ଶାହଙ୍କୁ ଡାକି 'ଶକ୍ତି ପ୍ରଦର୍ଶନ' କରିବ ବସୁନ୍ଧରା କ୍ୟାମ୍ପ, ଜାଣନ୍ତୁ ବିଜେପିରେ ଗୋଷ୍ଠୀ କନ୍ଦଳ ଉପରେ ତାଜା ଅପଡେଟ୍

ଜୟପୁର: ରାଜସ୍ଥାନ ରାଜନୀତି (Rajasthan Politics) ରେ ଦଳଗୁଡ଼ିକ ମଧ୍ୟରେ ଗୋଷ୍ଠୀ କନ୍ଦଳ ପ୍ରାୟତଃ ଲାଗି ରହିଥାଏ । ବିଜେପି (BJP) ହେଉ ଅବା କଂଗ୍ରେସ (Congress) ଉଭୟ ଦଳରେ ଗୋଷ୍ଠୀ କନ୍ଦଳ ଦେଖିବାକୁ ମିଳିଥାଏ । ଯାହା ଜାତୀୟ ନେତୃତ୍ୱ ପାଇଁ ଚିନ୍ତାର କାରଣ ପାଲଟିଛି । ବିଗତ କିଛିଦିନ ହେବ ରାଜସ୍ଥାନ ବିଜେପିରେ ସମାନ ପରିସ୍ଥିତି ଦେଖାଦେଇଛି । ଯଦିଓ ରାଜ୍ୟରେ ବିଧାନସଭା ନିର୍ବାଚନ ପାଇଁ ​​ସମୟ ହୋଇନାହିଁ, ତଥାପି ବିଜେପିର ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ (Vasundhara Raje) ଙ୍କୁ ଦଳର ପରବର୍ତ୍ତୀ ସିଏମ୍ ପ୍ରୋଜେକ୍ଟ କରିବାକୁ ଜୋରଦାର ଦାବି ଉଠିବାରେ ଲାଗିଛି । ପରିସ୍ଥିତି ଏ ପର୍ଯ୍ୟନ୍ତ ଆସିଛି ଯେ ବସୁନ୍ଧରା ସମର୍ଥିତ ନେତାମାନେ ଏହି ଦାବି ଉପରେ ଖୋଲାଖୋଲି ଭାବେ ସାମ୍ନାକୁ ବାହାରି ଆସିଛନ୍ତି । ହାଡୌତି କ୍ଷେତ୍ରର ନେତାମାନେ ଗୋଟିଏ ସ୍ୱରରେ ରାଜେଙ୍କୁ ସର୍ବମାନ୍ୟ ନେତା ବୋଲି କହି ବର୍ତ୍ତମାନ ତାଙ୍କ ସମର୍ଥନରେ 'ଶକ୍ତି ପ୍ରଦର୍ଶନ' କରିବାକୁ ନିଷ୍ପତ୍ତି ନେଇଛନ୍ତି ।

ଅଧିକ ପଢ଼ନ୍ତୁ:-ରାଜସ୍ଥାନରେ ବିଜେପି ଦି'ଫାଳ!

ବାସ୍ତବରେ, ହାଡୌତି ଜୋନର ବର୍ତ୍ତମାନର ବିଧାୟକ ତଥା ପୂର୍ବତନ ବିଧାୟକଙ୍କ ସମେତ ବହୁ ବରିଷ୍ଠ ନେତା ରବିବାର ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେଙ୍କ ସମର୍ଥନରେ ଏକାଠି ହୋଇଥିଲେ । ଆସନ୍ତା ଏପ୍ରିଲରେ ରାଜେଙ୍କ ନେତୃତ୍ୱରେ ଏକ ବିଶାଳ ସମାବେଶ ଆୟୋଜନ କରିବାକୁ ସମସ୍ତେ ନିଷ୍ପତ୍ତି ନେଇଛନ୍ତି ।

