ଆଖି ବୁଜିଲେ ସୁରେଶ ରାଇନାଙ୍କ ଭାଇ, ଅପରାଧୀଙ୍କୁ ଧରିବା ପାଇଁ ପୋଲିସକୁ ଅପିଲ କଲେ ଷ୍ଟାର ଖେଳାଳି

ନୂଆଦିଲ୍ଲୀ: ସୁରେଶ ରାଇନା (Suresh Raina) ଆଇପିଏଲ (IPL 2020) ଏବଂ ଚେନ୍ନାଇ ସୁପର କିଙ୍ଗସ (Chennai Super Kings) କୁ ଛାଡି ଭାରତ ଫେରିଛନ୍ତି । ତାଙ୍କ ଫେରିବା ପରେ ଅନେକ କଳ୍ପନାଜଳ୍ପନା କରାଯାଉଛି । ତେବେ ଚେନ୍ନାଇ ସୁପର କିଙ୍ଗ୍ସ ତାଙ୍କ ପ୍ରତ୍ୟାବର୍ତ୍ତନ ପାଇଁ ପାରିବାରିକ କାରଣ ଦର୍ଶାଇଥିଲା । କିନ୍ତୁ ଦଳର ମାଲିକ ଏନ ଶ୍ରୀନିବାସନ୍ ଏକ ଭିନ୍ନ କାରଣ ଦେଇଛନ୍ତି ।

ଅଧିକ ପଢ଼ନ୍ତୁ-କୋରୋନା ଭ୍ୟାକ୍ସିନକୁ ନେଇ ଚେତାବନୀ ଦେଲା WHO

ସେପଟେ ରାଇନା  (Suresh Raina) ମଙ୍ଗଳବାର ଟ୍ୱିଟ୍ କରି ପଞ୍ଜାବ ପୋଲିସ (Punjab Police) କୁ ନିବେଦନ କରିଛନ୍ତି । ସେ କହିଛନ୍ତି ଯେ, ପଞ୍ଜାବରେ ମୋ ପରିବାର ସହିତ ଯାହା ଘଟିଛି ତାହା ଅତ୍ୟନ୍ତ ଭୟାବହ ଥିଲା । ସେହି ସମୟରେ ମୋର ପିଉସାଙ୍କର ମୃତ୍ୟୁ ହୋଇଥିଲା । ମୋର ପିଉସୀ ଏବଂ ମୋର ସମ୍ପର୍କୀୟ ମଧ୍ୟ ଗୁରୁତର ଆହତ ହୋଇଥିଲେ । ଦୁର୍ଭାଗ୍ୟବଶତ ଜୀବନ ସହ ସଂଘର୍ଷ କରି ଗତକାଲି ରାତିରେ ମୋ ଭାଇ(ପିଉସୀଙ୍କ ପୁଅ) ଦୁନିଆକୁ ବିଦାୟ କହିଦେଇଥିଲେ । ମୋର ପିଉସୀ ଏବେ ବି ଗୁରୁତର ଅବସ୍ଥାରେ ଅଛନ୍ତି । ସେ ଭେଣ୍ଟିଲେଟରରେ ଅଛନ୍ତି ।

ଅଧିକ ପଢ଼ନ୍ତୁ-ପରିବାରରେ ହୋଇଥିବା ହତ୍ୟା କାରଣରୁ ଭାରତ ଫେରିଥିଲେ ରାଇନା !

