ବିହାରରେ ହେବ କ୍ଷମତା ପରିବର୍ତ୍ତନ, ରାଞ୍ଚି ଜେଲରେ ପ୍ରସ୍ତୁତ ହେଉଛି ସରକାର ଗଠନ ପାଇଁ ମାଷ୍ଟର ପ୍ଲାନ୍?

ନୂଆଦିଲ୍ଲୀ: ଅରୁଣାଚଳ ପ୍ରଦେଶରେ ଜେଡିୟୁ (JDU) ର ୬ ବିଧାୟକ ବିଜେପି (BJP) ରେ ସାମିଲ ହେବା ଘଟଣାକୁ ନେଇ ବିହାରରେ ରାଜନୀତି (Bihar Politics) ପାରା ବଢ଼ି ଯାଇଛି । ଗୋଟିଏ ପଟେ ଏହି ଘଟଣା ପରେ ଜେଡିୟୁ ଅସନ୍ତୁଷ୍ଟ ଥିବା ବେଳେ ସହଯୋଗୀ ବିଜେପି ସ୍ଥିତିକୁ ସମ୍ଭାଳିବାରେ ଲାଗିଛି । ଅନ୍ୟପଟେ ଏହାର ସଂପୂର୍ଣ୍ଣ ଲାଭ ଉଠାଇବା ପାଇଁ ରାଷ୍ଟ୍ରୀୟ ଜନତା ଦଳ (RJD) ଯୋଜନା ପ୍ରସ୍ତୁତ କରୁଛି । ଏହି କ୍ରମରେ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ (Lalu Prasad Yadav) ପୁଣି ଥରେ ସକ୍ରିୟ ହୋଇଯାଇଛନ୍ତି । ବିହାର ମୁଖ୍ୟମନ୍ତ୍ରୀ ନୀତିଶ କୁମାର (Nitish Kumar) ଙ୍କ କ୍ୟାମ୍ପରେ ଥିବା ଅସନ୍ତୋଷ ଉପରେ ତାଙ୍କର ତୀକ୍ଷ୍ନ ନଜର ରହିଛି । ତାଜା ରାଜନୈତିକ ସ୍ଥିତିକୁ ଦୃଷ୍ଟିରେ ରଖି ଲାଲୁ ବିହାରର କ୍ଷମତାରେ ଫେରିବାକୁ ଆରଜେଡି ପାଇଁ ଏକ ମାଷ୍ଟରପ୍ଲାନ ପ୍ରସ୍ତୁତ କରିଛନ୍ତି । ସେ ଏହି ବିଷୟରେ ତେଜସ୍ୱୀ ଯାଦବ (Tejashwi Yadav) ଙ୍କୁ ବିଶେଷ ନିର୍ଦ୍ଦେଶ ଦେଇଛନ୍ତି । ଏହା ସହିତ ଆରଜେଡିର ବିଶ୍ୱସ୍ତ ନେତାଙ୍କୁ ଦୁଇଟି ଅଲଗା ଅଲଗା ମୋର୍ଚ୍ଚାରେ ନିୟୋଜିତ କରାଯାଇଛି ।

