ଆଜି ଶତାବ୍ଦୀର ଦୀର୍ଘତମ ଆଂଶିକ ଚନ୍ଦ୍ର ଗ୍ରହଣ; ଭାରତରେ କ'ଣ ପଡିବ ପ୍ରଭାବ? ଜାଣନ୍ତୁ ସୂତକ ସମୟ

ନୂଆଦିଲ୍ଲୀ: ଶୁକ୍ରବାର (ନଭେମ୍ବର ୧୯)ରେ ଶତାବ୍ଦୀର ଦୀର୍ଘତମ ଆଂଶିକ ଚନ୍ଦ୍ର ଗ୍ରହଣ ଲାଗିବାକୁ ଯାଉଛି। ପ୍ରାୟ ୬୦୦ ବର୍ଷ ମଧ୍ୟରେ ଏହା ଦୀର୍ଘତମ ଚନ୍ଦ୍ରଗ୍ରହଣ ଅଟେ।  ଆମେରିକାର ବଟଲର ୟୁନିଭରସିଟି କ୍ୟାମ୍ପସରେ ଅବସ୍ଥିତ ଇଣ୍ଡିଆନାରେ ଥିବା ହୋଲକମ୍ବ ଅବଜରଭେଟୋରୀ ଅନୁଯାୟୀ, ଚନ୍ଦ୍ର, ପୃଥିବୀର ଛାୟାରେ ଗତି କଲାବେଳେ ଚନ୍ଦ୍ରଗ୍ରହଣ ଘଟିଥାଏ। ଏହି ପରିପ୍ରେକ୍ଷୀରେ, ଆଂଶିକ ଚନ୍ଦ୍ରଗ୍ରହଣ ପର୍ଯ୍ୟାୟ ୩ ଘଣ୍ଟା, ୨୮ ମିନିଟ୍ ୨୪ ସେକେଣ୍ଡ ଏବଂ ସମୁଦାୟ ଚନ୍ଦ୍ରଗ୍ରହଣ ୬ ଘଣ୍ଟା ଗୋଟିଏ ମିନିଟ୍ ପର୍ଯ୍ୟନ୍ତ ରହିବ। ଏହାକୁ ୫୮୦ ବର୍ଷ ମଧ୍ୟରେ ଦୀର୍ଘତମ ଆଂଶିକ ଚନ୍ଦ୍ରଗ୍ରହଣ ବୋଲି କୁହାଯାଉଛି।

ଶୁକ୍ରବାର ଚଳିତବର୍ଷର ଶେଷ ଚନ୍ଦ୍ର ଗ୍ରହଣ (lunar eclipse) ହେବାକୁ ଯାଉଛି। ଏହି ଚନ୍ଦ୍ର ଗ୍ରହଣକୁ ଅନେକ ଉପାୟରେ ଗୁରୁତ୍ୱପୂର୍ଣ୍ଣ ମନେ କରାଯାଉଛି। କାର୍ତ୍ତିକ ମାସର ଶୁକ୍ଲ ପକ୍ଷର ପୂର୍ଣ୍ଣିମା ତିଥିରେ ଚନ୍ଦ୍ର ଗ୍ରହଣ ଲାଗୁଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଯେ ଏହି ଦିନ କାର୍ତ୍ତିକ ମାସ ଶେଷ ହେଉଛି। ଏହି ଚନ୍ଦ୍ର ଗ୍ରହଣ ଗତ ୫୮୦ ବର୍ଷର ଦୀର୍ଘତମ ଆଂଶିକ ଚନ୍ଦ୍ର ଗ୍ରହଣ ହେବ। ଚନ୍ଦ୍ର ଗ୍ରହଣର ଅବଧି ପ୍ରାୟ ସାଢ଼େ ୩ ଘଣ୍ଟା ରହିବ। ଭାରତରେ ଏହି ଚନ୍ଦ୍ର ଗ୍ରହଣ ରାତି ୧୨:୪୮ରୁ ୦୪:୧୭ ମିନିଟ୍ ପର୍ଯ୍ୟନ୍ତ ଚାଲିବ।

