ରାଜ୍ୟ ସରକାରଙ୍କ ନିବେଦନ, 'ବ୍ରିଟେନ ଫେରନ୍ତା ନିଜ ଆଡୁ ଦିଅନ୍ତୁ ତଥ୍ୟ'

ଭୁବନେଶ୍ୱର: କୋରୋନାର ନୂଆ ଷ୍ଟ୍ରେନ୍ (New Strain Of Coronavirus) ଯୋଗୁଁ ବିଶ୍ୱରେ ନୂଆ ସଙ୍କଟ ଦେଖାଦେଇଛି । ବ୍ରିଟେନ (Britain) ରୁ ଏହି ନୂଆ ଷ୍ଟ୍ରେନ୍ କ୍ରମାଗତ ଭାବେ ବିଶ୍ୱର ଅନ୍ୟାନ୍ୟ ଦେଶରେ ବ୍ୟାପିବାରେ ଲାଗିଛି । ଏହି ନୂଆ ଷ୍ଟ୍ରେନ ପୂର୍ବ ଭୂତାଣୁ ଅପେକ୍ଷା ୭୦ ପ୍ରତିଶତ ଅଧିକ ଦ୍ରୁତ ଗତିରେ ବ୍ୟାପିଥାଏ । ଭାରତରେ ମଧ୍ୟ କୋରୋନାର ୬ଟି ନୂଆ ଷ୍ଟ୍ରେନ୍ ମାମଲା ସାମ୍ନାକୁ ଆସିଛି । ଯାହା ଚିନ୍ତାର କାରଣ ପାଲଟିଛି । ସେପଟେ ପତ୍ତା ମିଳୁ ନଥିବା ବ୍ରିଟେନ ଫେରନ୍ତାଙ୍କୁ ରାଜ୍ୟ ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ରଙ୍କ ନିବେଦନ କରିଛନ୍ତି ।

ଅଧିକ ପଢ଼ନ୍ତୁ:-ଚାକିରି ମିଳିବା ହେବ ସହଜ, କେନ୍ଦ୍ର ସରକାରଙ୍କ ମନ୍ତ୍ରଣାଳୟ ଓ ବେସରକାରୀ କମ୍ପାନୀ କରିବେ ଆପଣଙ୍କୁ କଲ୍

ସେ କହିଛନ୍ତି ଯେ, ନିଜ ଆଡୁ ସରକାରଙ୍କ ପାଖରେ ତଥ୍ୟ ଦିଅନ୍ତୁ । କାରଣ ବହୁତ ନମ୍ବର ଭୁଲ ଅଛି । ୧୮ଟି ଜିଲ୍ଲାରୁ ବ୍ରିଟେନ ଫେରାନ୍ତାଙ୍କ ମଧ୍ୟରୁ ମୁଖ୍ୟତଃ ଭୁବନେଶ୍ୱରର । ସେମାନଙ୍କୁ ଖୋଜିବାକୁ ବିଏମସି (BMC) ଟିମ ଆଜି ଯାଇଛନ୍ତି । ତେବେ ଭୟ କରିବାରେ କିଛି ନାହିଁ । ଆମେ କେବଳ ସେମାନଙ୍କ genom sequence ଦେଖିବୁ । ସେମାନଙ୍କ ଏକାଡେମିକ ଗବେଷଣା କରିବାକୁ ଖୋଜୁଛୁ । 

ସେପଟେ ୬ ନୂଆ ଷ୍ଟ୍ରେନ ଚିହ୍ନଟ ପରେ ଜନସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି, ରିପୋର୍ଟ ଆମ ପାଖକୁ ଆସିବ ନାହିଁ । ହେଲେ ଆମେ ନୂଆ ଷ୍ଟ୍ରେନ୍ ନେଇ କେନ୍ଦ୍ରର SOP ପାଳନ କରୁଛୁ । ଯେଉଁ ୮ରୁ ୧୦ଟି ଦେଶରେ ନୂଆ ଷ୍ଟ୍ରେନ ଦେଖାଯାଇଛି । ସେଠାରେ ମୃତ୍ୟୁ ସଂଖ୍ୟା ବିଶେଷ ନାହିଁ ।

ଅଧିକ ପଢ଼ନ୍ତୁ:-LIC ଅଛି ତ ହୋଇଯାଆନ୍ତୁ ସାବଧାନ, ନ ହେଲେ ବୁଡ଼ି ଯିବ ଆପଣଙ୍କ ଟଙ୍କା!

BMC ଡେପୁଟି କମିଶନର ଶୁଭେନ୍ଦୁ ସାହୁ କହିଛନ୍ତି ଯେ, ବିଦେଶ ଫୋନ ନମ୍ବର ଯୋଗୁ କିଛି ବ୍ରିଟେନ ଫେରନ୍ତାଙ୍କ ତଥ୍ୟ ମିଳି ପାରୁନି । ଆମେ ତାଙ୍କ ଘରକୁ RRT ପଠାଇଛୁ । ବାକି ଯେଉଁମାନେ ଟ୍ରେସ ହେଲେଣି, ସେମାନଙ୍କ ପରୀକ୍ଷା କରୁଛୁ । କିଛି ଘରୋଇ ହସ୍ପିଟାଲରେ ନିଜେ ଟେଷ୍ଟ କରିଛନ୍ତି ।