ଅଧିକ ପଢ଼ନ୍ତୁ:-ତେଜସ୍ୱୀଙ୍କ ଏହି ୫ଟି ଭୁଲ ଯୋଗୁଁ ନୀତିଶ ହେଲେ ମୁଖ୍ୟମନ୍ତ୍ରୀ

ଅରୁଣାଚଳ ପ୍ରଦେଶରେ ଘଟିଥିବା ରାଜନୈତିକ ଘଟଣାକ୍ରମକୁ ଲାଲୁ ପ୍ରସାଦ ହାତ ଛଡ଼ା କରିବାକୁ ଚାହୁଁନାହାଁନ୍ତି । ଏଥିପାଇଁ ଏକ ଖାସ୍ ଯୋଜନା ପ୍ରସ୍ତୁତ କରାଯାଇଛି ।  ଦଳର ବରିଷ୍ଠ ନେତା ଶିବାନନ୍ଦ ତିୱାରୀଙ୍କୁ କୁହାଯାଇଛି ଯେ ସେ ଜନତା ପରିବାରର ସମ୍ପର୍କକୁ ଦର୍ଶାଇ ଜନତା ଦଳ ୟୁନାଇଟେ (JDU) ର ବରିଷ୍ଠ ନେତାମାନଙ୍କୁ ମନେଇବାକୁ ପ୍ରୟାସ କରନ୍ତୁ ଓ ପୂର୍ବତନ ବିଧାନସଭା ବାଚସ୍ପତି ଉଦୟ ନାରାୟଣ ଚୌଧୁରୀ ଏବଂ ଶ୍ୟାମ ରଜକଙ୍କ ପରି ନେତାଙ୍କ ବୟାନ ମାଧ୍ୟମରେ ଦଳ ସପକ୍ଷରେ ପରିବେଶ ସୃଷ୍ଟି କରିବା ପାଇଁ ଦାୟିତ୍ୱ ଦିଆଯାଏ ।

ଅଧିକ ପଢ଼ନ୍ତୁ:-ସରକାରୀ କର୍ମଚାରୀଙ୍କ ପାଇଁ ଖୁସି ଖବର! ମହଙ୍ଗା ଭତ୍ତାରେ ୪ ପ୍ରତିଶତ ବୃଦ୍ଧି ସ୍ଥିର ହେଲା

ପରିବାର ସଦସ୍ୟ ତଥା ଆରଜେଡି ନେତାମାନଙ୍କୁ ବିହାରର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଉପରେ ସିଧାସଳଖ ଆକ୍ରମଣ ନକରିବାକୁ କୁହାଯାଇଛି । ଏହି କାରଣରୁ ପରିବାରର କୌଣସି ସଦସ୍ୟ ବର୍ତ୍ତମାନ କିଛି ବୟାନ ଦେଉନାହାଁନ୍ତି । ଦଳର ସମସ୍ତ ନେତାଙ୍କୁ ଭାବିଚିନ୍ତି କହିବା ଏବଂ ପରସ୍ପରର ବୟାନ ସହିତ ଦଳକୁ ଛିଡା ରଖିବା ଦାୟିତ୍ୱ ଦିଆଯାଇଛି ।

ଅଧିକ ପଢ଼ନ୍ତୁ:-ସୌରଭ ଗାଙ୍ଗୁଲିଙ୍କଠୁ ଜମି ଫେରାଇ ନେବାର ପ୍ରକ୍ରିୟା ଆରମ୍ଭ କଲେ ମମତା ସରକାର

ଅନ୍ୟପକ୍ଷରେ ଶାସକ ଦଳ ଭାବେ ବିଜେପିର କାର୍ଯ୍ୟ ପ୍ରଣାଳୀ ଉପରେ ପ୍ରଶ୍ନ ଉଠାଇବାକୁ କୁହାଯାଇଛି । ଏହା ସହିତ ଲାଲୁ ପ୍ରସାଦ ମଧ୍ୟ ଏହି କଥାକୁ ପ୍ରଚାର କରିବାକୁ ମଧ୍ୟ କହିଛନ୍ତି ଯେ ଏଲଜେପି ନେତା ଚିରାଗ ପାସୱାନ କେନ୍ଦ୍ର କ୍ୟାବିନେଟର ସମ୍ପ୍ରସାରଣରେ ସ୍ଥାନ ପାଇବାକୁ ଯାଉଛନ୍ତି । ଜେଡିୟୁକୁ ଛୋଟ ଦେଖାଇବା ପାଇଁ ଏହା କରାଯାଉଛି । ନିର୍ବାଚନ ଫଳାଫଳ ଉପରେ ସେ ଜେଡିୟୁ ନେତାମାନଙ୍କୁ ବୁଝାଇବାକୁ କହିଛନ୍ତି ଯେ ଏକ ଷଡଯନ୍ତ୍ର ଅନ୍ତର୍ଗତ ବିଜେପି ସେମାନଙ୍କୁ ପରାସ୍ତ କରିଛି । ଏହାକୁ ଦର୍ଶାଇ ଏହା ମଧ୍ୟ କୁହାଯାଇଛି ଯେ ଆରଜେଡି ଅତୀତରେ ନୀତିଶ କୁମାରଙ୍କୁ ମୁଖ୍ୟମନ୍ତ୍ରୀ କରିଥିଲେ । ସେ ଆରଜେଡି ସହିତ ଆସି କେନ୍ଦ୍ରରେ ବିରୋଧୀର ରାଜନୀତି କରିବା ଉଚିତ୍ ।

