କୋରୋନା ଅପେକ୍ଷା ଏହି ୬ଟି ରୋଗ ଅଧିକ ବିପଜ୍ଜନକ, କାହିଁକି ଏହାକୁ ନେଇ ଚେତାବନୀ ଦେଉଛନ୍ତି ବୈଜ୍ଞାନିକ?

ନୂଆଦିଲ୍ଲୀ: କୋରୋନା ଭୂତାଣୁ (Coronavirus) ସମଗ୍ର ବିଶ୍ୱରେ ଅନେକ ଧ୍ୱଂସ ଘଟାଇଛି । ଏହି ମାରାତ୍ମକ ଭୂତାଣୁ ନା କେବଳ ଲୋକଙ୍କ ଜୀବନ ନେଇଛି, ବରଂ ଅର୍ଥବ୍ୟବସ୍ଥାକୁ ମଧ୍ୟ ବର୍ବାଦ କରିଦେଇଛି । ତେବେ ଭ୍ୟାକ୍ସିନ (COVID-19 Vaccine) ଆସିବା ପରେ ବର୍ତ୍ତମାନ ଏହି ରୋଗରୁ ମୁକ୍ତି ପାଇବାର ଆଶା ଦେଖାଦେଇଛି । କୋଭିଡ-19 (COVID-19) ର ବିପଦକୁ ଦୃଷ୍ଟିରେ ରଖି ବର୍ତ୍ତମାନ ଏପିଡେମୋଲୋଜିଷ୍ଟ ଏବଂ ଡାକ୍ତରୀ ବିଶେଷଜ୍ଞମାନେ ଆମକୁ ଅନ୍ୟାନ୍ୟ ରୋଗ ଏବଂ ସଂକ୍ରମଣରୁ ସାବଧାନ ରହିବାକୁ ପରାମର୍ଶ ଦେଉଛନ୍ତି । ଯଦି ଆମେ ସତର୍କତା ଦେଖାଉ ନାହୁଁ, ତେବେ ଭବିଷ୍ୟତରେ ଏହା ମଧ୍ୟ ଏକ ଭୟଙ୍କର ମହାମାରୀ ଭାବରେ ଉଭା ହୋଇପାରେ । ଆସନ୍ତୁ ଆପଣଙ୍କୁ ଏପରି ୬ଟି ଜୈବିକ ଏବଂ ସାଂଘାତିକ ରୋଗ ବିଷୟରେ କହିବୁ ଯାହା କୋରୋନା ଅପେକ୍ଷା ଅଧିକ ବିପଜ୍ଜନକ ହୋଇପାରେ ।

ଅଧିକ ପଢ଼ନ୍ତୁ:-'ଅଳିଆ ପାର୍ଟିରେ ପରିଣତ ହୋଇଛି ବିଜେପି, ହାରିବା ପରେ ତାଙ୍କ ଲୋକମାନେ ମଧ୍ୟ ଟ୍ରମ୍ପ ସମର୍ଥକଙ୍କ ପରି କରିବେ ହଙ୍ଗାମା'

୧. ଇବୋଲା (Ebola)- ଆଫ୍ରିକାରୁ ବ୍ୟାପିଥିବା ଏହି ଇବୋଲାର ସଂକ୍ରମଣ ଅତି ଦ୍ରୁତ ନୁହେଁ, କିନ୍ତୁ ଏହି ଜ୍ୱର ଅତ୍ୟନ୍ତ ମାରାତ୍ମକ ଅଟେ । ଏହି ରୋଗ ପଶୁମାନଙ୍କଠାରୁ ମଣିଷ ପର୍ଯ୍ୟନ୍ତ ବ୍ୟାପିଥାଏ । WHO ଦାବି କରେ ଯେ ଇବୋଲା ମଧ୍ୟ ବ୍ୟକ୍ତିଠାରୁ ଅନ୍ୟକୁ ସଂକ୍ରମିତ ହୁଏ । ନିକଟରେ ପ୍ରକାଶିତ ଆକଳନ ଅନୁଯାୟୀ, ଇବୋଲାର ୩୪୦୦ ମାମଲା ମଧ୍ୟରୁ  ୨୨୭୦ ଜଣଙ୍କର ମୃତ୍ୟୁ ହୋଇଛି । ଜାନୁୟାରୀ ୨୦୨୦ରେ ଇବୋଲାର ଏକ ଟିକା ମଧ୍ୟ ଆସିଥିଲା, କିନ୍ତୁ ଏହାକୁ ବ୍ୟାପକ ଭାବେ ବାହାର କରାଯାଇ ନଥିଲା । ବୈଜ୍ଞାନିକମାନେ କହିଛନ୍ତି ଯେ ଯଦି ଇବୋଲାକୁ ରୋକିବା ପାଇଁ କୌଣସି ପଦକ୍ଷେପ ନ ନିଆଯାଏ, ତେବେ ଭବିଷ୍ୟତରେ ଏହାର ଖରାପ ଫଳାଫଳ ଦେଖିବାକୁ ମିଳିପାରେ ।

