రాత్రి వేళ సరైన ఆహారం తినడం ద్వారా ఆరోగ్యం మెరుగుపడుతుంది. ఎందుకంటే కొన్ని రకాల పదార్ధాలు జీర్ణక్రియను అస్తవ్యస్థం చేసి నిద్రపై ప్రతికూల ప్రభావం చూపిస్తాయి.
రెడ్ చిల్లీస్, మసాలా పదార్ధాలు వంటి స్పైసీ ఫుడ్స్ గుండెలో మంట కల్గిస్తాయి. అజీర్ణానికి కారణమౌతాయి. ఇందులో ఉండే కారం కారణంగా కడుపులో యాసిడ్ సమస్య రావచ్చు.
సమోసా, పకోడీ వంటి ఫ్రైడ్ పదార్ధాలను రాత్రి వేళ తినకూడదు. ఇందులో ఫ్యాట్, గ్రీస్ అధికంగా ఉంటాయి. ఇందులో వాడే నూనె కారణంగా జీర్ణక్రియపై ప్రతికూల ప్రభావం పడుతుంది. రాత్రి అసౌకర్యంగా ఉండి నిద్రను పాడు చేస్తాయి.
కబాబ్, బటర్ చికెన్ వంటి నాన్ వెజ్ ఫుడ్స్ రాత్రి వేళ త్వరగా జీర్ణం కావు. ఇందులో ఉండే హై ప్రోటీన్లు, ఫ్యాట్ కారణంగా అజీర్తి సమస్య ఉత్పన్నమౌతుంది.
గులాబ్ జామున్, జిలేబి వంటి హై షుగర్ స్వీట్స్ రాత్రి వేళ తినకూడదు. దీనివల్ల జీర్ణం సరిగ్గా జరగక నిద్రపై ప్రతికూల ప్రభావం పడుతుంది. అసౌకర్యంగా ఉంటుంది.
టీ, కాఫీ, కోలా వంటివి కెఫీన్ అధికంగా ఉండే బెవరేజెస్ తాగకూడదు. వీటి వల్ల రాత్రి వేళ నిద్ర సరిగ్గా పట్టదు. రాత్రంతా తీవ్ర అసౌకర్యంగా ఉంటుంది.
ఇన్‌స్టంట్ నూడిల్స్ , రెడీ టు ఈట్ మీల్స్ వంటివాటిలో సోడియం ఇతర ప్రిజర్వేటివ్స్ అధికంగా ఉంటాయి. దాంతో డీ హైడ్రేషన్, బ్లోటింగ్ కు కారణమౌతాయి. నిద్రలేమికి దారితీస్తుంది.
ఆరెంజ్, లెమన్ వంటి సిట్రస్ ఫ్రూట్స్ రాత్రి వేళ తినడం వల్ల కడుపులో ఎసిడిటీ సమస్య రావచ్చు. తీవ్రంగా అసౌకర్యం ఉంటుంది. ఇది కాస్తా గుండెలో మంట, యాసిడ్ రిఫ్లక్స్ కు కారణమౌతుంది.
పన్నీరు, క్రీమీ పదార్ధాలు రాత్రి వేళ తినకూడదు. బ్లోటింగ్, కడుపులో నొప్పి వంటి సమస్యలు రావచ్చు.
కార్బోహైడ్రేట్లు అధికంగా ఉండే బ్రెడ్, పేస్ట్రీ వంటివి తినకూడదు. ఇవి బ్లడ్ షుగర్ లెవెల్స్ పెంచుతాయి. నిద్రకు ఆటంకం కల్గిస్తాయి. రాత్రంతా అసౌకర్యంగా ఉంటుంది
సాయంత్రం వేళ మద్యం తాగకూడదు. దీనిల్ల నిద్రకు భంగం కలుగుతుంది. రాత్రంతా మంచి నిద్ర పట్టినా మరుసటి రోజు తీవ్ర అలసటగా ఉంటుంది