ୟୁକ୍ରେନ ବିରୋଧରେ କ'ଣ ରହିଛି ପୁଟିନଙ୍କ 5-T ପ୍ଲାନ? ଜାଣନ୍ତୁ ଲଗାତର ବୋମା ବର୍ଷା କରିବାର କାରଣ

Ukraine-Russia War, Russian President Vladimir Putin Plan for Ukraine: ୟୁକ୍ରେନ୍ର ରାଷ୍ଟ୍ରଦୂତ (Ukraine Ambassador) ଦାବି କରିଛନ୍ତି ଯେ, ଋଷ (Russia) ୟୁକ୍ରେନ (Ukraine) ବିରୁଦ୍ଧରେ ନିଷିଦ୍ଧ ଥର୍ମୋବାରିକ ଅସ୍ତ୍ର (thermobaric weapons) ବ୍ୟବହାର କରୁଛି । ମାର୍ଚ୍ଚ ୧ ତାରିଖ ଦିନ ସବୁଠାରୁ କଷ୍ଟଦାୟକ ଖବର ଆସିଥିଲା ​​ଯେ କ୍ରମାଗତ ବୋମା ବିସ୍ଫୋରଣ ମଧ୍ୟରେ ଖାର୍କିଭରେ ଜଣେ ଭାରତୀୟ ଛାତ୍ରଙ୍କର ମୃତ୍ୟୁ ଘଟିଛି । ଏହିପରି ଆକ୍ରମଣରେ ସାଧାରଣ ଲୋକଙ୍କ ମୃତ୍ୟୁର ଧାରା ଜାରି ରହିଛି ।

ନୂଆଦିଲ୍ଲୀ: Ukraine-Russia War, Russian President Vladimir Putin Plan for Ukraine: କିଛି ଘଣ୍ଟା ପୂର୍ବରୁ ପଡ଼ୋଶୀ ବେଲାଋଷ (Belarus) ରେ ୟୁକ୍ରେନ (Ukraine) ଓ ଋଷ (Russia) ମଧ୍ୟରେ ଆଲୋଚନା ମାଧ୍ୟମରେ ଶାନ୍ତିର ମାର୍ଗ ବାହାର କରିବାକୁ ଚେଷ୍ଟା କରାଯାଇଥିଲା । ଅନ୍ୟପଟେ ଆଜି ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ (Russian President Vladimir Putin) ୟୁକ୍ରେନ ମାଟିରେ ଭାକ୍ୟୁମ ବୋମା (vacuum bombs) ବର୍ଷା କରୁଛନ୍ତି । 

ୟୁକ୍ରେନ୍ର ରାଷ୍ଟ୍ରଦୂତ (Ukraine Ambassador) ଦାବି କରିଛନ୍ତି ଯେ, ଋଷ (Russia) ୟୁକ୍ରେନ (Ukraine) ବିରୁଦ୍ଧରେ ନିଷିଦ୍ଧ ଥର୍ମୋବାରିକ ଅସ୍ତ୍ର (thermobaric weapons) ବ୍ୟବହାର କରୁଛି । ମାର୍ଚ୍ଚ ୧ ତାରିଖ ଦିନ ସବୁଠାରୁ କଷ୍ଟଦାୟକ ଖବର ଆସିଥିଲା ​​ଯେ କ୍ରମାଗତ ବୋମା ବିସ୍ଫୋରଣ ମଧ୍ୟରେ ଖାର୍କିଭରେ ଜଣେ ଭାରତୀୟ ଛାତ୍ରଙ୍କର ମୃତ୍ୟୁ ଘଟିଛି । ଏହିପରି ଆକ୍ରମଣରେ ସାଧାରଣ ଲୋକଙ୍କ ମୃତ୍ୟୁର ଧାରା ଜାରି ରହିଛି ।

ବୁଝନ୍ତୁ ପୁଟିନଙ୍କ ସମ୍ପୂର୍ଣ୍ଣ ଯୋଜନା କ’ଣ ରହିଛି

ଏହି ସମସ୍ତ ଆକ୍ରମଣ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ '5-T' ଯୋଜନାର ଏକ ଅଂଶ । କିନ୍ତୁ ଲଗାତାର ଘେରିବା ସତ୍ତ୍ୱେ ୟୁକ୍ରେନ ନତମସ୍ତକ ହେବାକୁ ପ୍ରସ୍ତୁତ ନୁହେଁ । ଋଷ ଓ ୟୁକ୍ରେନ ମଧ୍ୟରେ ଆରମ୍ଭ ହୋଇଥିବା ଏହି ଯୁଦ୍ଧରେ ରାଷ୍ଟ୍ରପତି ପୁଟିନଙ୍କ ପାଖରେ ପାଞ୍ଚଟି ବିକଳ୍ପ ବାକି ଅଛି । ପୁଟିନଙ୍କ ଏହି '5T' ଯୋଜନା କ’ଣ? ଚାଲନ୍ତୁ ବୁଝିବା...

ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ '5T' ଯୋଜନାରେ କାମ କରୁଛନ୍ତି । ପ୍ରତ୍ୟେକ 'T' ଏକ ବିକଳ୍ପ ଭାବରେ ତାଙ୍କ ସାମ୍ନାରେ ମହଜୁଦ ରହିଛି । ପ୍ରଥମ ବିକଳ୍ପ ହେଉଛି Talk ବା ଆଲୋଚନା କରିବା, ଯୁଦ୍ଧକୁ ଶେଷ କରିବା ପାଇଁ ୟୁକ୍ରେନ ସହିତ ପୁଟିନଙ୍କର ପ୍ରଥମ ବିକଳ୍ପ ହେଉଛି ଆଲୋଚନା । ପୁଟିନଙ୍କ ପ୍ରଥମ ଚେଷ୍ଟା ହେଉଛି ସେ ଆଲୋଚନା ମାଧ୍ୟମରେ ୟୁକ୍ରେନକୁ ରାଜି କରାଇ ନିଜର ସମସ୍ତ ସର୍ତ୍ତକୁ ମନାଇ ନେବା ଓ ଯୁଦ୍ଧକୁ ବନ୍ଦ କରିବା । ଫେବୃଆରୀ ୨୮ ସୋମବାର ପଡ଼ୋଶୀ ବେଲାଋଷ (Belarus) ରେ ଉଭୟ ଦେଶର ପ୍ରତିନିଧୀ ଦଳ ମଧ୍ୟ ଆଲୋଚନା ପାଇଁ ଏକାଠି ହୋଇଥିଲେ । କିନ୍ତୁ ଆଲୋଚନା ଫଳହୀନ ରହିଛି । ବାସ୍ତବରେ ରାଷ୍ଟ୍ରପତି ପୁଟିନ ଏହି ଆକ୍ରମଣକୁ ରୋକିବା ପାଇଁ ତିନୋଟି ସର୍ତ୍ତ ରଖିଛନ୍ତି ।

୧. ୟୁକ୍ରେନ କୌଣସି ୟୁରୋପୀୟ ସଂଗଠନରେ ସାମିଲ ନା ହେଉ ।

୨. କ୍ରିମିଆ ଉପରେ ଋଷର ଶାସନକୁ ସ୍ୱୀକୃତି ପ୍ରଦାନ ।

୩. ୟୁକ୍ରେନ ନିଜର ସେନା ପ୍ରତ୍ୟାହାର କରୁ ।

ଆଲୋଚନା ମାଧ୍ୟମରେ ସମସ୍ୟାର ସମାଧାନ କରିବାକୁ ଚେଷ୍ଟା

ୟୁକ୍ରେନ ଏହି ସର୍ତ୍ତଗୁଡିକ ଗ୍ରହଣ କରିନାହିଁ । କିନ୍ତୁ ପୁଟିନ ବର୍ତ୍ତମାନ ଆଲୋଚନା ମାଧ୍ୟମରେ ଏହି ସମସ୍ୟାର ସମାଧାନ କରିବାକୁ ଚାହୁଁଛନ୍ତି, କାରଣ ତାଙ୍କୁ ଯୁଦ୍ଧରେ ପ୍ରତିଦିନ ୧.୨୫ ଲକ୍ଷ କୋଟି ଖର୍ଚ୍ଚ କରିବାକୁ ପଡ଼ୁଛି । ଯାହା ଦୀର୍ଘ ସମୟ ମଧ୍ୟରେ ସମ୍ଭବ ନୁହେଁ । ୟୁରୋପୀୟ ଦେଶଗୁଡିକ ଋଷର ସେଣ୍ଟ୍ରାଲ ବ୍ୟାଙ୍କରୁ ୪୫ ଲକ୍ଷ କୋଟି ଟଙ୍କା ଜବତ କରିଛନ୍ତି । ଏହି ନିଷ୍ପତ୍ତି ଋଷ ଅର୍ଥ ବ୍ୟବସ୍ଥାରେ ଏକ ବଡ଼ ସଙ୍କଟ ସୃଷ୍ଟି କରିଛି । ଆମେରିକୀୟ ଡଲାର ତୁଳନାରେ ଋଷର ମୁଦ୍ରା ରୁବେଲ ନିମ୍ନ ସ୍ତରରେ ପହଞ୍ଚିଛି । ଋଷରେ ନଗଦ ଚାହିଦା ବୃଦ୍ଧି ପାଇଛି ଓ ମୁଦ୍ରାସ୍ଫୀତି ବଢ଼ି ଚାଲିଛି ।