ଅଧିକ ପଢ଼ନ୍ତୁ:-ଏପ୍ରିଲ ୧ରୁ ୧୨ ଘଣ୍ଟା ହେବ ଅଫିସ୍ ସମୟ, ବଦଳିବ ଦରମା ଓ ଅବସରର ନିୟମ!

୨. ଲାସା ଜ୍ୱର (Lassa fever)- ଲାସା ଜ୍ୱର ହେଉଛି ଏକ ଭାଇରାଲ୍ ସଂକ୍ରମଣ ଯାହା ରକ୍ତସ୍ରାବୀ ରୋଗ (ହେମୋରାଜିକ୍ ଇଲନେସ) ର ଲକ୍ଷଣ ସୃଷ୍ଟି କରେ । ଲାସା ଜ୍ୱରରେ ପୀଡିତ ପ୍ରତ୍ୟେକ ପଞ୍ଚମ ବ୍ୟକ୍ତିଙ୍କର କିଡନୀ, ଯକୃତ ଏବଂ କଫ ଉପରେ ବହୁତ ଖରାପ ପ୍ରଭାବ ପଡିଥାଏ । ଦୂଷିତ ଘରୋଇ ଜିନିଷ, ପରିସ୍ରା, ମଳ ଏବଂ ରକ୍ତଦାନ ମାଧ୍ୟମରେ ଏହି ରୋଗ ଲୋକଙ୍କ ମଧ୍ୟରେ ବ୍ୟାପିପାରେ । ଆଫ୍ରିକୀୟ ଦେଶମାନଙ୍କରେ ଏହି ରୋଗ ଏବେ ବି ବୃଦ୍ଧି ପାଉଛି । ଶହ ଶହ ଲୋକଙ୍କ ଜୀବନ ନେଉଛି । ବର୍ତ୍ତମାନ ଯାଏ ଏହାର କୌଣସି ଟିକା ବାହାରି ନାହିଁ ।

ଅଧିକ ପଢ଼ନ୍ତୁ:-ଏହି ରାଜ୍ୟର ୪.୪୭ ଲକ୍ଷ ସରକାରୀ କର୍ମଚାରୀଙ୍କ ପାଇଁ ଖୁସି ଖବର, ମେ'ରେ ମିଳିବ ମହଙ୍ଗା ଭତ୍ତା ଓ ଦରମା ବୃଦ୍ଧିର ଲାଭ!

୩. ମାରବର୍ଗ ଭାଇରସ୍ ରୋଗ (Marburg Virus Disease)- ଏହି ରୋଗ ସେହି ଫ୍ୟାମିଲିର ଭୂତାଣୁ ବିସ୍ତାର କରେ ଯାହା ଇବୋଲା ପରି ବିପଜ୍ଜନକ ରୋଗ ପାଇଁ ଦାୟୀ । ଏହି ରୋଗ ଅତ୍ୟଧିକ ସଂକ୍ରାମକ ଏବଂ ଜୀବନ୍ତ କିମ୍ବା ମୃତ ଲୋକଙ୍କୁ ସ୍ପର୍ଶ କଲେ ମଧ୍ୟ ବିସ୍ତାର ହୁଏ । ଏହି ମହାମାରୀର ପ୍ରଥମ ବିସ୍ଫୋରଣ ୨୦୦୫ ମସିହାରେ ଉଗାଣ୍ଡାରେ ଦେଖାଯାଇଥିଲା, ଯେଉଁଠାରେ ଏହା ୯୦ ପ୍ରତିଶତ ସଂକ୍ରମିତ ଲୋକଙ୍କ ଜୀବନ ନେଇଥିଲା ।

ଅଧିକ ପଢ଼ନ୍ତୁ:-ନୀତିଶ କୁମାରଙ୍କ ଦୁଃଖ, ବଦଳିଲା ମାଞ୍ଝୀଙ୍କ ମୁଡ୍, ଏନଡିଏରେ ନାହିଁ ସବୁକିଛି ଠିକ୍!