ସୂତକ ଲାଗିବ ନାହିଁ 

ଭାରତୀୟ ସମୟ ଅନୁଯାୟୀ ସକାଳ ୧୧.୩୪ ମନିଟରୁ ଚନ୍ଦ୍ରଗ୍ରହଣର ଆରମ୍ଭ ହେବ। ଏହା ସନ୍ଧ୍ୟା ୫:୩୩ ରେ ଶେଷ ହେବ। ଚନ୍ଦ୍ର ଗ୍ରହଣ ସମୟର ମୋଟ ଅବଧି ୫ ଘଣ୍ଟା ୫୯ ମିନିଟ୍ ହେବ। ଏହା ଏକ ଆଂଶିକ ଚନ୍ଦ୍ର ଗ୍ରହଣ, ତେଣୁ ଚନ୍ଦ୍ର ଗ୍ରହଣ ସମୟରେ କୌଣସି ସୂତକ ଲାଗିବ ନାହିଁ। ଜ୍ୟୋତିଷଙ୍କ ଅନୁଯାୟୀ, ଏହି ଚନ୍ଦ୍ର ଗ୍ରହଣର ଭାରତ ଉପରେ କୌଣସି ପ୍ରଭାବ ପଡ଼ିବ ନାହିଁ। ଏହା କେବଳ ପୂର୍ଣ୍ଣ ଚନ୍ଦ୍ର ଗ୍ରହଣ ହେଲେ ସେତେବେଳେ ଏହା ଲାଗୁ ହୋଇଥାଏ। ଯଦି ପୂର୍ଣ୍ଣ ଚନ୍ଦ୍ରଗ୍ରହଣ ହୁଏ, ତେବେ ଚନ୍ଦ୍ର ଗ୍ରହଣ ଆରମ୍ଭ ହେବାର ୯ ଘଣ୍ଟା ପୂର୍ବରୁ ସୂତକ ଆରମ୍ଭ ହୁଏ।

କେଉଁ ରାଶିରେ ଚନ୍ଦ୍ର ଗ୍ରହଣ ଲାଗିବ?

ଏଥର ଚନ୍ଦ୍ର ଗ୍ରହଣ ବୃଷ ରାଶିରେ ହେବାକୁ ଯାଉଛି। ତେଣୁ, ବୃଷ ରାଶି ଉପରେ ସର୍ବାଧିକ ପ୍ରଭାବ ଦେଖାଯିବ। ଏହା ବ୍ୟତୀତ କୃତ୍ତିକା ନକ୍ଷତ୍ରରେ ଚନ୍ଦ୍ର ଗ୍ରହଣ ଲାଗୁଛି। ଜ୍ୟୋତିଷ ଶାସ୍ତ୍ର ଅନୁଯାୟୀ, କୃତ୍ତିକା ନକ୍ଷତ୍ର ସୂର୍ଯ୍ୟଙ୍କ ନକ୍ଷତ୍ର ବୋଲି ମନେ କରାଯାଏ। ତେଣୁ, ଯେଉଁମାନେ କୃତ୍ତିକା ନକ୍ଷତ୍ରରେ ଜନ୍ମଗ୍ରହଣ କରନ୍ତି, ସେମାନେ ସାବଧାନ ହେବା ଆବଶ୍ୟକ। ଯଦିଓ ଏହି ଚନ୍ଦ୍ର ଗ୍ରହଣର ପ୍ରଭାବ ଭାରତରେ ଦେଖାଯିବ ନାହିଁ, କିନ୍ତୁ ଚନ୍ଦ୍ର ଗ୍ରହଣ ସମୟରେ ଭଗବାନଙ୍କର ଧ୍ୟାନ କରିବାକୁ ଜ୍ୟୋତିଷମାନେ ପରାମର୍ଶ ଦେଇଛନ୍ତି। ଚନ୍ଦ୍ର ଗ୍ରହଣ ଶେଷ ହେବା ପରେ ସ୍ନାନ କରନ୍ତୁ ଓ ଯଦି ଆପଣ ଗର୍ଭବତୀ ଅଛନ୍ତି ତେବେ ଆପଣଙ୍କୁ ବିଶେଷ ଯତ୍ନ ନେବା ଆବଶ୍ୟକ।