MHSRB Jobs Notification 2022: వైద్య ఆరోగ్య శాఖలో ఉద్యోగాలకు నోటిఫికేషన్ విడుదల

MHSRB Jobs Notification 2022: ఈ ఉద్యోగ అవకాశాల కోసం దరఖాస్తు చేసుకోవాలనునే అభ్యర్థులు మెడికల్ హెల్త్ సర్వీసెస్ రిక్రూట్మెంట్ బోర్డు అధికారిక వెబ్‌సైట్ mhsrb.telangana.gov.in లోకి లాగిన్ అవగలరు.

MHSRB Jobs Notification 2022: తెలంగాణ వైద్యఆరోగ్య శాఖలో ఖాళీల భర్తీ కోసం వేచిచూస్తున్న నిరుద్యోగులకు గుడ్ న్యూస్. వైద్యఆరోగ్య శాఖలో 1147 పోస్టులను భర్తీ చేసేందుకు తెలంగాణ సర్కారు నోటిఫికేషన్ విడుదల చేసింది. తెలంగాణ మెడికల్ హెల్త్ సర్వీసెస్ రిక్రూట్మెంట్ బోర్డు విడుదల చేసిన ఈ రిక్రూట్మెంట్ నోటిఫికేషన్ ద్వారా తెలంగాణ మెడికల్ ఎడ్యుకేషన్ విభాగంలో ఖాళీగా ఉన్న అసిస్టింట్ ఫ్రోఫెసర్ పోస్టులను భర్తీ చేయనున్నారు. ఈ నెల 20వ తేదీ నుండి ఆన్‌లైన్లో దరఖాస్తులు సమర్పించేందు అవకాశం ఉంది. 

ఆశావహులైన అభ్యర్థుల నుంచి దరఖాస్తులు స్వీకరించడానికి జనవరి 5వ తేదీని ఆఖరు తేదిగా నిర్ణయించినట్టు మెడికల్ హెల్త్ సర్వీసెస్ రిక్రూట్మెంట్ బోర్డు ఈ ప్రకటనలో పేర్కొంది. ఈ నోటిఫికేషన్ వివరాలను రాష్ట్ర వైద్య ఆరోగ్య శాఖ మంత్రి హరీశ్ రావు ట్విటర్ ద్వారా మీడియాతో పంచుకున్నారు. మెడికల్ ఎడ్యుకేషన్‌లో ఏయే విభాగంలో ఎన్ని పోస్టులను భర్తీ చేయనున్నారనే వివరాలను ఈ ప్రకటనలో పేర్కొన్నారు. 

It’s raining jobs in Health Medical & Family Welfare Department!

Notification for 1,147 vacancies of Assistant Professors under Director of
Medical Education was released by Medical Health Services Recruitment Board#AarogyaTelangana pic.twitter.com/qPshUXtDxT

— Harish Rao Thanneeru (@trsharish) December 6, 2022

అనస్థిషియా విభాగంలో అత్యధికంగా 155 అసిస్టెంట్ ప్రొఫెసర్ పోస్టులను భర్తీ చేయనుండగా ఆ తరువాత ఆబ్‌స్టెట్రిక్స్ అండ్ గైనకాలజీ విభాగంలోనే అధికంగా 142 అసిస్టెంట్ ప్రొఫెసర్ పోస్టులను రిక్రూట్ చేసుకోనున్నారు. ఈ ఉద్యోగ అవకాశాల కోసం దరఖాస్తు చేసుకోవాలనునే అభ్యర్థులు మెడికల్ హెల్త్ సర్వీసెస్ రిక్రూట్మెంట్ బోర్డు అధికారిక వెబ్‌సైట్  mhsrb.telangana.gov.in లోకి లాగిన్ అవగలరు. ఈ రిక్రూట్మెంట్ నోటిఫికేషన్ ప్రెస్ మీట్ కాపీనీ  ట్విటర్ ద్వారా షేర్ చేసిన మంత్రి హరీష్ రావు.. భారీ సంఖ్యలో ఉద్యోగ నియామకాలు చేపడుతున్నట్టు తన ట్వీట్‌లో పేర్కొన్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.