କୀଭକୁ ଦଖଲ କରିବା

ଅନ୍ୟ ଏକ ବିକଳ୍ପ ଭାବରେ କୀଭକୁ ଦଖଲ କରିବା ରାଷ୍ଟ୍ରପତି ପୁଟିନଙ୍କ ରଣନୀତି ରହିଛି । କୀଭ (Kyiv) କୁ ଦଖଲ କରି ପୁଟିନ ନିଜ ପସନ୍ଦର ସରକାର ଗଠନ କରିବାର ରହିଛି । ଏହି ବିକଳ୍ପ ପୁଟିନଙ୍କ ପାଇଁ ଉପଯୁକ୍ତ କାରଣ ବର୍ତ୍ତମାନର ଜେଲେନସ୍କି ସରକାର ପାଶ୍ଚାତ୍ୟ ସମର୍ଥକ ଅଟନ୍ତି । ୟୁକ୍ରେନ ଚାହୁଁଛି ନାଟୋ ସଦସ୍ୟତା ଓ ପୁଟିନ କୌଣସି ମୂଲ୍ୟରେ ଏହା ଘଟିବା ଦେବାକୁ ଚାହୁଁନାହାଁନ୍ତି । କୀଭ ହେଉଛି ୟୁକ୍ରେନର ରାଜଧାନୀ । ଯଦି ରାଜଧାନୀ ଦଖଲକୁ ଆସିଯାଏ, ତେବେ ୟୁକ୍ରେନ ମଧ୍ୟ ଋଷ ଦଖଲକୁ ଆସିଯିବ । ସେଥିପାଇଁ ଋଷ କୀଭକୁ ଘେରିବା ପାଇଁ ନିଜର ସମସ୍ତ ଜୋର ଲଗାଉଛି ।

ଏହା ବି ପଢ଼ନ୍ତୁ:-ଏପରି କେଉଁ ଜିନିଷ ଅଛି ଯାହା ଶୁଖିଲା ପରେ ୧ କିଲୋ, ଓଦା ହେଲେ ୨ କିଲୋ ଏବଂ ଯଦି ଜଳା ଯାଏ ତେବେ ଏହା ୩ କିଲୋ ହୁଏ?

ଏହା ବି ପଢ଼ନ୍ତୁ:-ୟୁକ୍ରେନ ପ୍ରସଙ୍ଗରେ ଏକାଠି ହେଲେ ଦୁଇ ଭାଇ, ଭିଡିଓ ସେୟାର କରି ସରକାରଙ୍କୁ ଟାର୍ଗେଟ କଲେ ରାହୁଲ-ବରୁଣ

ଏହା ବି ପଢ଼ନ୍ତୁ:-SBI ଓ PNB ର ଗ୍ରାହକଙ୍କ ପାଇଁ ବଡ଼ ଖବର! ବ୍ୟାଙ୍କ କଲା ଆଲର୍ଟ, ବନ୍ଦ ହୋଇପାରେ ଆପଣଙ୍କର ବ୍ୟାଙ୍କିଙ୍ଗ୍ ସେବା

କୌଶଳରେ ୟୁକ୍ରେନକୁ ଭାଙ୍ଗିବାକୁ ଚେଷ୍ଟା

କଥାରେ ଅଛି ଯୁଦ୍ଧ ଜିତିବା ପାଇଁ ସମସ୍ତ ପ୍ରକାରର କୌଶଳ ଆପଣା ଯାଇଥାଏ । ପୁଟିନ ମଧ୍ୟ ଏହି କୌଶଳକୁ ତୃତୀୟ ବିକଳ୍ପ ଭାବରେ ବ୍ୟବହାର କରିପାରେ ଓ ସେହି କୌଶଳଟି ୟୁକ୍ରେନକୁ ଦୁଇ ଭାଗରେ ବିଭକ୍ତ କରିବା । ବାସ୍ତବରେ ଋଷ କୀଭକୁ ଦଖଲ କରିବାରେ ସକ୍ଷମ ହୋଇନଥାଇପାରେ, କିନ୍ତୁ ସେ ବିଭିନ୍ନ ଅଂଶ ଦଖଲ କରୁଛି । ଉଦାହରଣ ସ୍ୱରୂପ, ଋଷ ୨୦୧୪ରେ କ୍ରିମିଆକୁ ଦଖଲ କରିନେଇଥିଲା ଓ ଯୁଦ୍ଧର ଠିକ ପୂର୍ବରୁ ପୁଟିନ ୟୁକ୍ରେନର ପୂର୍ବ ଭାଗରେ ଥିବା ଡୋନେଟସ୍କ ଓ ଲୁହାନସ୍କକୁ ସ୍ୱାଧୀନ ଦେଶ ଭାବରେ ଘୋଷଣା କରିଥିଲେ । ଅର୍ଥାତ୍ ପୁଟିନଙ୍କ ପାଖରେ ତିନୋଟି ଅଂଶ ଅଛି ଓ ବର୍ତ୍ତମାନ ପୁଟିନ କ୍ରିମିଆରେ ଋଷର ସାର୍ବଭୌମତ୍ୱକୁ ସ୍ୱୀକୃତି ଦେବା ପାଇଁ ଏକ ସର୍ତ୍ତ ରଖିଛନ୍ତି । ତାହା ହେଉଛି, ୟୁକ୍ରେନକୁ ଦୁଇ ଭାଗରେ ବିଭକ୍ତ କରି ଦେଶକୁ ଦୁର୍ବଳ କରିପାରେ ଓ ନିଜକୁ ମଧ୍ୟ ଶକ୍ତିଶାଳୀ କରିପାରିବେ ।

