ବର୍ଷା-ଅନୁଭବ ଘରୋଇ ବିବାଦ: କଣ କହିଲେ କଟକ SDJM କୋର୍ଟ ?

ଜଗନ୍ନାଥ ପାତ୍ର, କଟକ:  ଆଜି କଟକ SDJM କୋର୍ଟରେ ସାଂସଦ ତଥା ଅଭିନେତା ଅନୁଭବ ମହାନ୍ତି ଓ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ଘରୋଇ ହିଂସା ମାମଲାର ଶୁଣାଣି ହୋଇଛି । ଆଜି ଉଭୟ ଅନୁଭବ ଓ ବର୍ଷାଙ୍କ ପକ୍ଷରୁ ଦାୟର ଦୁଇଟି ପୃଥକ ଆବେଦନର ଶୁଣାଣି ହୋଇଥିଲା । ଉଭୟ ପକ୍ଷଙ୍କ ପକ୍ଷରୁ ନିଜ ନିଜର ଓକିଲ ଯୁକ୍ତି ଉପସ୍ଥାପନ କରାଯାଇଥିଲା । 

ତେବେ ଏହି ମାମଲାର ପରବର୍ତ୍ତୀ ନିର୍ଦ୍ଦେଶ ଆସନ୍ତା ଫେବୃୟାରୀ ୫ ତାରିଖରେ ଜାରି କରାଯିବ ବୋଲି କୋର୍ଟ (Court) କହିଥିବା ଆବେଦନକାରୀଙ୍କ ଓକିଲ ମାନେ କହିଛନ୍ତି । ଗତବର୍ଷ ଅକ୍ଟୋବର ୨୦ ତାରିଖରେ କୋର୍ଟ ଦେଇଥିବା ଅନ୍ତରୀଣ ନିର୍ଦ୍ଦେଶକୁ ଚ୍ୟାଲେଞ୍ଜ କରି ଅନୁଭବ ମହାନ୍ତି (Anubhav Mohanty) ଙ୍କ ପକ୍ଷରୁ ଏକ ଆବେଦନ କରାଯାଇଥିଲା । 

କୋର୍ଟଙ୍କ ଏହି ନିର୍ଦ୍ଦେଶ ଅନୁଯାୟୀ ବର୍ଷା ଶାଶୂ ଘରେ ରହୁଥିବା ସମୟରେ ପ୍ରତିପକ୍ଷ ଅନୁଭବ ମହାନ୍ତି କିମ୍ୱା ଅନ୍ୟ ମାନଙ୍କ ପକ୍ଷରୁ ଘରୋଇ ହିଂସା (DomesticViolence) ସୃଷ୍ଟି ନ କରିବାକୁ କୁହାଯାଇଥିଲା । ତେବେ ଏହାକୁ ଆଳ କରି ବର୍ଷା ପ୍ରିୟଦର୍ଶିନୀ (VarshaPriyadarshini) ଅନୁଭବଙ୍କୁ ଘରେ ପୁରାଇ ଦେଉନଥିବା ନେଇ ଅନୁଭବଙ୍କ ପକ୍ଷରୁ ଏକ ଆବେଦନ କରାଯାଇଥିଲା । 

ସେହିପରି ଗତବର୍ଷ ଅଗଷ୍ଟ ମାସ ୭ ତାରିଖ ପର ଠାରୁ ବର୍ଷାଙ୍କ ସହିତ ହୋଇଥିବା ଛୋଟ ମୋଟ ଘରୋଇ ହିଂସା ଘଟଣାକୁ ମାମଲାରେ ପରିସର ଭୁକ୍ତ କରିବାକୁ ବର୍ଷାଙ୍କ ପକ୍ଷରୁ ଏକ ଆବେଦନ କରାଯାଇଥିଲା ।

Edited: Zee Odisha Desk