ଅଧିକ ପଢ଼ନ୍ତୁ:-'ମମତା ବାନାର୍ଜୀଙ୍କୁ କଂଗ୍ରେସର ଶରଣରେ ଆସିବାକୁ ହିଁ ପଡ଼ିବ'

ମନେ କରାଯାଉଛି ଯେ ଲାଲୁ ଯାଦବ ପୁଣି ଥରେ ନୀତିଶ କୁମାରଙ୍କୁ ତାଙ୍କ ସପକ୍ଷରେ ଆଣିବା ପାଇଁ ୟୁପିଏର କିଛି ବଡ ନେତାଙ୍କ ସାହାଯ୍ୟ ନେଉଛନ୍ତି । ସେପଟେ ନୀତିଶଙ୍କ ପାଇଁ ୟୁପିଏର ଦ୍ୱାର ଖୋଲିବା ବିଷୟରେ ବୟାନ ଏନସିପି ମୁଖ୍ୟ ଶରଦ ପାୱାରଙ୍କ ତରଫରୁ ଆସିଛି । ଏହି ରଣନୀତି ଉପରେ ମଧ୍ୟ କାର୍ଯ୍ୟ କରାଯାଉଛି ।

ଅଧିକ ପଢ଼ନ୍ତୁ:-ନୂଆ ବର୍ଷରେ ସାଧାରଣ ଜନତାଙ୍କୁ ଝଟକା! ବଢ଼ିଲା ଏଲପିଜି ସିଲିଣ୍ଡରର ଦାମ

ସେପଟେ ବିହାର ବିଧାନସଭାର ପୂର୍ବତନ ବାଚସ୍ପତି ତଥା ଆରଜେଡିର ବରିଷ୍ଠ ନେତା ଉଦୟ ନାରାୟଣ ଚୌଧୁରୀ କହିଛନ୍ତି ଯେ, ବିହାରରେ ବର୍ତ୍ତମାନ ନେତୃତ୍ୱ ପରିବର୍ତ୍ତନ ହେବ କିମ୍ବା ମଧ୍ୟବର୍ତ୍ତୀକାଳୀନ ନିର୍ବାଚନ ହେବ, ଏହାର ସମ୍ଭାବନା ବଢ଼ିଯାଇଛି । ବୁଧବାର ସେ ଗୁମଲା ଜିଲ୍ଲାର ଚେନପୁର ଯାଉଥିବା ବେଳେ ଦୀପ ନଗରରେ ଥିବା ତାଙ୍କ ସମ୍ପର୍କୀୟଙ୍କ ଘରେ ସାମ୍ବାଦିକମାନଙ୍କ ସହ କଥାବାର୍ତ୍ତା ହେଉଥିଲେ । ସେ କହିଛନ୍ତି ଯେ ବଡ ମାଛ ଛୋଟ ମାଛ ଖାଏ, ଏହି ଲୋକବାଣୀକୁ ବିଜେପି ଚରିତାର୍ଥ କରିଦେଇଛି ।