ଘାତକ ଅସ୍ତ୍ରଶସ୍ତ୍ରର ବ୍ୟବହାର 

ରାଷ୍ଟ୍ରପତି ପୁଟିନ ଟ୍ରିଗରକୁ ଚତୁର୍ଥ ବିକଳ୍ପ ଭାବରେ ବ୍ୟବହାର କରୁଛନ୍ତି । ଟ୍ରିଗର ଅର୍ଥ ଘାତକ ଅସ୍ତ୍ରଶସ୍ତ୍ରର ବ୍ୟବହାର । ପୁଟିନ ତାଙ୍କର ପରମାଣୁ ଅସ୍ତ୍ରଶସ୍ତ୍ର ଦଳକୁ ସତର୍କ ରଖିବାକୁ ଆଦେଶ ଦେଇଛନ୍ତି । ଗତକାଲି ପରମାଣୁ ବଳକୁ ଆଲର୍ଟ କରାଯାଇଥିଲା ଓ ଆଜି ଭ୍ୟାକ୍ୟୁମ୍ ବୋମା ବ୍ୟବହାର ହେବାର ଖବର ଆସିଛି । ପୁଟିନ ଏକ ମାରାତ୍ମକ ଅସ୍ତ୍ର ବ୍ୟବହାର କରି ୟୁକ୍ରେନକୁ ଦଖଲ କରିବାକୁ ଚାହୁଁଛନ୍ତି । ବର୍ତ୍ତମାନ ଏହା ଚାପ ସୃଷ୍ଟି କରିବାର ବିଷୟ ଓ ବର୍ତ୍ତମାନ ଏହା ମାଧ୍ୟମରେ ଚାପ ବଢ଼ିବାରେ ଲାଗିଛି । ଚାପ ସୃଷ୍ଟି କରାଯାଉଛି ଯେ ଯେତେବେଳେ ପରବର୍ତ୍ତୀ ପର୍ଯ୍ୟାୟର ଆଲୋଚନା ହେବ, ସେହି ଚାପର ପ୍ରଭାବ ଦେଖାଯିବା ଓ ଋଷ ଯାହା ଚାହିଁବ, ତାହା ଉପରେ ସହମତି ହୋଇଯିବ ।

ୟୁକ୍ରେନର ସମର୍ଥକ ଦେଶଗୁଡ଼ିକୁ ଟାର୍ଗେଟ କରିବାର ନୀତି

ପୁଟିନଙ୍କ ପଞ୍ଚମ ବିକଳ୍ପ ହେଉଛି ୟୁକ୍ରେନ ସମର୍ଥକ ଦେଶଗୁଡ଼ିକ ବିରୁଦ୍ଧରେ ଯୁଦ୍ଧ ଘୋଷଣା କରିବା । ଆମେରିକା ଓ ୟୁରୋପୀୟ ୟୁନିଅନ ସମେତ ଅନେକ ଦେଶ ୟୁକ୍ରେନକୁ ସମର୍ଥନ କରୁଛନ୍ତି । ସେମାନେ ଋଷ ବିରୋଧରେ କଠୋର ପ୍ରତିବନ୍ଧକ ବ୍ୟବହାର କରୁଛନ୍ତି, ଯାହା ଋଷର ଅର୍ଥନୀତିକୁ ବିପର୍ଯ୍ୟସ୍ତ କରୁଛି । ଋଷର ଅବସ୍ଥା ଖରାପ ଓ ଏହି ପରିସ୍ଥିତିରେ ସେ ଜବାବ ଦେବା ପାଇଁ ପଞ୍ଚମ ବିକଳ୍ପ ଭାବରେ ଟାର୍ଗେଟକୁ ବ୍ୟବହାର କରିପାରନ୍ତି ।