ରାଇନା ଆହୁରି କହିଛନ୍ତି ଯେ, ବର୍ତ୍ତମାନ ପର୍ଯ୍ୟନ୍ତ ସେଦିନ ଜଣାପଡ଼ି ନାହିଁ ସେହି ରାତିରେ କ’ଣ ଘଟିଥିଲା । ମୁଁ ପଞ୍ଜାବ ପୋଲିସକୁ ଅପିଲ କରୁଛି ଯେ ସେମାନେ ଏହି ମାମଲାକୁ ଦେଖନ୍ତୁ । ସେମାନଙ୍କ ସହ ଏପରି କିଏ କରିଛନ୍ତି ତାହା ଜାଣିବାର ଅନ୍ତତଃ ପକ୍ଷେ ଅଧିକାର ଅଛି । ସେହି ଅପରାଧୀଙ୍କୁ ଆହୁରି ଅଧିକ ଅପରାଧ କରିବାକୁ ଛାଡିବା ଉଚିତ୍ ନୁହେଁ ।

ଅଧିକ ପଢ଼ନ୍ତୁ-ମୋଦି ସରକାରଙ୍କୁ ବଡ଼ ଝଟକା, GDPରେ ଐତିହାସିକ ହ୍ରାସ

ସୂଚନାଯୋଗ୍ୟ, ପଠାନକୋଟର ଥରିୟାଲ ଗାଁରେ ମଧ୍ୟରାତ୍ରିରେ ସୁରେଶ ରାଇନାଙ୍କ ସମ୍ପର୍କୀୟଙ୍କୁ ଆକ୍ରମଣ କରାଯାଇଥିଲା । ଖବର ଅନୁଯାୟୀ ଅଗଷ୍ଟ ୧୯ ରାତିରେ ପରିବାର ନିଜ ଘରର ଛାତ ଉପରେ ଶୋଇଥିଲେ । ସେହି ସମୟରେ ଅଜ୍ଞାତ ଦୁବୃର୍ତ୍ତମାନେ ଲୁଟ ଉଦ୍ଦେଶ୍ୟରେ ମାରାତ୍ମକ ଅସ୍ତ୍ରରେ ଆକ୍ରମଣ କରିଥିଲେ । ଏହି ଆକ୍ରମଣରେ ସୁରେଶ ରାଇନାଙ୍କ ପିଉସୀ ଆଶା ଦେବୀ ଗୁରୁତର ଆହତ ହୋଇଥିଲେ । ତାଙ୍କ ସ୍ୱାମୀ ୫୮ ବର୍ଷୀୟ ଅଶୋକ କୁମାରଙ୍କୁ ହତ୍ୟା କରାଯାଇଥିଲା ।

ଅଧିକ ପଢ଼ନ୍ତୁ:-ଟଳମଳ ଅର୍ଥବ୍ୟବସ୍ଥା: ଆୟ ତୁଳନାରେ ବ୍ୟୟ ଅଧିକ କରୁଛନ୍ତି ମୋଦି ସରକାର, ନିଅଣ୍ଟ ଆକାଶଛୁଆଁ

ରାଇନାଙ୍କ ପିଉସୀଙ୍କ ପୁଅ କୌଶଲ କୁମାର(୩୨) ଏବଂ ଅପିନ କୁମାର(୨୪) ମଧ୍ୟ ଗୁରୁତର ଆହତ ହୋଇଥିଲେ । ତେବେ ରାଇନା ତାଙ୍କ ଟ୍ୱିଟରେ ତାଙ୍କ ସମ୍ପର୍କୀୟଙ୍କ ମଧ୍ୟରୁ କାହାର ମୃତ୍ୟୁ ହୋଇଛି ସେ ସମ୍ପର୍କରେ ସୂଚନା ଦେଇନାହାଁନ୍ତି । ସିଏସକେର ସିଇଓ ସି.ଏସ୍ ବିଶ୍ୱନାଥନ୍ ଅଗଷ୍ଟ ୨୯ରେ ସୁରେଶ ରାଇନାଙ୍କ ଆଇପିଏଲରୁ ପ୍ରତ୍ୟାହାର ସମ୍ପର୍କରେ ସୂଚନା ଦେଇ କହିଥିଲେ ଯେ ଏହି ସମୟରେ ସମଗ୍ର ଦଳ ତାଙ୍କ ପରିବାର ସହିତ ଅଛନ୍ତି ।