਣਾ ਸਕੀ। ਹੈਰੀ ਬਰੂਕ ਪਲੇਅਰ ਆਫ ਦਿ ਮੈਚ ਰਿਹਾ। ਉਸ ਨੇ 20 ਗੇਂਦਾਂ 'ਤੇ ਅਜੇਤੂ 47 ਦੌੜਾਂ ਦੀ ਅਹਿਮ ਪਾਰੀ ਖੇਡੀ।