ଅଧିକ ପଢ଼ନ୍ତୁ:-ରେଳ ଯାତ୍ରୀଙ୍କ ପାଇଁ ଆଉ ଏକ ଖୁସି ଖବର, ପୁଣି ଆରମ୍ଭ ହେଉଛି ଏହି ସେବା

ହାଡୌତି ବିଜେପିର ବରିଷ୍ଠ ନେତାଙ୍କ ଅନୁଯାୟୀ, ଏପ୍ରିଲରେ ହାଡୌତି ଜୋନରେ ଏକ ବିଶାଳ ସମାବେଶ ହେବାର କାର୍ଯ୍ୟକ୍ରମ ରହିଛି । ଏହି ରାଲିରେ ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ନେତୃତ୍ୱ ନେଉଥିବାବେଳେ ଗୃହମନ୍ତ୍ରୀ ଅମିତ ଶାହ (Amit Shah) ଏବଂ ପ୍ରଦେଶ ପ୍ରଭାରୀ ଦାୟିତ୍ୱରେ ଥିବା ଅରୁଣ ସିଂଙ୍କୁ ମଧ୍ୟ ନିମନ୍ତ୍ରଣ କରାଯିବ । ଏହି ରାଲିରେ ୫୦ ହଜାର ଲୋକଙ୍କୁ ଏକାଠି କରିବାକୁ ଲକ୍ଷ୍ୟ ରଖାଯାଇଛି ।

ଅଧିକ ପଢ଼ନ୍ତୁ:-ସରକାରୀ କର୍ମଚାରୀଙ୍କ ମହଙ୍ଗା ଭତ୍ତାରେ ହେବ ୪ ପ୍ରତିଶତ ବୃଦ୍ଧି! ଜାଣନ୍ତୁ କେତେ ବଢ଼ିବ ଭ୍ରମଣ ଭତ୍ତା

ତେବେ ଦଳର ନେତାମାନେ କହିଛନ୍ତି ଯେ ଏହି ଆୟୋଜନ ପଛରେ କଂଗ୍ରେସ ଓ କୃଷକ ଆନ୍ଦୋଳନ (Farmers Protest) କୁ ବିରୋଧ କରିବା । କିନ୍ତୁ ରାଜେ ଓ ତାଙ୍କ ସମର୍ଥିତ ବିଜେପି ନେତାଙ୍କ କ୍ୟାମ୍ପର ଏହି ରାଲିର ଅନେକ ରାଜନୈତିକ ଅର୍ଥ ବାହାର କରାଯାଉଛି । ଏଥି ସହିତ ପୁଣି ଥରେ ଏହା ଖୋଲାଖୋଲି ଭାବେ ସାମ୍ନାକୁ ଆସିଛି ଯେ ରାଜ୍ୟ ବିଜେପି ମଧ୍ୟରେ ଗୋଷ୍ଠୀ କନ୍ଦଳ ଚରମ ସୀମାରେ ପହଞ୍ଚିଛି ।

ଅଧିକ ପଢ଼ନ୍ତୁ:-ପଶ୍ଚିମବଙ୍ଗ ନିର୍ବାଚନ ପୂର୍ବରୁ ବିଜେପିକୁ ବଡ଼ ଝଟକା, ଟିଏମସିରେ ସାମିଲ ହେଲେ ଦଳର ଏହି ବରିଷ୍ଠ ନେତାଗଣ

ପୂର୍ବତନ ମନ୍ତ୍ରୀ ତଥା ପୂର୍ବତନ ବିଧାୟକ ଭବାନୀ ସିଂ ରାଜାୱାତ କହିଛନ୍ତି ଯେ ଆସନ୍ତା ସମୟରେ ସ୍ଥିର ରହିଛି ବସୁନ୍ଧରା ରାଜେଙ୍କ କୌଣସି ବିକଳ୍ପ ନାହିଁ । ରାଜ୍ୟ ବିଜେପିକୁ ବସୁନ୍ଧରା ରାଜେଙ୍କୁ ପ୍ରୋଜେକ୍ଟ କରି ଆଗକୁ ବଢ଼ାବାକୁ ପଡ଼ିବ । ସେ କହିଛନ୍ତି ଯେ ପଞ୍ଚାୟତ ନିର୍ବାଚନ ଠାରୁ ଆରମ୍ଭ କରି ପୌର ନିର୍ବାଚନ ପର୍ଯ୍ୟନ୍ତ ​​ପୂର୍ବତନ ମୁଖ୍ୟମନ୍ତ୍ରୀଙ୍କୁ ଉପେକ୍ଷା କରାଯାଇଛି । କାର୍ଯ୍ୟକର୍ତ୍ତା ଏହି ଅବହେଳାକୁ ବରଦାସ୍ତ କରିବେ ନାହିଁ । ଏପ୍ରିଲରେ ଏହାର ଭୟଙ୍କର ରୂପ ଦେଖାଯିବ ।