୪. MERS-COV- 'ଦି ମିଡିଲ ଇଷ୍ଟ ରେସ୍ପିରେଟରୀ ସିଣ୍ଡ୍ରୋମ୍' (MERS) ମଧ୍ୟ ଏକ ବିପଜ୍ଜନକ ସଂକ୍ରମଣ ଯାହା ଶ୍ୱାସକ୍ରିୟା ଡ୍ରାପଲେଟ୍ ମାଧ୍ୟମରେ ମଣିଷକୁ ବ୍ୟାପିଥାଏ । ବୈଜ୍ଞାନିକମାନେ କୁହନ୍ତି, ଯଦିଓ ଆଜି ଏହି ରୋଗର ଭୟ କମିଛି, ତଥାପି ଶ୍ୱାସକ୍ରିୟାରେ ସ୍ୱଚ୍ଛତା କ୍ଷେତ୍ରରେ ଭୁଲ କିମ୍ବା ଅବହେଳା ଏହାର ମାମଲା ସାରା ବିଶ୍ୱରେ ବୃଦ୍ଧି ପାଇପାରେ । ଏହା ମଧ୍ୟ SARS-COV-2 ସହିତ ଜଡିତ ଏକ ରୋଗ, କାରଣ ଉଭୟ ସମାନ ଭାବରେ ବ୍ୟାପିଥାଏ ।

ଅଧିକ ପଢ଼ନ୍ତୁ:-ନିର୍ବାଚନ ପୂର୍ବରୁ ଓୱେସୀଙ୍କୁ ବଡ଼ ଝଟକା ଦେଲେ ମମତା, ଟିଏମସିରେ ସାମିଲ ହେଲେ AIMIM ର ବଙ୍ଗଳା ମୁଖ୍ୟ

୫. SARS- ସିଭିୟର ଏକ୍ୟୁଟ ରେସ୍ପିରେଟରୀ ସିଣ୍ଡ୍ରୋମ (SARS) ମଧ୍ୟ ସେହି ଫ୍ୟାମିଲିରୁ ଆସିଥାଏ, ଯାହା କୋଭିଡ-19 ପାଇଁ ଦାୟୀ । ଏହି ରୋଗର ପ୍ରଥମ ମାମଲା ୨୦୦୨ରେ ଚାଇନାରେ ସାମ୍ନାକୁ ଆସିଥିଲା । SARS ୨୬ଟି ଦେଶରେ ବ୍ୟାପିଛି ଏବଂ ପ୍ରାୟ ୮,୦୦୦ ଲୋକ ଏହା ଦ୍ୱାରା ଆକ୍ରାନ୍ତ ହୋଇଛନ୍ତି । ଏହାର ମୃତ୍ୟୁ ହାର ବହୁତ ଅଧିକ ଥିଲା । ଲୋକଙ୍କ ମଧ୍ୟରେ କୋଭିଡର ଲକ୍ଷଣ ଦେଖିବାକୁ ମିଳିଥିଲା ​। ଶ୍ୱାସକ୍ରିୟା ଡ୍ରପଲେଟ୍ ଦ୍ୱାରା ବ୍ୟାପିଥିବା ଏହି ରୋଗର କୌଣସି ଚିକିତ୍ସା ମଧ୍ୟ ନଥିଲା ।

ଅଧିକ ପଢ଼ନ୍ତୁ:-ରାଜସ୍ଥାନରେ ପୁଣି ବିଦ୍ରୋହ କରିବେ ସଚିନ ପାଇଲଟ?

୬. ନିପା ଭାଇରସ୍ (Nipah virus)- ନିପା ଭାଇରସକୁ ମିଳିମିଳା ଭୂତାଣୁ ସହିତ ଯୋଡ଼ି ଦେଖାଯାଏ ଯାହା ୨୦୧୮ରେ କେରଳରେ ବଡ଼ ସ୍ତରରେ ବ୍ୟାପି ଥିଲା । ଏହି ରୋଗ ସଫଳତାର ସହିତ ନିୟନ୍ତ୍ରିତ ହୋଇଥିଲା । କିନ୍ତୁ ଏହାର ଲକ୍ଷଣ ଏବଂ ପ୍ରସାର ହେବାର ଉପାୟ ଭବିଷ୍ୟତରେ ଏହାର ବିସ୍ତାର ହେବାର ସମ୍ଭାବନାକୁ ବହୁଗୁଣିତ କରିଥାଏ ।