ଯଦି ଆପଣଙ୍କର ମଧ୍ୟ ସେପରି ଅଭ୍ୟାସ ଅଛି ତେବେ ସାବଧାନ ହୋଇଯାଆନ୍ତୁ । କାରଣ ଏହି ଅଭ୍ୟାସ ଆପଣଙ୍କ ଜୀବନ ନେଇପାରେ ।
Trending Photos
ଭୁବନେଶ୍ୱର: ଅଧିକାଂଶ ଲୋକେ ନିଜ ମୋବାଇଲକୁ ତକିଆ ତଳେ ରଖି ଶୋଇଥାନ୍ତି । ଯଦି ଆପଣଙ୍କର ମଧ୍ୟ ସେପରି ଅଭ୍ୟାସ ଅଛି ତେବେ ସାବଧାନ ହୋଇଯାଆନ୍ତୁ । କାରଣ ଏହି ଅଭ୍ୟାସ ଆପଣଙ୍କ ଜୀବନ ନେଇପାରେ । ତେବେ କେଉଁ କେଉଁ ସ୍ଥାନରେ ମୋବାଇଲ ରଖିବା ଜୀବନ ପାଇଁ ବିପଦ ହୋଇଥାଏ ଆସନ୍ତୁ ଜାଣିବା।
ପ୍ୟାଣ୍ଟ ପଛ ପକେଟ
ମୋବାଇଲରୁ ବାହାରୁଥିବା ବିକିରଣ ଆମ ଶରୀରର କୋଷିକାଗୁଡ଼ିକୁ ଶୋଷିଥାନ୍ତି । ଏଥିଲାଗି ପ୍ୟାଣ୍ଟ ପଛ ପକେଟରେ ସବୁବେଳେ ମୋବାଇଲ ରଖିଲେ ନିତମ୍ବଠାରୁ ଯନ୍ତ୍ରଣା ଆରମ୍ଭ ହୋଇ ପାଦ ପର୍ଯ୍ୟନ୍ତ ଯନ୍ତ୍ରଣା ବଢିଥାଏ ।
ପ୍ୟାଣ୍ଟ ଆଗ ପକେଟ
ପ୍ୟାଣ୍ଟ ଆଗ ପକେଟରେ ଫୋନ ରଖିବା ବିପଦ କାରଣ ଏହା ପ୍ରଜନନ କ୍ଷମତାକୁ ପ୍ରଭାବିତ କରେ ।
ସାର୍ଟ ପକେଟ୍
ଗବେଷଣାରୁ ଜଣାପଡିଛି ସାର୍ଟ ପକେଟରେ ମୋବାଇଲ ଫୋନ ରଖିବା ଦ୍ୱାରା ହୃଦଘାତ ହେବାର ଆଶଙ୍କା ଅଧିକ ରହିଛି । ପକେଟରେ ମୋବାଇଲ ରିଙ୍ଗ୍ ହେଲେ ବ୍ୟକ୍ତିଜଣକର ହୃଦସ୍ପନ୍ଦନ ବଢ଼ିଯାଏ । ଏହାଛଡ଼ା ରକ୍ତରେ ଅଚାନକ କୋଲେଷ୍ଟ୍ରଲର ମାତ୍ରା ବି ବଢିଥାଏ । ଯାହାଫଳରେ ହୃଦଘାତ ହେବାର ଆଶଙ୍କା ରହିଛି ।
ତକିଆ ତଳେ
ତକିଆ ତଳେ ମୋବାଇଲ ରଖିଲେ ଏଥିରୁ ବାହାରୁଥିବା ନୀଳ ଆଲୋକ ନିଦ ପାଇଁ ଜରୁରୀ ହରମୋନ ମେଲାଟୋନିନର କାର୍ଯ୍ୟକାରିତାକୁ ପ୍ରଭାବିତ କରିଥାଏ । ଫଳରେ ଭଲ ଭାବେ ନିଦ ହୋଇନଥାଏ । ଏହା ସହ ମୋବାଇଲ ଚାପି ହୋଇ ରହିଲେ ଏଥିରେ ନିଆଁ ଲାଗିବାର ଆଶଙ୍କା ରହିଛି ।